البارت4
مسره گعدنه تغدينه وكلهه سوه سفره ممدوده من الطول للطول والاكل اشكال وانواع والفواكه يعني بكندا ممسوين هيج رنا وريم ومنى كل خوش بنات بس اسراء وهناء يمه منهن بس يبسبسن اني اتجهالتهم شعلي بيهن اسبوع ورايحه خلي اتصل بنيفين
نيفين اهلين لك مسره وينك تركتيني ورحتي
مسره لج سافرنه للعراق ابوي لخذنه نشوف عمامي ونتعرف عليهم اسبوع واجي مشتاقتلج حتى لما اوصل اعزمج على مطعم ونروح بعدين للديسكو اريد ارگص ههههه
لك خبله انتي ما خبرتيني يله انا بالانتظار بستناكي بحبك
مسره ههههههه بموت فيكي 😘😘😘😘😘
نيفين :انا نيفين صديقة مسره انا لبنانيه من صارت احداث لبنان وبدى تهجير بعض المناطق بسبب الانقلابات سافرنه لكندا لحتى ابي يأمن علينا من الاحداث وتعرفت على مسره وعرفت انو هي عراقيه ودمهه حلو وسبوت اعشقها
بعد مرور 3 ايام
ابو سامر خويه ابو حسين احنه اجازتنه مو طويله يعني باقيلي 4 ايام لازم اسافر وراي مرافعه ضروريه
ابو حسين لا وانه اخوك انه ببالي جاي شهر شهرين مو اسبوع
ان شاء الله تتعوض بس انطيني مجال
الله يوفقك اخوي بس انه اريد احاجيك بشغله وما اريدك تردني خايب
ابو سامر لا خويه انته تأمر امر
ابو حسين انته تعرف عاداتنه والبنات لازم يتزوجن بنات عمهن وما يرحن للغريب
اي خويه كمل اسمعك
وليدي نائل جاي يدرس ببغداد وباقيله شهرين ويخلص وانه اريدله بنتك مسره ومنسه لسمير
خويه فاجاتني ما اعرف شأكولك بس لازم اشوف رأي البنات لان هذا مصيرهم وحياتهم
وسفه عليك خويه واحنه شوكت ناخذ رايهم من نزوجهم احنه نختار وهم يتزوجون وهاي كلنه هيج
بس خويه اني ما معودهماخذ قرار بدالهم هم مستقلين بقرارهم وبعدين البنات ما مخلصات دراسه
خويه انه طلبتك وانته تردني ما عرفتك هيج
بغصه وروخي طالعه براحتك خويه اللي تامر بيه
اي هذا الحجي العدل
سامر بابا صيحلي امك اريدهه بشغله اني رايح للغرفه
حاضر بابا بس لا تضوج كلشي ينحل
يوم تعالي فدوه لعينج ابوي صاير نار ويريدج
اي ماما ليش شبيه
ما اعرف گاعد بالغرفه يريدج
ها ابو سامر خيرك شكو ليش ضايج ومقهور
اخوي ابو حسين
شبيه😳
يريد منسه ومسره لولده واني يعز علي ينهدن لولد عمامهن
وانته شنو رأيك
والله ما ادري بس وافقت مجبور
وبدون موافقة. البنات 😳😳
اگلج انضغط علي انتي متعرفين شلون يفكرون الجبير يامر والكل تنفذ
بس اني ما اريد بناتي ينهدن ليش مو خلوات لو بارن ومحد ياخذهن لا عيني لا احجزلنه خلي نروح اني ما مرتاحه لهيج وضع
لازم ننفذ مجبورين ليش اني ما مقهور ولج جاي اموت ببطئ ولج جاي احترك ومحد حاس بيه بس مجبور مجبور هيج العادات تگول ما تشوفيني ما خليتج يمهم وشفتي شلون هدوج الي بس اني مو مثل عقليتهم واخذتج للخارج حتى ما نعاني من تقاليدهم وهالعادات لازم نزوج البنات يله نسافر بس والله ما اخليهن هنا يبقن مذله
