وتدور الأيام مكتمل

الحلقه الثانيه

وتدور الايام
بوسي محمود
في بيت الهوارى
يونس/ ايه يا بوسبس انا جعان
ابتسام/ هعمل ايه اكتر من كده؟ اهو بعمل، اقلب نفسى اخطبوط يعنى
يونس/ ههههههه تصدقى شكلك هيبقى تحفه وانتى عندك ٨ ايدين وكل ايد تعمل حاجه
ابتسام/ هو انت مش عندك شغل انهارده؟
يونس/ لا، حتى انتى يا بسبس عايزه تطرقينى
ابتسام/ طيب روح دور على شغل كده ولا كده
يونس بصوت عالى/ الحقى النار مسكت في هدومك
ابتسام بصويت / فين اطفى بسرعه ودخلت الحمام وفتحت الدش عليها
يونس وقف يضحك/ اللهم اخذيك يا شيطان  ما كنت ساكت لازم تخلى الشغل يطلع عليكى
ابتسام/ ماشى يا يونس بتعمل فيه انا كده شوف مين هيعبرك ولا هيعملك اكل
باب الشقه اتفتح
خديجه/ السلام عليكم
يونس/ وبنتك وصلت اهى
يونس/ وعليكم السلام فين ابوكى
خديجه/ طالع ورايا . مالك يا ماما هدومك مبلوله كده ليه
ابتسام/ اسألى المحروس
خديجه/ طيب ادخلى غيرى بسرعه عشان متبرديش. وانت عملت ايه في ماما
يونس/ اهدى بس انتى لا اظبطك
خديجه/ ماشي يا يونس انت مش هترتاح غير لما تشلنا واحد ورا التانى
يونس/ و اشلكم ليه حد قالك انى جلطه في المخ عشان اشلك
خديجه/ يالهوووى دماغى انا ادخل انام احسنلى
يونس/ امشى جاتك الارف في حلاوتك
دخل الهوارى
الهوارى/ انت واقف ليه كدا ما تبطل لف في الشقه واذية خلق الله واستهدى واقعد
يونس/ سبحان الله بكون ساكت وفى حالى انتو اللى بتنكشونى. ( ورمى بومبة تحت رجل باباه وفرقعت جامد
الهوارى/ يا ابن....يا ابن..... يا ابن.....
طلع يونس يجري ودخل اوضته
ابتسام و خديجة طلعوا يجروا على الصالة
ابتسام/ هو ايه اللى فرقع كده
الهوارى/ ما طول ما ابنك في البيت اطمنى هيفجرنا
يونس فتح باب الاوضه بتاعه وطلع راسه/ على فكره اشتم براحتك ما انا ابنك يا ريس خد راحتك خالص واحد وبيشتم نفسه استمر
الهوارى جري على الاوضه بتاعة يونس/ افتح يا ابن .... يا ابن.....
يونس من واره الباب/ برحتك خالص انا هعمل تيت من عندى
خديجه/ تعالى يا بابا سيبك منه ده لسع خالص ريح نفسك ده مابيجيش معاه اي نتيجه خالص
ابتسام/ يالا غيرو عشان تتغدو
خديجه دخلت اوضتها
والهوارى / انا هدخل اريح شويه مش قادر افتح عينى
ابتسام / اتغدا ونام
الهوارى / هريح شويه عقبال ماتخلصى و تحطى ع السفره
ابتسام / ماشى يا حبيبي ودخلت ع المطبخ
ابتسام حضرت الاكل على السفره / يالا الاكل جاهز
طلعت خديجه و يونس وقعدوا على السفره
يونس / اخيرا خلصتى ده انا هموت من الجوع
ابتسام / حد يصحى باباكم
يونس / هو لحق ينام
ابتسام / بنادي عليه رايح في النوم خالص
خديجه / هدخل اصحيه
يونس / فونك بيرن روحى شوفي الفون وانا هصحيه
خديجه / بس بالراحه ع الراجل
يونس / روحي ردى ع فونك الله يسهلك
دخل يونس اوضة باباه وشد الستاير وقفل الشباك
.وطفي النور لحد ما الاوضه بقت ضلمه خالص
ورح جاب ملايه وغطاه من كل ناحيه .
