وتدور الأيام مكتمل

الحلقه العاشره

و تدور الايام
الكاتبه بوسى
سليم / لو سمحت ممكن تقولى المكالمه الاخيره من فين بالظبط
الاعدادات / هي من خارج مصر
سليم/ بالله عليك الرقم بتاعها
الاعدادات/ مقدرش اقولك اكتر من كده
قفل الفون سليم
صاحب سليم اتصل بيه
سليم/ الو
صاحبه / انا دورت ع كل اللى سافرو الساعه ١١ مساء امبارح لقيت ٣ هايدى محمد
سليم/ مش اشكال راحو فين
صاحبه/ وحده ع المغرب و وحده ع تركيا و واحده ع فرنسا
سليم / ع العموم شكرا تعبتك معايا
،،،،،،،،،،،،،،،،،،،،،،،،،،
فضل سليم يدور ع هايدى

ويونس كمان فضل يدور ع هايدى
،،،،،،،،،،،،،،،،،،،،،،،،،،
سليم/ بابا انا عايز اكتب كتابى ع خديجه
عز / مبروك يا بنى هتصل بالحاج الهوارى وهاخد منه معاد
،،،،،،،،،،،،،،،،،،،،،،،،،،
في بيت الهوارى
يونس ما بقاش يتكلم كتير
فون الهوارى رن/ الو
عز/ الو ازيك يا حاج
الهوارى/ الحمدلله وحشنى والله مش باين خالص
عز/ انت عارف الشغل .. سليم كان عايز يكتب كتابه ايه رايك نتقابل ونتكلم انهارده
الهواري / اهلا بيكم في اي وقت
عز/ طيب ع الساعه كام
الهوارى/ خليها ٨ نتعشى سوا وبعد كده نتكلم
عز / تمام
قفلو الفون
الهوارى/ مالك يا يونس اليومين دول اوعى تكون بلعت لسانك
يونس/ عايز حاجه منى يا بابا
الهوارى/ بقالك ست شهور مغطستش غطسه ما ينفعش كده وفي مسابقه واسمك مكتوب فيها بعد تلت شهور مش كفايه دلع وتروح تشوف شغلك
يونس/ ع اساس انى قاعد ما بشتغلش
الهوارى/ انا اقصد شغلك شغلك مش اللى بتعمله للشركه عندى، مكتبك اللى بتدرب فيه وبتتدرب كمان
يونس/ هفتحه ان شاء الله وقايم
الهوارى/ رايح فين
يونس/ عايز منى حاجه تانى
الهوارى/ انت مالك في ايه مش مظبوط ليه وايه دور الجد اللى متقمصه اليومين دول اوعى تكون بتحضر ل نصيبه ما انا عرفك
خديجه/ معلش يا بابا سيب يونس دلوقتى
الهوارى/ اعمل حسابك قبل ٨ تكون في البيت
يونس/ خير في حاجه
الهوارى/ عز وسليم هايجو يحددو معاد عشان يكتب الكتاب ع اختك
يونس راح ل اخته / مبروك يا ديدي ربنا يسعدكم
خديجه وهي فرحانه / الله يبارك فيك عقبالك يا قلبي
يونس/ ادعي بس الاقيها الاول
خديجه/ هتلاقيها ان شاء الله وقريب كمان
يونس/ ان شاء الله
،،،،،،،،،،،،،،،،،،،،،،،،،،،،،،،،،
عند هايدى
المدير اتصل ب هايدى/ هايدى تعالى عايزك
هايدى/ حاضر ثوانى وهكون عند حضرتك
هايدى نزلت وخبطت ع المكتب
المدير/ اتفضلى
هايدى/ صباح الخير
المدير / صباح النور اتفضلى
هايدى بصت ع واحده قعده ومعاها طفل/ هلو how are you baby
........./ هلو بس انا مصريه اتكلمى معايا مصرى
هايدى بفرحه/ بجد الواحد كده مايحسش انه في غربه هنا اسمك ايه
..../ هيام
هايدى / لله اسمك حلو عاشت الاسامى
هيام/ انا كنت جايه هنا عشان خاطر الاعلان ومكنتش مصدقه ان ممكن زومبا تعالج
هايدى/ سورى بقطع كلامك ممكن الولد يطلع يلعب برا
هيام/ اووك
هايدى/ تعالى يا كميله انت نشوف الداديا فين نلعب معاها
الواد/........
