شهد الاصيل
الجزء الرابع عشر
انتظريني فأني لأجلك احارب دنيتي وكل ما املك ....
تركتني وراحت وانا كنت طالع ابي اطرد ياسر واشوف شغلي معاه بس للاسف كانت سيارته ماشيه وما لحقته
لقيت ابوي
الاصيل : يبه شلي قاعد بصير
ابو خالد: شنو
الاصيل : ياسر وشهد وسمعت في خطبه
ابو خالد؛ ايه يبه البنت حلوه وبجيها نصيبها
الاصيل : واذا قلت لا
ابو خالد: بس البنت وافقت
الاصيل : وانا قلت لا
تركت ابوي وطلعت وكنت اغلي نار لازم اغير قرار شهد بس شلون هي ما تبيني بس مو بكيفها انا اراويها
ياسر
طلعت من عندهم وانا فرحان مستانس البنت اخذت عقلي ما شاء الله عليها جمال انوثه نعومه هاذي الي تمنيتها من سنين فرحت بموافقتها وقررت اقول لامي وابوي يعجلون بالملجه ابيها بسرعه تكون حلالي حاس بشي ينغص علي ما اعرف شنو هو بس قالولي بس تخلص عدتها
ياسر 29 سنه طبيب عظام شاب جميل بطول وعظلات وحيد اهله ووضعوا المادي ممتاز جدا
عند غلا
كنت خايفه بالحيل بالسهرة سمعت عمي ابو حسام قال لعمتي انه بروح ويه ربعه البر وبيباتون هناك فرحة
يالله فرجك يا رب اجت والله جابها
بعد ما طلع عمي رحت بسرعه لبست بجامة وركضت على غرفه عمتي ام حسام
غلا: عمتي ما عليه ابات يمك الليله
ام حسام: ابركها من ساعه يمه بس زوجك
غلا: حسام بيتأخر وانا اخاف لوحدي
ام حسام: تعالي يمه الدار دارك
فرحت ودخلت جنبها بالسرير وسويت نفسي بسابع نومه حسيت بالايت (الضو ) اشتعل بالممر عرفت انه حسام رد
هنا بلش عداد قلبي يتزايد ودقاته صارت مليون في الدقيقه بعد شوي سمعت صوت الباب يندق بعدين انفتح شوي شوي صحيت عمتي
ام حسام بنوم: هلا يمه متى رديت
حسام: توني راد غريبه نايمين بدري الليله
ام حسام: ايه والله ابوك راح البر وانا كنت تعبانه وغلا نامت وياي كانت خايفه
حسام ؛ ايه يمه انزين صحيها تجيني
ام حسام: اتركها يمه تبات عندي الليله
حسام : لا يمه ما اعرف انام وحدي بدونها
غلا يا ويلي على الكذب الي يسمعك يصدق ويقول عايشين حب وغرام وعشق وهيام ما يدري انه الحرب العالميه الثالثه كل ليله تقام بغرفتنا بهواشنا ايه واكيد يبي ياخذ كل شي الليله يا رب لا يا رب لا بس ما حسيت الا......
حسام
دخلت البيت استغربت من الايتات كلها طافيه غريبه طالعت الساعه الوقت بدري الساعه 9 مسا
دخلت غرفتي ادور غلا ما لقيتها دخلت غرفتها القديمه بعد ما لقيتها دورتها بكل البيت ما لقيتها رحت غرفه امي اسأل عنها دقيت الباب ما احد جاوبني فتحت بشويش لقيت غلا نايمه جنب امي او متصنعه النوم اعرفها تحب السهر الكذابه تبي تشرد مني لا ونومها خفيف اعرفها زين ليش هالمره بس ضلت نايمه
صحت امي وكلمتها وقلتلها تصحيها لي بس امي طلبت مني انها تضل نايمه عندها اعترضت وشفتها وهي تحاول تمسك عيونها لا يفتحوا وتنفسها غير منتظم عرفت انها كذابه قربت وشلتها وفجأه نقزت بين ادي وصارت ترتعش همست بأذنها يالكذابه عبالك ما فهمتلك لا يا شاطره انا حسام ما ينلعب علي
وعليت صوتي ؛ عن اذنك يمه زوجتي بتنام بخضني
