لظيف والبخيل #
للكاتبه اسرار #
.تبدي قصتنه بگوله عراقيه قديمه ،،
في يوم من الايام جنت ببيد جدي فه سمعت جدي يحاجي حفيده ،،
الجد ..توه كام الخطار توه خلص راس الغند شمالك مثل چلب الكرد كلساع تعويلك بدار ،،
استغربت الي گلله جدي ،،فه سئلته ،جدو شنو يعني
فه كال ،،
في قديم جانو اهلنه يكعدون بصهاوي ،،مو مثل هسه خير وبيوت وكهرباء ،،وجانو بحصرت اللكمه
فه جان اكو واحد راح راح ظيف عند شخص بخيل
فه كال الظيف
بعد السلام على البخيل
ياعمي انه اجيتك وجوعان ماعندك خبيزه
.البخيل كاله
تونه عجنه العجين وباجر يختمر وعكبه نخبزه ،،
.فه كال الظيف
.عمي زين چاي ،حته يو ستكان چاي ،،
فه رد علي البخيه وكاله
.توه توه كام الخطار وتوه گضه راس الغند شمالك مثل جلب الكرد كلساع تعويلك بداار.
،دنك راسه الظيف وحزت بخاطره
فه راح يتمشه بل سلف وكاتله الجوع ،،شاف مظيف المحفوظ مظويه فوانيصه ،وستئذن ودخل داخ الصهوه
وبعد السلام كاله محفوظ عندي يمك شجيه (جايك شكاي )
كاله المحفوظ تفظل ،،
..يلمحفوظ اني رحت عله واحد من سلفكم وردت منه ستكان جاي وكالي وطردني ،،
..كال المحفوظ ،وصوته هز اركان الاصهوه ،،
ابشرر
صاح المحفوظ ع الكهوجي ،،كاله فلان دك الاكهوه
سابقا جان الهاون لو دكو بي الكهوه يرن بل سلف
فه كد الهاون ولتمو العربان ،،
ونترس مظيف الشيخ،صاح المحفوظ عله الكهوجي وكاله شوف اريدك تصب الكهوه ومن توصل لفلان تذب الكهوه بل كاع وكدامه ،((سابقا يعتبر رمي الكهوه اما الظيف اهانه ))
كال الكهوجي تاامري يلمحفوظ
..انترس مظيف الشيخ بل الرجال وكعدو
صاح بيهم المحفوظ
الله بل خير
..ردو علي ،الله بلخير يلمحفوظ
فه كال المحفوظ وجان الظيف كاعد بصفه ،،
صاح المحفوظ فلان صب الكهوى
صب الكهوه للجميع ومن وصل لصاحبنه البخيل
ذبها بل ارض وكدام الكل ،،
كام صاحبنه البخيل وكال تخسه اشو ماعندك احترام للظيف وتصب الاكهوى بوجهي ،
صاح الشيخ
..هووب ياهل الخير انه اليوم جمعتكم لهل سالفه
اجاني هاذا الظيف وقدم شچيه وكال ناسك مايقدرون الظيف ،،
كال جتفوو فلان (البخيل )وجيبو لعندي ،
جتفو البخيل وحطو مقابل المحفوظ
وكال ياشيخ انه ماغلطت بحق احد ،
صاح بي الشيخ وكال انت اسكت التزم السكوت
..كاله يل ظيف احج حجايتك وشسوالك هل بخيل ،،
.سولف الظيف كدام العرب الخيره
.صاح الشيح هاذ هو يافلان انت اسكت
فه صاح للكهوجي وكاله جيب المگله (المكله هوه الي يحركون بي الكهوه من يحركونها ،،)،،
جابو البخيل وحطو المكله على اسفل ظهره وحركو بل مگله ،صرخ البخيل وطلب العفو من الشيخ وخذو ذبو بره المظيف ،،حته يكون عبره لمن اعتبر ومايطردون ظيف وتنحجي حجايت سلف فلان ويكولون عنهم بخلاء
،،فه كال الشيخ للظيف ،
..انه عاقبته على تقصيره وياك ،،اياك يم اياك تطلع منك حجايه وتكول سلف المحفوظ ماعزبو ظيفهم.
..
كال الظيف تامر محفوظ ماتطلع من حجايه ولو طلعت كص رگبتي،
.من خوف الظيف حته الكهوه ماشربها ،،ونام وهوه خايف ،
راح الشيخ للوصيفه وكاللها فلانه اريد عشه زين ورغيف زين ،،
جابت الوصيفه فخذ الغنم المشوي وخبز التنور وحطتهم كدام المحفوظ بطبگ،
اخذه المحفوظ وكعد صاحبنه وكاله كوم يفلان كوم اكل ادريك عله لحم بطنك ،
..رحم الله والديك يل شيخ ماريد انه شبعان.
..كتلك كووم وحته لوو شبعان تاكل.
.خاف صاحبنه وكام اكل وشبع ،،
*************************وانه عفتهم وجيت ******
سئلت جدي كتله زين شنو رباط سالفتك جدو ،،
كال جدو لمن يجي الخطار لازم نكوم بظيافته ،
طبعا الحكمه واظحه والعبره ،لمن اعتبرر
والقصه حقيقيه ميه بل ميه ،،
واترككم مع قصه جديده ترقبو مني انا
الكاتبه اسرار #😃✌