هايدى/ شكلك مخاصمنى ما علينا عايزك تلعب ع الاكس بوكس وتكسب العيال كلها
الولد/ .........
هايدى/ طيب مش هتقولى اسمك ايه
الواد/.........
هايدى/ انا هايدى وهخلص كلام مع مامي وهاجي اكسبكم كلكم وباسته وحطيته ع جهز x box
بصت للمشرفه خلى بالك منه
المشرفه / اوووكى
هايدى/ انا جيت سورى انى قاطعت حاضرتك بس ما ينفعش الولد يسمع اي حاجه في الاتفاق
هيام/ شكله مش بيسمع انا لفيت دكاتره نفسين كتير ومافيش نتيجه خالص
هايدى/ طيب اقولك ايه صلى ع النبي
هيام/ عليه افضل الصلاه والسلام
هايدى/ انا طالبه منك طالب واحد انا مش عايزه تشخيص ابنك و لا يهمنى عنده ايه
هيام/ امال عايزه ايه
هايدى/انتى كشفتى ع ودان ابنك قبل كده هيام/ لا
هايدى/ طيب اكشفى عليه اتاكدى ان ابنك بيسمع وده سهل جدا وثانيا ان مافيش كلام بيحصل في الاوضه دي يتقال قدام الولد وثالثا انك ديما تحفزي الولد وتتكلمى معاه حتى لو مش بيرد و اهم شى من غير اوامر مدح بس
هيام/ حاضر
هايدى/ اول ما النتيجه تظهر تردى عليه
هيام/ حاضر . انا حبيتك اووى وحاسه انى اعرفك
هايدى/ وانا حبيتك والله
المدير/ ههههههه الغربه بقى والدم بيحن يا مصرين
هيام/ تصدق عندك حق ههههههه
هايدى/ هههههه ممكن
هيام/ بعد اذنكم
هايدى/ اتفضلى. استاذن انا كمان واروح اشوف الفريق بتاعى
المدير/ اتفضلى ع فكره في ٨٠ حاله لحد دلوقتى
هايدى/ خلى حد يظبط معاهم مواعيد عشان اقولهم البروجرام بتاعى وان شاء الله انا عندى تلت فرق زومبا كويسين يعنى هستقبل تلت اطفال عندهم عقده نفسيه في الفريق
المدير/ تمام ربنا يقويكى وعايزك ترفعى راسى لفوق
هايدى/ مش عايزك تقلق خالص
،،،،،،،،،،،،،،،،،،،،،،،،،،،،،،،،،
في بيت الهوارى الساعه ٨
الباب يخبط يفتح يونس ويدخل سليم واهله
الهوارى/ اهلا بيكم منورين
عز/ البيت منور باهله
سليم/ عامل ايه دلوقتى يا يونس
يونس/ الحمد لله اهى ماشيه
عز/ ايه رايكم نكتب الكتاب قريب وبعدين الفرح ع ما نخلص الفيلا
الهوارى/ ها ايه رايك ديدي
ابتسام/ هو في كلمه بعد كلمتك اللى تشوفه صح اعمله
عز / بس العروسه بردو لازم تقول رأيها
سليم/ ايه يا ديدي رأيك
صفاء / انا شايفه انه قرار كويس حتى تقعد معاه براحتها من غير نقاب
خديجه/ الرأي رأي بابا
يونس/ انا مش بفضل كتب الكتاب قبل الجواز بفتره بس عشان تقلع قدامك النقاب بس هوافق ومتفتكرش ان ليك حقوق اكتر من كده
سليم/ وع ما اظن انها هتكون مراتى ومحدش هيخاف ع سمعتها او سمعتى اكتر منى واكيد انت عارف انا مش واطى ومش حرامى بتدارى في حاجه عشان اسرق حاجه
يونس/ انا كنت ب عرفك مش اكتر عشان هي اختى وتهمنى
الهوارى/ وانتى رأيك ايه يا ديدي
خديجه / الرأي رأيك يا بابا
الهوارى/ طيب ع بركات الله اختارو معاد
صفاء/ ايه رايكم في عيد ميلادك يا سليم هو خلاص قرب الاسبوع الجاي
سليم بيبص لخديجه/ ها ايه رأيك
خديجه بابتسامه / اوكى
اتعشو معاهم والتلفزيون كان شغال فيلم اجنبي وكان مشهد بنت صغيره بتلعب وبتتشاقى مع باباها
عز .......... فلاش باك...........