و راح جمب ودانه
وقعد يقوووول
من هو ربك؟ من هو نبيك؟ ماهو دينك؟
الهوارى فتح عينه وقام فجأه  يجرى فى كل حته فى الاوضه وعمال يصرخ ويقول ربى الله.ربى الله.ربى الله.
يونس مقدرش يمسك نفسه من الضحك فاق الهوارى ع صوت ضحك يونس و لقى نفسه فى الاوضه و يونس فى الركن فطسان ع نفسه من الضحك
الهوارى فتح النور ومسك عصايه وفضل يجرى وراه
يونس / انت يا ابن .......  يا ابن.......... هتموتنى ناقص عمر
يونس بيجرى / ههههههههه متقولش كده انت مؤمن مش هتموت ناقص من عمرك ثانيه انا ممكن اكون سبب مش اكتر هتعترض بقى ع قدر الله
الهوارى / يا ابن      يا ابن
يونس دخل الاوضه وقفل ع نفسه / اشتم اشتم ما انا ابنك يا حاج يا زاير بيت الله
خديجه طلعت تجرى من اوضتها / بابا في ايه مالك
الهوارى / اخوكى خلاص لسع خالص
ابتسام / في ايه يا حبيبي
الهوارى / ابنك .. ابنك ...اقول ايه مش عارف وحكى اللى حصل
خديجه / اخس عليك يا يونس
يونس من الاوضه / ع فكره سامعكم بطلوا نم عليه
ابتسام / لسه ليك نفس تتكلم . يالا تعالى كل
يونس/ لا انتو اتفقتو عليا وهتعملو معايا الدنيئه
الهوارى/ ليه كنا شبهك تعالى اخلص تعالى اطفح
خديجه/ سبحان الله اللى في عيب فاكر الناس كلها فيها العيب ده
ابتسام/ اطلع يا يونس عمال تقول جعان من بدري اخلص تعالى
يونس/ متحولوش مش مطمنلكم
الهوارى/ وفرت اتنيل على عينك
خديجه/ يونس تعالى انا مش هاكل غير لما تطلع
يونس/ اه ياسوسه طيب احلفى كده
خديجه/ ..... 
يونس/ احلفى سكتى ليه
خديجه حطت شطه كتير في طبق يونس/ والله مش همد ايدى ولا هفتح بقى خالص تعالى يالا
يونس/ طيب خلى اللى قعدين معاكى يحلفوا هما كمان
الهوارى حط دبوس في الكرسي / وانا كذالك ولا همد ايدى ولا هفتح بقى وبراحتك اللى بياكل على ضرسه بينفع نفسه
الهوارى بيشاور ل ابتسام ترفع طرف السجاده عشان اول ما يطلع يتكعبل
ابتسام بتشاور لا حرام عليك
يونس/ يالا يا بسبس احلفى وبطلى تفكري تعملى فيه ايه
ابتسام/ انا يا يونس بفكر ءأذيك ماشي
(وطلعت بسرعه رفعت طرف السجاده) وعلى العموم يابنى والله ولا هلمسك ولا هفتح بقى
يونس/ هييييح ايوه كده اطلع  و انا  مطمن
فتح الباب وطلع راسه ايوه كل واحد في مكانه وطلع رجله جت في السجاده اتكعبل و كان هيقع بص ليهم خير قدر الله ما شاء فعل وبيقعد على الكرسى اااااه طيب ماشي صدفه عادى تبقى لمى دبابيسك يا ديدي وبياكل اول ما حط المعلقه في بقه ودنه صفرت من كتر الشطه ااااه وعينه دمعت وجالو زغطه ومناخيره سابت ومش قادر يتكلم وبيخبط على الترابيزه
ابتسام/ حبيبي اسم الله عليك
الهوارى/ خد اشرب مايه
خديجه بصوت واطى/ لا بقه هيولع اكتر
الهوارى / هش . اشرب يا حبيبي
