زواج للمتعة

٤

ملاذ جاتنی جاریة م مصدقة انی جبتها مالک ی بت مشکلتک شنو
قلت ل جانی عریس وسریعع کمان
قالت لی عریس
الغریب م کلمنی وقال جاییک
قلت لیها بطلی عبط وتخلف ورکزی المعای
قالت لی والله الواطی م کلمنی لکن اصبری لمن امشی البیت
قلت ل ی معاقة انتی انا قلت لیک جانی عریس
قالت لی اصلآ عارفة قبیلک ومصط
قاطعتها ب الکلام
وقلت لی رکزی معای
تتذکری مناسک صاحبتی القدیمة دیک عمها الصغیر اسمو احمد ودکتور ف قطر وجو طلبونی وحیجیبو قولة الخیر یوم الجمعة
ملاذ حسیتا اتغیرت واتصدمت فجأة 
وکأنها اتکسرت او حزنت بس قالت لی مبرووووک رنود حبیبتی ربنا یتم ع خیر وقالت لی اتأخرتا انا راجعة البیت وبجیک بکرا ومرقت زی الهوا
‏ استغربتا من تصرفا بس عملت نفسی م مرکزة قلت ملاذ طایشة بتکون خایفة من رامی  او عندها مشکلة معاو
نومتا وعدا الاربع والخمیس وانا من قناع لی ماسک لحدی الجمعة امی اتصلت لی خالاتی جونا من الصباح مقیلین معانا
‏ ومزن رتبت البیت وانا قلبی شغال یضرب زی بوری العجلات 
‏ المغرب جا والضیوف وصلو شئ سلام وترحیب
وانا قاعدة  وملاذ تمشی وتجی وکانت بتتبسم لی عادی وکأنها بتدعی الحاجة دی
‏ م بعرفا مالا
المهم جات خالتو خیریة ومناسک وعمو عبداللطیف واحمد
بعد الضیافة عمو عبداللطیف اتکلم مع ابوی وطلبونی وابوی سأل احمد کدااا وبعد جهد جهید وافق وقالو عایزین یسلمو لی خالتی کوثر جات لبستنی توب من تیاب امی ظریف کدا
وطلعت سلمت لیهم وانا برجف لمن مدیت لیو یدی
المهم عمو عبداللطیف قال اخو جاهز وم عندو شئ ناقص وعایزین العرس ف اقرب وقت
ابوی قال لیو انت ثقة والله
وطوالی نتم العرس
خیر البر عاجله
اتفقو بعد شهرر العرس وجابو الشیلة بعد اسبوع طبعآ اختارتا مناسک ع ذوقا وکانت رهیبة وما فیها کلام
خالاتی متلمات  والبیت جاط وشئ ترتیب واریاح واسواق ودخان ووو کل ترتیبات العرس السودانی ابوی کلم اعمامی وعماتی وک العادة جا الأ عمی یاسر
الغریب انی م کنتا بتکلم ب التلفون مع احمد غیر السلام ولو ناقص شئ او محتاجة شئ
کل تواصلی مع مناسک
جا یوم الحنة حقتی وخالاتی م قصرو وطبعآ الحنة عملا لی مصطفی ود خالتی سوسن م قصر معای
عزانی یاخ
حفلتی کانت مضرب مثل یاخ انا اصلآ م کنتا مصدقاها تطلع کدا شئ تصویر وشئ رقیص وشئ جو خرافی
الیوم التانی راحة ویوم الخمیس مشیت بتا عند ناس سوسن خالتی معای ملاذ وهن کانن کلهن ف بیتنا مناسبتی فطور کانت والناس مشغولة وجایطة ودانا رماح اخوی ورجع طوالی
قلت ل ملاذ انتی مالک اتغیرتی منی الفترة الفاتت قالت لی انتی عویرة ولا شنو بس سای عشان انتی ح تعرسی وتمشی تخلینا حسیتی الاحساس دا
المهم اتونسنا ورتبتا معاها فستان الحفلة الح تلبسو وقفلنا البیت
بس مصطفی اتصل لیها وقال ل افتحی الباب طلعت فتحت لیو وقال ل جبتا لیکم عشا
قالو لی جیتو بدون اکل
اتکلمت معاو مسافة ورجع
اتعشینا سمح ونومنا
صحیت بدری استحمیت ولمیت شعری وملاذ عملت الشای شربنا وحسیت بخوف فجأة بس حاولتا اتفادی الاحساس دا لحدی م جا زمن الفطور ومناسک جاتنا ب العربیة عند ناس ملاذ طبعآ کانت حاجزة الکوافیر هی لبستا نقابی وطلعنا وصلنا الکوافیر وملاذ اتصلت لی رامی جاب لینا سنتدوتشات بس انا م اکلتا
امی اتصلت لی وقالت لی عقدو لی وخالاتی بارکو لی وبکیت مع ملاذ  لمن وشی حمر  المهم تلفونی م وقف دقیقة من المکالمات والغریبة العریس م اتصل لی  ملاذ سألت مناسک منو قالت لی تلفونو قافل شکلو م شاحنو ونسو السیرة ع کدا
رسمو لی وعملو لی ماسکات والمسا لبسونی ومکیجونی وطلعتا تحفة
العربات جات واحمد جا ساقنی وبارک لی ومشینا اتصورنا ‏
ومن الاستودیو ع الصالة ‏
وانا اتراجف کلی واول م شفتا ناس البیت قربتا ابکی بس ملاذ شاغلتنی قدرتا مسکتا دموعی
بس عینی وقعت ع مصطفی م بعرف صدفة قدر اللهم لقیتو بعاین لی جوا عیونی وعیونو مرقرقات