عز/ وبعدين معاكى يا ايسل عايز انزل الشغل هتأخر
ايسل/ يوووه تل ثويه ثغل
عز/ طيب هناكل من فين
ايسل/ عادى من اللاجه
عز/ ههههههه من فين
ايسل/ اللاجه الله بقى
عز/ ما انا اللى بجيب الاكل في التلاجه مش بيجى لوحده
ايسل / اووك تبقى تنزل لما يخلص الاكل
عز/ طيب مش هيكون في فلوس معايا
ايسل/ معاك فلوس كتير
عز/ هههه هتخلص بعد كده
ايسل/ تعالى اقولك سر
عز/ قولى يا اوزعتى
ايسل/ بفاء معاها الوث كتير لما الوثك تخيث نبقى ناخد منها
صفاء/ هههه سمعتك يا لمضه تعالى من عند الباب وخالى بابى ينزل الشغل
ايسل/ لا هروح معاه
عز/ حبيبة قلب بابي الشغل ماينفعش فيه اطفال
ايسل/ ماليث دعوه هلوح
صفاء/ خدها معاك انهارده وبس
عز/ انتى ومامي عليه يالا و امرى لله
في الشركه
ايسل/ بابى انا هلعب هنا
عز/ اوك ماتبعديش لو عايزه حاجه اطلعى المكتب بتاعى فوق
ايسل/ اضير
عز ينده عامل في الشركه/ فتحى
فتحى/ صباح الخير يا باشا
عز/ صباح النور خلى بالك من ايسل
فتحى/ في عينى
بعد ساعه
الشركه بتولع
عز ينزل بسرعه / بنتى فين بنتى لسه مطلعتش بنتى
جت المطافى طفت الحريق
ودخلو يشوفو الجثث لقو بنته متفحمه
.....باك........