يونس مسك المايه وفضل يشرب واول ما بطل بقه ولع اكتر  ااااااه هموووت
فضل ساعه وبقى مولع
يونس/ حلو اووى انا من ساعة ما طلعت من الاوضه وبيحصلى كوارس واقول عادي من عند ربنا بس كده كل حاجه وضحت محدش يزعل بقى انا نازل مع اصحابى
كلهم/ والنبى اتأخر شويه نترحم حبه من عمايلك
يونس/ ده انا كنت بهزر معاكم  بس بعد اللى عملتو فيه احب اطمنكم انكم لسه مشفتوش حاجه يالا باااااي بااااي يا اعدقائي😘
خديجه/ يالهوى كل اللى كان بيعمله ده هزار لا انا اخاف على نفسي من اللى جي وا اتقوقز في قوقعتى سلاموو عليكوو بصوت (اسماعيل ياسين)
ودخلت اوضتها نامت
والهوارى كان بيعمل شغل على النت وابتسام كانت بتتفرج على التلفزيون
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يونس راح كافيه القرية
يونس/ اهلا بيكم يا اباطين
سليم / اهلا بالغواص الكبير اوعى تفتكر انى هنسى انك لهفت البت مني
يونس / هههههه وانا مالى هي اللى اعجبت بيا
سليم / دي كانت خلاص هتيجى معايا سكه
يونس / هههه ربنا رحمها منك يا ولعه ارحم نفسك
فون يونس رن / الو
صاحبه / يونس تعالى بسرعه الاوضه بتاعتى اللى في القريه انا تعبان ومتجبش حد معاك
يوتس / طمنى مالك طيب
صاحبه / تعالى بسرعه
يونس قفل الفون وقام
سليم / رايح فين يا خرو
يونس / اتنيل استنى هروح اشوف الواد كريم فوق شكله بيموت
طالع يونس الاوضه بتاعة صاحبه وكان الباب مفتوح ودخل / انت يا زفت فينك
بنت طلعت من اوضة النوم / يونس وحشتنى
،،،،،،،،،،
في الكافيه تحت
سليم / كريم بتعمل ايه هنا ده يونس طلعلك
كريم / عارف البت سوزى ضربه معاها خالص والا عايزه يونس
سليم / انت اهبل انت وهي ما انت عارف يونس مش زينا ومالهوش في سكة الشمال خالص
كريم / وانا مالى هي قالتلى طلعو وسيب الباقى عليه
سليم ربنا يستر ده ممكن يولع فيك
،،،،،،،،،،،،،،،،،،،،،،،،،،
يونس / ايه يا لوزا فين كريم
سوزى / كريم بح
يونس / اه بح . طيب البسى هدومك لتاخدى برد وهستناكى تحت يا موزه
سوزى / واهون عليك اخد برد
يونس / لا طبعا روحى البسي ومشي
شدته من ايده طيب اقفلى السوسته
يونس بص وتنح ع ضهرها ولسه بيرفع ايده/ اعوذه بالله من الشيطان الرجيم وزقها وقال ماليش في السوسته وماشى وسابها
هو و نازل شاف واحد بدوى
يونس / حبيبي جيت في وقتك
البدوي / شو اخبارك
يونس / الحمدلله ايه اللى في ايدك ده
البدوى / ده تعبان
يونس / حبيبي ادهونى اعمل بي حاجه خمس دقايق بس
البدوي / اتفضل و لا تقلق ده مش سام
اخد التعبان و راح ل  اصحابه
اول ما دخل ولع صاروخ وحطه تحت رجل كريم
كريم اتخض ونط
يونس / ما انت كويس اهو لازم تقلقنى عليك وتغرمني توكتك رايح وتوكتك جي
كريم / اهدى كده وانا هفهمك
