البارت1
البدايه
قصتي ممزوجه بين الحزن والفرح بسبب العادات والتقاليد التي يفرضها علينا الاهل والاقارب والمجتمع وهو زواج ابن العم من ابنة عمه كي لا تكون للغريب الذين يحسبون بانه عار خروج ابنتهم للغريب وسيطمع باملاكهم وميراثهم
مسره :اني اسمي مسره عمري حاليا 25 سنه مدللو امي وابوي وگعدت البيت عيوني زرق وشعري جوزي طبعا صبغته حسب اختياري طولي وسط وجسمي متروس وبيضه وعندي خدود عائلتي تتكون من 5 اشخاص واني 6 ابوي سعيد عنده شهادة دكتوراه بالقانون وامي فائزه طبيبة اسنان محترفه واخوي الكبير سامي حبيب گلبي العصبي ابو دم الحار واختي الوحيده منسه صندوق اسراري واخوي الاكبر مني وائل مشاركني بكلشي هههههه طبعا احنه معايشين بالعراق ساكنين كندا قبل حوالي 25سنه لان ابوي قرر يكمل دراسته بالخارج واختار كندا ما اعرف ليش طبعا اني جنت اهوى الرسم وامنيتي ادخل كلية فنون جميله بس لما اجه ذاك اليوم اللي قرر ابوي بيه ذاك القرار هدم كل حياتي
نائل :اني نائل ابن عم مسره ابوي الكبير شيخ العشيره من محافظات الجنوب لكن سكنه حاليا بغداد عندي ابوي وامي هي الزوجه الثانيه لابوي حنونه وطيبه وتحب الخير عندي من ابوي من زوجته الاولى 3اخوه حسين وحسن ومحمد ومن اني 3 قاسم وابراهيم وسمير و2 اخوات سميه ونوال اختي التوأم طبعا كلهم متزوجين الا اني وسمير اني بشرتي بيضه مو كلش عيوني رصاصي وشعري اسود وطولي170. وعمري29 سنه وادرس حقوق مرحله اخيره وقررت اكمل دراستي بالخارج احب وحده ويايه بالكليه وقررت اخطبهه بعد التخرج اسمهه ميس ومن اخذ الماجستير نتزوج ولكن حدث ما لم يكن بالحسبان طبعا بطبيعة بيئتنه من اجي لاهلي البس الزي التقليدي دشداشه وغتره وعگال ومن اروح للكليه البس حالي حال الشباب
حجي صادق ابو حسين :يابه ياولد بما انو احنه الحمد لله ميسورين الحال وعدنه كاعنه وزرعنه قررت هالشي بعد ما شقت وضع البيت بعد ميتحمل راح اوزعكم عالدوانم وكل 2 بدونم شتكولون ومن هسه يصير ورثكم تحافظون عليه مثل ولدكم وتحرسونه بعيونكم حسين :يابه الله ينطيك الصحة والعافيه وعمرك طويل بس اذا بدر منه اي شي كول وشتريد جاهزين انته بس أأمر واحنه طوع امرك بس ليش هيج قررت
قاسم :يابه الله يديمك فوك راسنه انته ممقصر ويانه شلون نعوفك وحدك واحنه ما نصبح الا بوجهك
حسن :يابه الله يخليك اني طلعه من البيت ما اريد خليني وياك تحتاجون شي تردون مساعده على الاقل واحد منه يمكم
الكل :اي يابه احنه كلنه طوع امرك واللي تامر بيه يصير
ابو حسين يابه انه هم فكرت هاي فايدتهه الكم ولعيالكم وكل جمعه كل ولابد تجون يمي غداكم وعشاكم بعد شتردون
الكل :الله يديمك يابه احنه بالخدمه شوف اللي يناسبك
ابو حسين :بويه حسين وقاسم ياخذون دونم يبنون بيه بيوتهم والباقي يزرعونه وحسن وابراهيم ياخذون الدونم الثاني اللي يم الشط ومحمد يبقه ويانه لما نزوج واحد من الولد ونطلعه وياه بالدونم اللي بصف اخوه حسين شگلتوا
الكل :الله يخليك يابه اللي تامر بيه
ابو حسين: بعد اكو كم شغله اخواتكم خطيه رجالاتهم صايمين مصلين وعلى كد حالهم اول شي سميه بيتهه ايجار ورجلهه يادوب مدبر العيشه يضير فلاح بگاع واحد منكم يساعدكم وننطيه البيت اللي بصف بيتنه ونوال البيت الثاني شگولكم
حسين: بويه انه اگول كل وحده انته قررت حصتهه وهن خواتنه وانته امرك عالعين والراس بس البيوت مالاتنه مو كلش زينات بيهن مصدع ويرادلهن كومه شغل شرايك لو نعدلهن الهن نكسب اجر بحماية جهالنه
قاسم :اي والله ياخوي كلت وانته ابو الراي وانه وياك
حسن: واني وياكم
ابراهيم :ليش شمالهن رجالهن ما يسوولهن بيوت احنه هم طالبنه نسابتنه مثلهم
ابو حسين :انته ليش حجايتك مو عدله هنه خواتكم واللي يجير عليهن يجير عليكم ومريودات منكم واللي قررته يتنفذ واذا لا اغضب عليكم ليوم الدين وانه ما ربيتكم كلمن يفكر بروحه
حسين:ابراهيم 😠بويه ولا يهمك انته ابو الراي واللي تكوله يصير واحنه تحت امرك
ابو حسين: بويه اخوكم نائل جاي افكر ازوجه وبنات عمامكم اللي هنا بقن بس الزغار بس عمكم سعيد عنده 2بنات وانه شفتهن من احن قبل سنين افكر اخذهن لخوانكم حتى لا يضيع نسبنه وبناتنه يصيرن للغريب
حسين: بويه انته هسه ارتاح وبعدين نشوف شلون نحاجي عمي وناخذ رايه لان هنه بناته وهو احق بيهن وياخذ قرار يناسبهن وانته شيخنه وابونه وتاج راسنه واللي تريده يصير
ابو حسين :اي بويه باجر اخابره يله وانا ابوكم روحوا ناموا وباجر كلمن يطلع لدونمه يشوف شكد يبني بيت وشكد يزرع
الكل :تصبح على خير بويه
:
:
:
#اهداني_ابي🐣💕
