لا شيء انا
الجزء الخامس
صابرين مدلل
يوسف :
طلعت من المطبخ وقلتلهم على الحلويات وضليت بطريقي على غرفتي وانا طالع حسيت بصوت جاي من اخر الممر مشيت بشويش على الصوت وتفاجأت كانت بنت معطيتني ظهرها واقفة على المراية وتعدل بنفسها شعرها لاخر ظهرها اسود سواد الليل ومموج على ظهرها خصرها تقول مرسوم رسم لابسة فستان احمر لين تحت الركبة بشوي ضيق راسمها رسم كانت تلعب بشعرها يمين وشمال ما ادري شلون رجلي وصلوني لها سمعت صوت خطواتي ودارت وجهها ناحيتي انصدمت وانا بعد انصدمت
لا لا مو معقولة ذي نفس البنت مو طبيعية جمالها عنوان للرقة واسر للقلوب
اية :
ما ادري كنت مندمجة وايد بشكلي اول مرة الاحظ اني حلوة او يمكن المكياج غيرني صح يقولون لي خصرك حلو وشعرك حلو وملامحي ناعمة بس عمري ما شفت روحي حلوة لاني ما اضبط نفسي طلعت من عند النسوان ورحت الطابق الي فوق كان فاضي لان الكل مشغول تحت كان في مراية باخر الممر وقفت عليها وصرت اللعب بشعري احس نفسي بطير من الفرحة بشكلي وهاذ اتوقع حال كل البنات بس يكونو مظبطين روحهم يحبوا يشوفون نفسهم بالمراية سمعت خطوات
درت وجهي بسرعة وانصدمت كان يوسف وقتها دوروني ما تلقوني من الخجل
طايحة حظ من يومي
يوسف : ااانا اسف بس كنت طالع احط جوالي على الشاحن
بس انا فرطت من البكي والنوح
يوسف: ليش تبكي اية شفيك
اية : مااا مااا
يوسف: ما شنو
قرب يوسف ومسكني من كتوفي : اية اهدي لا تبجين خلاص ما صار شي
اية : وخر عني تكفى تكفى وزادت بالبكي
يوسف:
ما ادري شلي يحصل لاية بس الي فهمته من حالتها هذه اية عندها مشكلة مخوفيتها من حياتها كلها يعني الموقف صار بالغلط ما يحتاج كل هاذ الي سوته
الاصيل : شوتها وراحت خلاص لحقتها بالمطار وكنت اراقبهم من بعيد لبعيد كان ودي اروح واضمها واعتذر لها بس هي بعد غلطت بحقي هانتني قدام الكل وقدام صحابي وهلي والخدم بس ما عليه عذرتها لان انا ادري بشهد انها بس تعصب ما تعرف وش تساوي بعد ما طارت الطيارة طارت روحي لبعيد ابيها ابيها يا ناس هذه شهد شهد الروح هذه
يا الله وش صار بحياتي انا الاصيل انهار الله يلعن الحب والي يحبون حسيت الدنيا ضاقت بي معصب ومقهور من شهد ومن نفسي ومن كل الناس كلمت نايف وطلعت الاستراحة
دخلت الاستراحة وسهرنا شوي جو الشلة كلها حسام وعبدالله ومشعل وريان
واجتمعنا
كلنا ضايق وباله ما هو معاه
نايف: شنو تشربون
الاصيل: ابي قهوة ودبل بعد
وكل منهم طلب طلبوا وجاه ريان بالطلبات
ريناد: يا الله هذا كل يوم راح اشوفه يعني وبعدين معاه ويش بسوي فيه اخذت الطلبات ورحت اقدمها لهم واحاول ادور وجهي عن الي ما يتسمى ريان بدأت من الي جنبه واقول ان شاء الله الي جنبه ياخذ هم طلب ريان معاه ودرت بالصينية على الكل واخر شي وانا اقدم الصينيه لريان تعرقلت برجل احدهم حسبي الله على يهوده واجت الصينيه بحضنه وقلاص الشاهي (كاسة الشاي) على ملابسه وانا بعد اجيت طايحة على رجلي وايدي على ركبه
ريان: ووجع ان شاء الله
ريناد: يوجع قلبك
ريان: لا هم بعد قليل الحيا
ريناد: احترم نفسك
ريان: لا والله هذا الي ناقصني اشكالك
ريناد بعصبيه: اشكالي احسن ميت مرة من اشكالك
نايف: خلاص يا جماعة اذكروا الله
ريان: شنو هذا يا نايف شغل عندك ناس محترمة
نايف: ربان ما اسمحلك تجي بموظفيني
ريان: مو القصد يابو تركي بس يعني ما شفته شنو سوا
ريناد: انزين خلاص اسكت وجعتلي راسي
نايف: ريان انت بعد هم اسكت
الاصيل: حصل خير يا جماعة وش فيكم صلوا على النبي
مشعل: اللهم صل على حبيبنا محمد اقووول انتوا ثنيناتكم نفس الاسم ونفس الشخصية سبحان الله هههههه
ريناد وريان بنفسهم(امحق شخصية )
حسام: ايه والله يالله سلموا على بعض وحبوا خشوم بعض خلينا نخلص
.ريناد: شنووو (لا هذولا يتهبلون)
ريان: لا ماافى لا سلام ولا كلام
