MACHANN TÈT GRIDAP

DEGOUTE

men gen yon kesyon nan chapit sa pou nou. pouki zetwal file?

Souvan, yo di se nan chimen kwense, yo kenbe chwal malen

si ti kouto sò Awouwa file m'ap poze tèt mwen kesyon anba ki babin li pral mete l'? men,

Lè lespwa frape pyel sikonstans la vi chache kote li mete kòl

nan pase l', yo te dil menen l' lekol se youn e chita l' se 2 e pafwa lap vle pote kòl

le sajès sizonnen vyann ou sou betize menm kri e san sèl ya manje vyann ou

men siw pa posede l' wa dim kouman pòt pra l' fè louvri pou ou? boutofen fòk ou ekilibre!!!

e ki li vre ki ka fè kri esansyèl pou yo peye l' ti lajan gaye pay la?

pa gen mo ki pou ta pèmèt mwen rakontew kouman yo fè madanm nan travay yo pa peye l'. epi se we pou ta we jan madanm sa t'ap fouye pye l' nan labou santi. le m' diw sa, santi sou konn chen ak plòt sole cheche bo galèt. sa ki pi degoutan an, le mouche a t'ap pran moun pou travay la li t'ap fe enteresant, li chache kek ti malere pye blanch al travay pou chek fet sou non limenna kap aroze zong.

sou vle konprann, se yo ki gen kò pou nan kole bouda pou mouche palto pran layite. madanm nan tounen ti bebe ki pral lekol kap kriye pou bwat yo pa ba li. tande ak wè se 2, li 2 ran dlo 2 ran larim, pandan yon ekip malandren ki pa ganyen pou fe ap fawouche l'.

sa ki pi bel nan mouche lespwa li menm, li plis renmen nan fe va e vyen poutan se nan lalwèt ou li pral rale vye vlen pot bay boujwa. Awouwa nan mize l' li pe antre. e tout fanmi an te met lespwa sou ti gaye pay la. bidyè ki pat menm vo kob la.

se konsa yon madanm tap pase li we jan sanzave yo tap takinen madanm nan. li envitel lakay li. apre yon long dyalòg. li prete Awouwa 1000 gds pou komanse. men li pa sispann mete espwa sou kob gaye pay la li di lap remèt kòb la apre yon semèn. madanm nan tou al konn kay li. le yo rive, li fe prezantasyon men Nènè pat la. ak bèl sajès lè l'ap deplase pou li ale lakay li, li kanpe mw swetew sikse.

Sonson ak Blikenton ap mande Awouwa kiyes dam nan ye. li pa vle reponn yo. vin jwenn timoun yo ki tap tann lajan yo di manman sa n'ap fe ak kob la? epi Frankel reponn; se pa manti non! mwen gentan fe bak la wi...

Awouwa pa we sa pou'l reponn. se konsa figi madanm nan ou pa ta di se kote 2 gwo rivyè desann li rakonte yo sak pase epi li fe timoun yo pwomèt li pou yo pa di Nènè sa.

fok mw di nou byen, se pa paske yo pè Nènè men se paske li pa konn mode lage lè li vle regle yon bagay. Mal chans pou yo, pandan yap di pa di l' sa li te dèyè pot la ap tande... e yo atann li pa t'ap dakò, li bay fe vè!!!

piga nou janm nan kache men voye wòch lè nou ap regle yon bagay serye. paske li pa fasil pou jwenn moun akonpanye'w nan pwoblèm lè ou te mete yo okouran avan. e profite chak sa ou genyen kòm pyon nan gran jwèt lavi a. boutofen, degoute miyò pase pa pise...