منسه سمعت ابوي بالصدفه يحجي ويه امي دكيت الباب ودخلت گلتله بابا اني مموافقه وما اريد اعيش هاي الحياة الريفيه اريد اكمل دراستي
واذا تريدني اني احاجيه لعمو اني ما اريد اتزوج ولو يبقه سمير اخر شخص بالدنيه ليش هالاجبار ميحسون بمشاعرنه مديشوفون اللي يعانونه بناتهم بسبب ظلمهم ما كافي عاد
لج انتي شجابج ام لسان روحي منا روحي طافره مني لا افرغ بيج كل القهر
منسه روحي منا ابو سامر فدوه لعينك هدي ما يصير تحرگ اعصابك شوف اجراءات القضاء وشنو لازم نسويه
انتي صدگ تحجين لج يا قانون شوفيهه شلون فوضى والله اروح اقدم طلب على انو اخوي يريد يزوج بناتي لولده حتى اصير مضحكه مو لو مو مو ست فائزه
والعمل الله يخليك سوي جاره
منسه لج مسره شوفي كارثه والله كارثه وابجي ومنهاره
لج شبيج خبصتينه شنو قابل شفتي سعلوه 😂😂😂
ولج لو سعلوه ارحم حياتنه راح تنگلب سعلوه
لا بربج شنو صاير فورتي دمي لا تخليني ابتلي بيج قزمه
ولج عمو ابو حسين
شبيه ولج ماتن اديه ورجليه گولي لا يوگف گلبي طلعي الدره
يريد يزوجنه لولده
ومنو گالج 😳😳😳😳
اني سمعت ابوي يحجي لامي ومنهار وصاير اعصاب وميتحاجه 😭😭😭
مسره :والله لأكلب الدنيه شنو يعني يهدونه الهم من كل عقلهم اني اقبل اعيش هنا
منسه :لا يبنيلج قصر انتي من كل عقلج تفكرين هيج
مسره :ولج صح حياتهم حلوه بس مال اصير هديه لشخص ما اعرفه مستحيل
منسه :اني اموت نفسي ولا اتزوج هذا سمير ولج بس يتحارش بالبنات عبالك سلعه ومعروضه
لا والله هذا الج واني 😂😂😂😂😂
انتي الج نائل يدرس بجامعة بغداد ومن يجي بعد 3 ايام يقررون
بس لا هذا الجامد اللي تلگانه 😔😔😔
اي بس لا كيفتي احسن من حظي سمير ابو النسوان
لا والله ولج ادفن نفسي ولا اصير هديه رايحه لعمو احاجيه وشيصير يصير ولا اسلم نفسي بهالبساطه
ابو حسين :هلا بنيتي تعالي يمي شلونج
مسره :الحمد لله عمو بس اريد منك تگلي الحقيقه الي سمعته صح
ابو حسين: بخصوص شنو
مسره :تريد تهدينه لولدك
:
:
:
#اهداني_ابي🐣💕البارت5
بنيتي احنه عاداتنه وتقاليدنه هيج تگول ولازم البنيه تتزوج ابن عمهه
يعني صدگ 😭😭😭😭😭
ليش تبجين
عمو تدري شگد عمري
لا بويه بس بناتنه لازم يقبلن بكلشي يقررونه اهلهن وما يرفضن هاي اخلاقنه وانه ابوج
عمو عمري 18سنه يعني بعدني صغيره عالزواج مو مال مسؤوليه
عمي شوفي نوال عمرهه هسه 29 سنه متزوجه صارلهه سنين وبناتهه وولدهه بطولهه
عمو صدگ تحجي نطيتهه وبعدهه طفله مستحيل شلون دتفكرون
عمي روحي جهزي نفسج بداية الاسبوع العرس كملوا شغلاتكم وما اريد رفض وكلاني امر ويتنفذ وما اريد معارضه
😭😭😭😭بجيت ورحت ذول ظلام اني شلون اجيت ويه اهلي لو باقيه بكندا مو افضل شورطني واجيت جان عندي احساس اخر مره اشوف نيفين ومدرستي بس كذبت احساسي وما توقعت هيج تصير نهايتي واني احلم احب يله اتزوج اللي احبه وبالاخير اتزوج شخص ما اعرف بس اسمه شنو هالعائله ليش هيج يسوون لا وعدهم البنيه هديه والله راح انجن شنو عقلياتهم
:
:
:
#اهداني_ابي🐣💕
