هلو حبايبي شلونكم. مشتاقلكم وربي
طبعن اني اعتذر لني مااتواصل هواي لن دوامي يحكم علي
نرجع نستمع لقصت روان والي صار وياهة
روان:بعد ماابزعت من لمشاكل بين اهلي وبين اهل حسين وحددو موعد زواج بيوم الاحد اجه حسين علينه حتى نعقد عقد لمحكمه
وراح وياي بابه ومامه ورحنه اني كنت كولش جميلة ولكل كان يلوم بينه ويكول حرمات انطيتوه لمهم اجه حسين اصبح دك لباب وفتحه امي
الام: هلو عمه هلا تفضل
حسين:هلا بيج عمه شنو نايمين بعدكم
الام:لا عمه كاعدين بس روان كاعد تعدل شاله
روان:طلعت من لغرفه وهوة كاعد يم بابه ومامه
دخلت صاله هلو حسين
حسين:هلو روان شلونج
روان لحمدالله
حسين:يله نطلع طلعنه كلنه واني صرت بصف روان
تقربت منا وكتله شطالعه تموتين يوميه تخبليني بيج
روان:بتسمت ودنكت راسي حاول يلزم يدي وجنت خايفه من امي متقبل لن محافظه كولش ومتقبل بتعدت عنه وضليت امشي يم امي
وصلنه لمحكمه وضلينه كاعدين لحد ماعقدني لقاضي وطلعنه بعد ماطلعنه باركونه ورجعنه للبيت بس بنص طريق مقبل حسين
حسين:عمي ترى ماكو رجعه لبيتكم معزومين يمنا واهلي ينتظروكم
الاب: لا عمي غير مرى طايرين
حسين :لا عمو اهلي منتظرينه
الام:يله لعد ناس منتظرنه
وصلنة لبيت اهل حسين دخلنه وام حسين كامت تهلهل وباركت انه
وابو حسين هم دخلنه وكعدنه وجان يجي حسين عليه
حسين: روان تعاي خلي شوفج لغرفه مالتنه
ام حسين: ييي روحي شوفي لغرفه مالتج حلوه
رحت صعدت فوك ويا حسين وخوته يباوعن عليه
دخلت لغرفه وضليت اباوع عليه وسالني حسين حلوه
وكتله ايي حلوه اقترب مني وحاول يبوسني بس مامه صارت
روان تعاي هههههه وماكدر ونزلت بسرعه وضل هوة بل غرفه
اكلنه ورجعنه للبيت وخابرني حسين
حسين:روان يوم جمعه لعرس مالتنه حضري نفسج
روان:شنو بسرعه حسين يي شنو منتظرين بعد روان اني بعد مااتحمل اني احبج واريدج ولج راح اموت
ضحكت وبكلبي فرحه حسيت ملكت دنيه من كلي احبج
حبابيبي اتمنهئ يعجبكم هاذا جزء انتضرو تكملت قصت روان والي صار وياهة ❤
