شهد الاصيل
الجزء الثاني
فلتذهب جميع احلامي للرياح ولكن اشتروا لي الراحه
حزن وهم ووجع مروا العيله فيها بهالاسبوع وفتحوا باب الثارات من اول وجديد بهالمنطقه
ابو حامد الي طول عمروا الرجل الحكيم الي ما بخضع للعادات والتقاليد الغلط اجى اليوم الي راح يخضلعها مافي حل ابدا يا اما اهل الشب يقتلوا واحد من شبابهم او ااااااخ ما اصعب هالخيار
هو الان بين امرين احلاهما مر
لا مو مر وبس علقم وشوك
شهد حزن ووجع مشتاقه لصوتو لهمسو لمداعبتو دموع ما عم توقف صارلها اسبوع ما شافتو مو متعوده لازم كل يوم تشوفوا ريهام نفس الشي مشتاقيتلو لسيف خلص مو قادره تصبر اكتر هاد حبها الوحيد وخطيبها
الشرطه اتحفظت على يوسف وسيف وسعد حفاظا على الامن
ابو حامد بالصالون الكبير
جمبو ام حامد وحامد قاعد وحاط راسو بين ايديه وليث والاولاد والبنات والنساء متجمعين بينهم
ابو حامد: طلعوا كل الصغار بدي ياكم بموضوع
طلعوا لصغار
ام حامد: احكي يا ابو حامد شو في
ابو حامد اطلع فيهم واتنهد رجع اطلع بولادو : ليث انت بتعرف انو عمري ما عملت شي الا لمصلحتكم
ليث : طبعا يابه هاد الكلام ما عليه اعتراض
ابو حامد: بتعرف انو باب الثار انفتح وراح يجر شباب كتير معو وهلا مطلوب منا نوقفوا يا اما ابنك وولاد اخوك او اخوانك معرض لهلثار
ليث : يابه حسبي الله علي كان السبب بس شو بدنا نعمل والله الي بلمس اخواني وولاد اخوي او اي حدا من العيله لاكلو بسناني وما بكفيني منهم عشره بدالو
ابو حامد: شفت اذا انت الزلمه لكبير بتحكي هالحكي ما بالك بالشباب الي دمهم حامي
حامد: والحل يابه
ابو حامد: راح نعطيهم ديه
الكل فتح عيونه عالاخر وشهقوا عارفين شو قصدو
حامد: يابه شو بتحكي انت
امل لطمت على وجهها : لا عمي بنتي لا
الكل عارف انو شهد ما غيرها لانو بنات العيله كلهم لسا صغار وبنات عماتهم ما بزبطوا لانهم من عيله تانيه وريهام خاطبه
ابو حامد: ما بدي اسمع صوت اسمعوني بعدين احكوا
ليث : امل اسكتي خلص ما بدي اسمع صوتك
ابو حامد: مافي غير شهد هي الوحيده الي راح توقف هالثار ما بدنا نخسر شباب اكثر مالها ذنب
اطلع بامل الي كانت عم تبكي : نادوا ادهم
طلعت جواهر اختهم الارمله وجابت ادهم ودخلوا
ابو حامد مسك ادهم : شوفي يا امل اتطلعي منيح مستعده تخسري بيوم من الايام .. هذا ثار والثار ما بعرف صغير وكبير دم وماشي
امل اتطلعت على ادهم: بس عمي
ابو حامد: القرار اخذتو وانتوا بتعرفوا شو شهد بالنسبه الي بس ما عندي حل ثاني بكرى راح احكي معهم مشان الديه
ببيت ليث وامل دخلوا كلهم مع اطفالهم
امل تبكي
وليث مهدود حيلو مو لاقي حل ثاني وشهد الي سمعت كل شي وكل شي صار ببيت ابو حامد الكل سمعوا وخصوصا البنات
ارتمت على تختها وعم تبكي دق الباب دخل ابوها وبعدو امها
سجى : بابا صحيح الي سمعناه شهد راح تتزوج واحد منهم
الاب ساكت والام تبكي شهد قامت بسرعه وركضت مسكت ايد ابوها وتبكي : بابا بابا ابوس ايدك ما تعمل هيك فيا انا ما بقدر اعيش من دونكم بابا الله يخليك رد علي ما تودوني لعندهم اذبحوني بس لا تبعتوني لعندهم
ابوها كان عم يهز بايديها بدون صوت ركضت لعند امها : ماما ماما ردي علي لا تموتوني وانا عايشه يا ماما ردي ردي اسمعيني خلص خلينا نطلع ونشرد لبعيد انا وعمامي وبيت جدي لمكان بعيد
الام حضنتها وصارت تبكي : مو بأيدي يا امي مو بايدي والله سامحيني سامحيني
هيك ربنا كاتبلنا وكاتبلك سامحيني ما راح اقدر احكي لانو بخاف على اخوكي راح يذبحوه او يذبحوا حدا من ولاد عمك
شهد: يا ربي يا ربي شو اعمل خلص حياتي انتهت