يونس / هتفهمنى وكمان اهدى . انت لسه شفت حاجه استنى عليه
سليم / ههههههههههههههههههههه
يونس / اضحك ما انا هخليكم تضحكو كويس
سليم / بقولك ايه انطرنى من دماغك انا لسه عارف الحوار لما نزل
يونس بص ل كريم
كريم / بتبص كده ليه
يونس / انا مش ببص عليك
كريم / امال بتبص ع مين
يونس/  هو ده تعبان بجد؟
كريم من غير مايبص عارف حركاتك متحولش
سليم بص وقام جرى
كريم لف بسرعه وبص لقى تعبان بجد وقام جرى
يونس / ههههههههههه عشان تعرف تشتغلنى تانى
سليم/ انت متخلف يالا شيل التعبان ده
يونس/ مسك التعبان وفضل يجرى وراهم
كريم / بالله عليك خلاص
يونس / ههههه انسى و بيجرى و راهم
،،،،،،،،،،،،،،،،،،،،،،،،،،،،،،،،،،،،،،،،،،
يونس سهر مع اصحابه واتأخر ولما رجع لقى الكل نايم ماعدا خديجه نور الاوضه بتاعتها منور خبط على خديجه
خديجه/ ايوه يا يونس خير
يونس/ جايبلك شكولاته
خديجه/ اتفضل طبعا هو انت محتاج اذن
يونس دخل / مسالخييييييييييير
خديجه/ بص عشان نبقى متفقين انا مش حمل اي موقف من مواقفك تعبانه ودماغى وجعانى
يونس/ الف سلامه يا قلبى هنزل اجبلك مسكن
خديجه/ لا مش اشكال بس انت اعقل شويه
يونس/ طيب انا مش هتكلم عشان انتى مصدعه وعلى فكره انا اعقل منك
خديجه/ البطوله بتاعتك امتى
يونس/ هش هششش خديجه مصدعه وعندها كلاب سعرانة في دماغها بتعض اسكتى احسلك
خديجه/ يا اهبل رد عليه كلمنى زي ما بكلمك
يونس/ تاخدى شكولاته
خديجه/ اساسى مش هي اصلا بتاعتى وشدتها فتحت الكيس نوع الشكولاته كابرى اللى بتفرقع في البق واول ما قطمت حته الشكولاطه كلها فضلت تفرقع جامد والشكولاطه انفجرت
خديجه/ اه يا واطى يا حيوان اقول ايه حرام عليك وطلعت تجرى وراه
يونس دخل اوضته وقفل الباب
خديجه/ ماشى هتروح منى فين والله لهطلع عينك
يونس بضحك/ يالا يا شاطره روحى العبى بعيد هنرش مايه
خديجه متغاظه/ اقسم بالله انا لو اطولك لعملك بوفتيك جاتك الارف
ورجعت اوضتها ونامت
(والصبح )
يونس صحى وطلع في الصاله/ صباح الخير يا بشر اصحو انتو لسه نايمين
خديجه/ انا في المطبخ عايز حاجه
يونس دخل المطبخ واول ما شاف خديجه اتخض ورجع ورا
خديجه/ ههههه لا والله يعنى معرفتنيش
يونس/ يخربيت منظرك على الصبح ايه اللى مهبباه في خلقتك على الصبح
خديجه/ ده ماسك ياجاهل
يونس/ طيب ايه دخل الخيار و اللى انتى عامله في وشك ده
خديجه/ بيفيد البشره
يونس/ روحى استغفرى ربك و شيلى النعمه من على وشك يعنى لو اكلتيها هتقول والله ما انا هدي وشك فايده
خديجه/ وانت مالك هو انت دافع حاجه من جيبك امشى يالا من وشى
يونس/ ما انا فعلا همشى من وشك لتحطينى انا كمان على وشك
يونس دخل اخد شاور ونزل قابل الناس اللى هيطلعو معاه سفارى
يونس/ هالو
تينا/ هالو
