الكتمان في القلب
الكاتبة ..saja
البارت الثاني عشر
مرات اصعب المواقف تحتاج شي يفرحك ولو حتى بسيط
ينسيك الم بداخلك بس هذا الشي موصعب لان مهما الدنيا تضيق
بيه فرج وًكلشي يتعوض ...
ريمان... شو ظل بالي زهورة ماكووو وادك ماكو ادز رسايل ماكو احد يجاوب بس لا هذا الخبل سواله شي خلي بعدين اخابر وبلكت هي تخابرني واشوف حبيبي وين وصل
محمد ... شكد فرحت برجعة ريمان الية واحس السعادة متنوصف لان خسرت كلشي بحياتي بعد امي بس ريمان هي عوضتني وخلتني اتأمل اكثر واكثر
فدووة ابالي ودكت علية(ها حبيبي شلونج شخبارج هسة راجع للبيت )
ريمان.. اي حبيبي طمني راح ترجع للكلية هاهي لان ظل بالي بس ها خاف ترجع مو تختلط اهنا وهنا خاصة البنات عيونك افكسه
محمد ....هههههه ياربي حبيت وحدة نفس الوقت مخبلة ونفس الوقت تغار تدللين حبيبي هو اني اصلا عيوني متشوف غيرج وتعالي دوامج شلونه ولبسج شلونه
ريمان... دوامي الحمد الله بس لبسي اشبي تسأل عليه
محمد.. لبسج يخبل ويجنن ورجلج طالعة وتمشين وفرحانة شوفي هيج لبس مااحبه غيري موزين محجبتج لبسي شي طويل اوكي
ريمان...اشبي لبسي بالعكس هي تنورة قصيرة بس جوة الركبة وتعرف بيه الااكشخ واذا البس طويل اطلع ام قاسم المدحدحة هههه حباب عوف لبسي على جه ماكو احد يباوع
محمد... اي صح محد يباوع العالم تمشي وتغمض حجيت حجايه بعد متنعاد لبسج يتغير واذا على تنورة جواه ستريج شي اسود مااريد احد يشوف بس اني ومكياج خفيفي لاحمرة طوخ
ريمان..ليش مااسوي ظفاير والبس صدريه واحط مصاصة بحلكي وافتر واكلهم تيهت عبالي روضة
محمد.. جاي تنكتين لتخليني اسوي شي ميعجبج كتلج غيري لبسج يعني يتغير خلي اسبح واجيج
ريمان....ماشي حمام الهنا ...ياي شنو هذا من كل عقلة والله مااغير هو شمدري اصلا وعود اذا يجي البس شي اطول اتخبل ولا اللبس واني اهم شي عندي الكشخة والمصيبة المكياج هم يريد اخفف هو اني شحط غير الحمرة وايلاينر اووي معلية بي خلي احضر وراية دوام
ثاني يوم عادي داومت ولبست لبسي كا المعتاد ودك تلفوني
محمد...ووووولج اني شكتلج على لبسج ولابسة اليوم اقصر وكابوي والحمرة طوووووخ اجيج هسة اكسر رجليج احجييييي
ريمان...يمة هذا شمعرفه اني هيج لابسة وكمت اتلفت خاف موجود بالكلية ...
وانت وين وشلون عرفت اني هيج لابسة ادور عليك ماكو
محمد..معليج شلون عرفت بس حسابج بالبيت من ترجعين روحي للمحاظرة واني هم اطب للمحاظرة يلة باي
أنت تقرأ
الكتمان في القلب
Romanceهناك الكثير من الأحيان والكثير من المواقف التي لا نعرف كيف نعبّر عمّا في داخلنا، ونُخرج البركان المشتعل بقلوبنا، ولكن مع مرور الوقت تعلمنا أن أفضل طريقة للتعبير عن أي شي هو الصمت، فالصمت لا يعني ضعف بل هوا القوة بحد ذاتها، فهناك الكتير من العبارات و...