عز حط راسه ع ايده
سليم/ بابا انت كويس
الهوارى/ عز مالك
سليم قام وقف جنب باباه/ بابا تحب تروح اجبلك دكتور
عز/ لا مالهوش لزوم انا كويس معلش يا جماعه هستأذن دايخ شويه
صفاء حست بجوزها وانه افتكر ايسل
الهوارى/ طيب لو تعبان ارتاح هنا بدل ما تمشى وانت تعبان
عز/ لا معلش عايز امشى
سليم/ خلاص يا حاج انا هسوق العربيه بس هسيب الموتوسيكل هنا وبكرا هبقى اجي اخده
الهوارى/ ماشى يابنى وتبقى طمنى عليه
خديجه/ الف سلامه يا انكل
عز هز راسه ومش قادر يتكلم
نزلو و رواحه
،،،،،،،،،،،،،،،،،،،،،،،،،،،،،،،،
في بيت عز
سليم/ بابا مالك حصل ايه
عز/ مافيش يا سليم
صفاء/ سليم سيب بابا يستريح شويه وهو هيبقى كويس
سليم/ اوكى بعد اذنكم
صفا قعدت جنب جوزها / افتكرت ايسل صح
عز/ كل ما اشوف بنت بتتشاقى بفتكرها ع طول
صفاء/ يارتنى ما قولتلك خدها معاك
عز/ ده قضاء ربنا متفضليش تشيلى نفسك الذنب..... يالا عشان ننام
الصبح سليم بيصحى بدرى وينزل يروح بيت الهوارى
،،،،،،،،،،،،،،،،،،،،،،،،،،،،،،
في بيت الهوارى
خديجه/ بابا هنزل عشان عندى شغل
الهوارى/ ممكن اجي متأخر شويه هخلص شغل برا
خديجه / تمام يالا سلام
خديجه بتفتح باب العربيه شافت سليم
سليم راح عليها / صباح الفل يا اميرتى
خديجه بكسوف وفرحه/ صباح النور
سليم/ حاف كده
خديجه/ انكل عز عامل ايه دلوقتى؟
سليم/ اه انكل عز ! لا من ناحية انكل عز هو كويس جدا
خديجه/ ديما يارب اسيبك بقى عشان عندى شغل كتير بعد اذنك
سليم/ اتفضلى
خديجه/ طيب سيب باب العربيه
سليم/ اه سورى اتفضلى
خديجه/ طيب ابعد من جنب العربيه
سليم/ هههه طيب ايه كده كويس ولا في حاجه تانى
خديجه/ كويس جدا باااي
،،،،،،،،،،،،،،،،،،،،،،،،،،،،،
عند هايدى
هيام عند الرسبشن بالانجلش/هالو
الرسبشن/ هالو
هيام/ ممكن اقابل الكابتن هايدى
الرسبشن/ ثوانى هبلغها اقولها مين
هيام/ مدام هيام
الرسبشن يتصل بيها
هايدى/ هالو
الرسبشن/ مدام هيام عايزه تقابل حضرتك
هايدى/ طيب خليها تتفضل فى الاوضه عندى
في اوضة هايدى الباب يخبط
هايدى تفتح الباب/ ازيك
هيام/ ازيك معلش انى جيتلك في وقت مش مناسب
هايدى/ يا قمر انتى تيجى في اي وقت
هيام/ ميرسى لذوقك بس انا كشفت ع اياد والحمد لله بيسمع كويس جدا
هايدى/ الحمد لله سيبى الباقى عليه بقى
هيام تمسك صوره/ مين البنوته الحلوه دي اللى في الصوره انا حاسه انى اعرفها
هايدى/ هههه مافتكرش انك تعرفيها عشان دي انا
هيام/ طيب ليه معرفكيش ممكن اعرفك انتى عندك كام سنه
هايدى/ ٢٣ وانتى
هيام/ انا ٣٥ بس حاسه انى اعرفك والله
هايدى/ انتى من القاهره في مصر
هيام/ لا بس كنت بنزل القاهره بسيط اووى
هايدى/ طيب كنتى بتزورى ملجأ ايتام
هيام/ بصراحه عمرى
هايدى/ يبقى مفتكرش شوفتينى قبل كده
هيام/ ع العموم انا ذاكرتى قويه جدا وهفتكر
هايدى/ هههه ع وانى واثقه مش هتفتكرى حاجه بس خدى وقتك خالص
،،،،،،،،،،،،،،،،،،،،،،،،،،،،،،
في شركة الهوارى
فون خديجه يرن
خديجه/ الو
دينا/ الو انا دينا
خديجه/ ازيك يا دندن عامله ايه
دينا/ الحمد لله ايه هتروحى زي ما قولتى الملجأ معايا
خديجه/ اه طبعا
،،،،،،،،،،،،،،،،،،،،،،،،،،،،،،،
في الملجأ
خديجه اول ما دخلت اتفاجأت

ياترى يونس هيلاقى هايدى؟

ياترا هيام هتفتكر هي شافت البنت الصغيره فين قبل كده؟
توقعاتكم الحلقه الجايه
بوووسي