يونس/ منورين الغردقه يا موزز. جاهزين
..../ ميرسي
طلعو العربيات و والبيتش باجى
لينا / يونس يونس
يونس/ نعم اؤمري
لينا/ ممكن اركب معاك انا معرفش اسوق بيتش باجى ومش عايزه اركب العربيه
يونس بتفكير/ اممممم طيب يالا
تحركو كلهم
تينا كانت ورا يونس وحضناه جامد
يونس/ ايه يا موزه ابعدى شويه  استهدى بالله وابعدى شويه احسن نتقلب من ام الباجى
لينا/ بس انا مرتاحه كده
يونس/ وانا مش مرتاح يا قطه
البنت ابتدت تتحرش ب يونس
،،،،،،،،،،،،،،،،،،،،،،،،،،،،،،،،،،،،،،،،،،
سليم كان بيجهز الاجانب اللى هيطلعو معاه سفارى واستعدو واتحركو كلهم
،،،،،،،،،،،،،،،،،،،،،،،،،،،،،،،،،،،،،،
يونس وقف البيتش باجي وبصلها/ لا لحد هنا واستوب انا مش بتاع الكلام ده
لينا / ليه مش راجل
يونس/ لا راجل وراجل اووى بس ماليش في الشمال فهمتى
لينا/  طيب نتجوز معنديش مانع
يونس / هههههه وماله اركبى البيتش باجي و حاولى سوقى وانا هدخل العربيه اصل الشمس اكلت دماغى
ومشى وسابها
يونس اتصل بسواق عربيه خلاه يرجع ليه
العربيه وصلت
يونس/ ايه انتو فتحتو على الخامس مش تستنو ام الناس اللى ماشيه معاكم
السواق/ كل الناس قدام ما فيش غير الباجي اللى انت راكبه وانت كده كده معاها
طيب انزل سوق الباجي وانا هسوق العربيه
السواق/ في حاجه يعنى
يونس/ ههههه انزل وهتعرف بنفسك متستعجلش
السواق ركب الباجي  و يونس ركب العربيه
يونس طلع على اول الجبل / ايه انزل
الكل/ لا لاااااااااا
يونس نزل بسرعه من على الجبل
الكل/ عااااااااااااا
وفضل طول الطريق يعمل شقلابنات بالعربيه
و وصلو مكان السفارى اول ما وصلو البدو استقبلوهم وركبو جمال
،،،،،،،،،،،،،،،،،،،،،،،،،،،،،،،
سليم وصل المكان اللى فيه سفاري
سليم بهزار/ اهلا يا شيخ العرب
بدوى/ اهلا بالناس الزينه
سليم/ معايه وفد المانى عايزك ترفع راسى قدامهم يا راجل يا عجوز
البدوى/ احنا عندنا وفد كبير ماينفعش ندخل حد تانى
سليم/ ازاي يعنى اذا كان احنا بس اللى بقينا بنطلع سفاري
البدوى/ والله ما خابر بس اللى عندينا من الشركة الام
سليم/ تقصد من عند الهوارى
البدوى/ ايوه
سليم/ طيب انا هعمل ايه دلوقتى هودى الناس دى فين
البدوى/ هما عددهم كامل
سليم/ ستين واحد
البدوى/ لا ده كتير اوى مش هينفع ندخلهم المكان عندينا مش هيساع العدد ده كله
سليم بضيق/ خلاص انا هتصرف
رجع سليم عند الوفد
سليم/ معلش يا جماعه في حالة وفاة في القبيله ومش هينفع ندخل
الكل/ ييييييييييييي
سليم/ صدقونى احنا ممكن ندخل بس مش هانتبسط هنا هوديكم مكان حكايه ايه معايا؟
الكل/ معااااااك
ركبو العربيات واتصل سليم بباباه
سليم/ ايه التهريج اللى على الصبح ده مش قولتلى الهوارى هيحول كل الناس بتاعة سفارى عندنا
