الكتمان في القلب
..الكاتبة.saja
..البارت التاسع عشر
كالو ما تجي وكالو عليك بعيد
ودرب كلش طويل البينك وبيني
شح مني الدمع كد ما بجيت أعليك
وأعاتب بالكمر هلبت يواسيني ظلم
كلش ظلم تحيا وتموت بشوك
وجا شنهو العمر من تذبل رياحيني
تعب حتى الورق حبر ودمع مخبوط
وحسره وي القلم تأذيني
وتبجيني صفة رسمك حلم عذب حنايا
الروح مثل طيفك أبد ما شايف بعيني
نهر طولك عذب صافي ويرد الروح
وأنه الميت عطش وبكطره ترويني
أكتبلك شعر وأسطرلك الأبيات
وانته بلا بخت بالفركة تجويني
قيس بعام واحد وتيبّس من الشوك
وآنه سنين مرّت ما غفت عيني
كلي شلون رايك والعمر محسوب
وجلمات الشماته تكول ناسيني
ريمان... كملت الامتحانات واكيد العطلة نورتنة وبقت ايامنة اعتيادية لاجديد ولاقديم ماكو تغير
..ورة ثلاثة اشهر
ريناااااد حياتي اشتاقتيلج ولج اوووف تعبنة تعبنة من العطلة الدوام ارحم يمعودة صح نطلع بس الدوام قشب وتحشيش
ريناد.. اي والله ارحم تعبنة من كعدة البيت اي شخبارج انتي امورج احوالج وين صافي الدهر بيج شنو الجديد
ريمان.. اي في المطبخ ثم المطبخ وداعتج هاي الاشهر كله خلصته هيج
ريناد.. اريد اكلج شي بس لتعصبين علية
ريمان.. ياستار ياربي شمسويه من مصيبة والله مابيه حيل بعد صدمات يلة اطربيني اذني صاغية
ريناد... والله ريمان اني بالعطلة جنت اكلب بالفيس طب علية خالد
ريمان.. هاا خالد خالد ماغيرة خالد
ريناد.. اي هو اشبيج شكلتي خالد وخالد بس لو تعرفين شكلي اااااخ يمة كلبي الحمد الله عايشة بعدني
ريمان.. صخنت البنية شو حياتي اقيس حرارتج لارحمة مابيج شي اي وتالي احجي اجر الحجاية منج جر احجي
ريناد.. اي وبقينة انسولف ونضحك يومية يفوت علية ونسولف ونروح انام
ريمان..هاهي مكلج احبج اموت عليج اعشقج هاي الرومانسية مال هل ايام محجة شي
ريناد.. لامحجة لازم اصبر عليه حبي تعرفين وين جان عقلة وكلبة لازم اتحمل ف الصبر ايوب
ريمان... ديلة ديلة ام الصبر ابقي هيج خطية وكلبة لتخافين علية اذا يريديج يكلج و ننتظر امشي جعت راح اموت من الجوع
دامشي واضحك على شكل ريناد شلون فرحانة فدوة يارب الي باله يصير تستاهل كل خيرر طبيت كعدنه ميز واشوف ابليس كدامي نفس الشخص الي يراقبني
اوووف راح اكوملة والله واني على اعصابي كاعدة
ريناد.. اشبيج ريمان تتنافخين صايرة اعصاب
ريمان.. تذكرين الي كتلج عليه الي جان يراقبني مثل حمار يلحكني
ريناد.. هههههههه اي اشبي
ريمان.. استلمي كدامي عبالك تمثال ابو الهول بس يباوع وتلفون بيدة يسوي روحة يخابر عبالك جاهل
أنت تقرأ
الكتمان في القلب
Romanceهناك الكثير من الأحيان والكثير من المواقف التي لا نعرف كيف نعبّر عمّا في داخلنا، ونُخرج البركان المشتعل بقلوبنا، ولكن مع مرور الوقت تعلمنا أن أفضل طريقة للتعبير عن أي شي هو الصمت، فالصمت لا يعني ضعف بل هوا القوة بحد ذاتها، فهناك الكتير من العبارات و...