...../ فعلا وحصل كده وبعت كل الحجز علينا
سليم/ انا في ورطه دلوقتى ومش عارف هتصرف ازاى الهوارى طلع رحله انهارده من عنده
...../ ازاي ده يحصل
سليم/ هكلمك بعدين عقبال ما افكر اودى الناس دي فين فضل يفكر لحد ما اتصل ب دينا صاحبته
سليم/ دوندن حياتى وحشانى يا بت
دينا/ اه كلنى بكلمتين زي كل مره اخلص عايز ايه
سليم/ قلبي قفشانى على طول هههههه
دينا/ ده انت تربيتى يا مان طالعلى واطى
سليم/ هههههه ماشى يا تيزا قوليلي نظام الاكوا عندك ايه
دينا/ تعالى هتعجبك
سليم/ ياريت ليا معايا ناس المان والمفروض نروح سفاري وطلعت محجوزه فلازم اوديهم مكان ها ايه النظام
دينا/ ههههههه بص عشانك انت هعمل معاهم احلى واجب واهو دعايه ليه بردو ههههه
سليم/ واطيه طول عمرك لازم يكون ليكى مصلحه هههههه
دينا/ احبك وانت فاهمنى المهم البرنامج هيكون عرض دولفن ساعه ونص و ماساج نص ساعه وزومبا على البحر ولو في اطفال في عروض ليهم بعيد عن اهلهم
سليم/ انا راشق عندك هههه وانا وحياتك عايز اعمل ماساج ومش عايز حاجه تانى
دينا/ عونيه ليك يا مان
قفلو الفون
،،،،،،،،،،،،،،،،،،،،،،،،،،،،،،،،
في السفارى
البدو بيشو خروف
يونس/ والنبى اتك على الكتف ده
البدوى / من عينى
فضلو يهزرو و يلعبو لحد اخر اليوم
،،،،،،،،،،،،،،،،،،،،،،،،،،،،،،،،،،،، 
سليم وصل مكان اللى في دينا
سليم/ ايه يابت الوظتى كده ليه شكلك جيتى  على العز
دينا/ بس يا واد انا بنت عز من يومي واتلم احسن اخلى الوفد بتاعك يتفرج عليك وانت بيتعمل فيك الصح
سليم / ههههه بت هو انتى شكلك عايزه علقه من بتوع زمان
دينا/ تضرب مين ياد وماساكته من هدومه
سليم عمل نفسه بيضحك للوفد/ اتلمى الناس بتتفرج علينا و اتكلم جد / انسه دينا الوفد اهو وانا اتوكل على الله وهجيلك على اربعه ونص يكون البرنامج خلص
دينا/ يا سلام اقعد معايا شويه انت وحشنى يا رزيل
سليم/ وانتى والله بس عندى مشوار مهم هبقى اقعد معاكى بعيد عن الشغل
دينا/ طيب خليك فاكر كلامك
ماشى سليم وكان متعصب من الموقف بتاع السفاري وطلع على شركة الهوارى
،،،،،،،،،،،،،،،،،،،،،،،،،،،،،،،،،،،
في شركة الهوارى
سليم داخل متعصب وبيكلم السكرتيره/ انا مش عارف ايه لعب العيال هو فين اللى مشغلك
السكرتيره/ لو سمحت وطى صوتك واتكلم باسلوب احسن من كده
سليم سابها ودخل بسرعه على مكتب الهوارى
طلعت السكرتيره تجري وراه
فتح سليم الباب بتاع مكتب الهوارى
خديجه اتخضت ونزلت النقاب بسرعه
السكرتيره/ لو سمحت مستر سليم اهدى شويه مينفعش اللى حضرتك بتعمله
سليم/ انتو خليتو فيها هدوء هو فين الهوارى  ( وبص ناحية المكتب شاف خديجه وعينه جت في عينها)
خديجه/ ايه يا استاذ قلت الذوق دي
سليم/ .........
خديجه/ ما ترد ولا القطه جت مره واحده واكلت لسانك
سليم بهدوء/ هو انتى مين
خديجه/ انت كمان جى تتخانق وتشخط وتزعق ومتعرفش انا مين
سليم/ ااه افتكرت هو فين الهوارى
خديجه/ اسمه مستر الهوارى
سليم/ طيب هو فين
خديجه/ انا هنا مكانه عندك كلمه قولها ليا
سليم/ طيب ممكن اعرف حضرتك مين
خديجه/ انا المسؤله عن كل حاجه هنا اتفضل قول عايز ايه
سليم فضل باصص في عين خديجه جامد
خديجه نزلت البيشه على عينها
سليم/ سورى انا ما اقصدش
خديجه/ الوضح انك شكلك ماتقصدش كمان تيجى هنا انت من ساعة ما دخلت متقصدش حاجه خالص
سليم/ بليز انا مش هقدر اتكلم معاكى عايز مستر الهوارى ضرورى
دخل الهوارى المكتب
الهوارى/ قي ايه يا سليم ايه الدوشه اللى انت كنت عاملها
سليم مش قادر يمسك اعصابه وكل شويه يبص على خديجه
الهوارى/ بكلمك
سليم/ ازاي تتفق ان كل شركه تكون مسئوله عن حاجه واحنا بالفعل بعتنا كل الحجوزات اللى عندنا عليك وحضرتك تطلع رحله سفارى كبيره انهارده
الهوارى باستغراب/ ايه اللى بتقوله انا مطلعتش رحلات انهارده
سليم/ يعنى انا بقول اي كلام انفضل اتاكد من اي حد
الهوارى بص ل خديجه/ صح الكلام ده وفين اخوكى ماجاش لحد دلوقتى ليه
خديجه/ انا معرفش حاجه عن الرحله دي انا كلمت المسؤول عن الحجوزات وبعتنا كل الرحلات اللى عندنا
الهوارى نادى حد مسئول عن الرحلات
الهوارى/ في رحلة سفارى طلعت انهارده من عندنا
المسئول/ ايوه يا فندم
الهوارى/ ازاي يحصل كده مش انا قلت مش هنطلع غير بحر بس .ومين اللى طلع بالرحله؟
المسئول/ فعلا بس يونس هو اللى طلب العربيات والبيتش باجى وافتكر عادى هو دايما بيعمل كده
الهوارى/ طيب خلاص اتفضل انت
سليم/ اتأكدت حضرتك
الهوارى/ سليم معلش وانا مستعد ادفع اي مبلغ تعويض لل حصل
سليم/الموضوع مش فلوس
الهوارى / طيب هنأجل كلام لحد ما يونس يجى ممكن
سليم/ تمام بعد اذنك فضل سليم يفكر في عين خديجه
،،،،،،،،،...............
الهوارى/ شفتى اخوكى وعاميله
خديجه/ بابا محدش بلغه على النظام الجديد معلش حصل خير
الهوارى / دافعى عنه براحتك بس اللى حصل مش خير انا كده اسمى هيتهز
خديجه/ لما يجى انا هتصرف معاه
الهوارى بص لخديجه/ ماشي يا خديجه لما نشوف هتعملى معاه ايه
وخرج الهوارى
،،،،،،،،،،،،،،،،،،،،،،،،،،،،
يونس قضى اليوم كله رقص وغنى ولعب مع الوفد السياحى واتبسطو جدا و وصلهم الفندق وروح البيت
،،،،،،،،،،،،،،،،،،،،،،،،،،،،،،،،،،،،،،،،،،،،،
سليم راح اكوا عند دينا وقعد على كرسي سرحان
دينا/ يا هيييي وصلت لفين
سليم/ شفت عيون بنت هتجننى
دينا/ ودي فين ياريس
سليم/ في شركة الهوارى
دينا/ طيب اسمها ايه ممكن اكون اعرفها
سليم/ معرفش اسمها بس هي منتقبه
دينا/ منتقبه يعنى فعلا ماشفتش غير عينها وعملت فيك كل ده
سليم/ طيب تخيلى عنيها وعملت كده امال لو كنت شفت وشها كنت عملت ايه
دينا/ اوعى تقول هتحب
سليم/ هو انا بتاع حب وجواز انا اخرى اقضى ليله او ليلتين بكتير وبزهق على طول
دينا/ اه ما انا عرفاك انت هتقلى واطى بس دي منتقبه
سليم/ هي ممكن تكون شمال الشمال ومنقبه عشان تشتغل في مكان كبير عند الهوارى يا اما مستخبيه من حاجه
دينا/ اوعى تكون ارهابيه وهتفجر المكان
سليم/ لا العيون دي مش بتعرف تقتل انا وراها لحد ما اجيب قرارها
جه عليهم شاب /الوفد السياحى جاهز يا مستر سليم
سليم/ طيب كويس عشان صدعت منك يادينا اخلع انا
دينا/ نفسي اشوفك مره مش واطى. خلاص مصلحتك خلصت
سليم/ طيب عايزه ايه من واحد معترف انه واطى يالا باااى
دينا/ نفسى اقعد معاك و نتكلم شويه واحشنى والله
سليم/ وانتى وربنا بس زنك بيفصلنى بسرعه كفايه عليكى كده السنه الجايه وعليكى خير اه صحيح حساب الرحله كام
دينا/ زني؟ ماشى على العموم انا اللى مش عايزه اشوفك وانت عارف انى اجدع منك ومش هاخد حاجه ايه لازمة الكلام الكتير يا زنان
سليم/ انتى هبله ده شغلك ومش كفايه جنالك فجأه و بهدلنا ليكى المكان
دينا/ بس يلا امشى بقى مصدعه ومش عايزه زن كتير
سليم/ عارفه يا دينا والله جدعنتك اللى معايا دي على طول هي اللى بتخلينى اتمسك بيكى اكتر من كل مره يا احلى صاحبه في الكون
ومشى سليم وركب العربيه و وصل الوفد الفندق
واتصل ب الهوارى
سليم/ كنت قلت هتعمل اجتماع
الهوارى/ اه تعالى وانا هتصل بيونس يجى
سليم/ تمام انا في الطريق
قفلو الفون
،،،،،،،،،،،،،،،،،،،،،،،،،،،،،،،،،،،
في مكتب الهوارى
الهوارى اتصل ب يونس
يونس/ مساء الجمااااال
الهوارى/ مساء الزفت على راسك
يونس باستغراب/ ليه اللون ده بس معايا
الهوارى بعصبيه/ اتفضل تعالى على الزفت حالا
يونس بهزار/ ما انا جوه الزفت
سليم/ انت هنا في الشركة
يونس/ لا بس انت اول ما اتكلمت قلت ايوه يا زفت يبقى بالعقل كده انا ابقى فين في الزفت نفسه هههههه
الهوراى بعصبيه/ انا مش بهزر تعالى بسرعه الشركه
يونس/ و لو انى تعبان بس ما علينا هجيلك
قفلو الفون
،،،،،،،،،،،،،،،،،،،،،،،،،،،،،،،،،،،
في بيت الهوارى
يونس لبس هدومه وفتح باب الاوضه
ابتسام/ رايح فين تانى باباك واختك زامنهم راجعين اقعد اتغدى معاهم
يونس/ لا مش هايجو هو اللى طلبنى وقالى تعالى اقعدي برطعي في الشقه لوحدك
ابتسام/ شكلك عملت نصيبه
يونس/ وربنا ماعملت حاجه خالص انهارده ده حتى مدخل للشركه مبلغ كبير انهارده بمجهودى الشخصى
ابتسام/ يا خوفى من مجهودك الشخصى روح امشى شوف باباك عايز ايه
يونس فضل يركبها الهوا/ سلام بقى يا بسبس ومشى
ابتسام بتكلم نفسها/ رخم بس بموت فيه
توقعتكم الحلقه الجايه
بوسي محمود