زواج للمتعة

١٩

برجف وم قادرة افتح رسالة رامی اخوی
شلت التلفون وختیتو ف الدولاب بقیت امشی واجی اقعد واقوم راسی ملخبط وطاشة نومتا وشایلة هم البحصل
صحیت زی 2 ص بصوت کرکبة وحرکة وصوت ابوی طلعت لقیتو دا رامی اخوی وملاذ اای العرسان جو راجعین بعد 9 یوم یعنی م طولو خفتا وقلت خلاص رامی الخبر وصلو المهم سلمو لینا وامی قالت لیم ح اجیب لیکم العشا قالو اتعشو ف الشارع وح یحکو الصباح دخلو غرفتم وکانت فاتحة ف غرفتی ومجهزة بس م قایلنهم برجعو سریع اتوترتا وم نمت ل الصباح بقیت اتوقع ف البحصل بی شنو تانی اکتر من کدا ورامی ح یقول شنو وخصوصآ مصطفی صاحبو قبل م یکون ود خالتو وضع ملاذ ح یکون کیف ااااه دی مصیبة شنو ی رب رامی وملاذ صحو ادوشو وظبطو نفسم  وجو قعدو ف الصالة وامی جابتم لیم الفطور ابوی طلع بعد اطمن علیم وقبل م یفطر کمان رامی قال لی ی رنود رسلت لیک امس اننا جایین م وصلتک الرسالة حتی یدوب اطمنتا قلت لیو صح التلفون کان بعید منی اتنفستا الصعداء وقلبی ارتاح بما انو م عرف لسة بقیت اسألو من الرجعکم شنو کان تتمو اسبوعین قال لی نعمل شنو م بنقدر نعیش بدون قصرنا دا وبقی یعاین ل ملاذ ویضحکو امی قالت لیو ربنا یدیم البسطة بینکم وتلفونا بتصل ادیتو لیها طلعت خالتو سوسن سألتا من رجعت ملاذ قالت لیها خیر عرفتی من وین قالت لیها من استاذ محمد جانا قبیل وقاعد اسی معانا امی دخلت جوا وبقت تتکلم مع خالتی محمد عمل شنو قالت لیها جا ل مصطفی واسی بتکلم معاو وشکلو ح یطلع ربنا یجیب العواقب سلیمة
امی قلقت وسألتها قالت لی ی ریناد الوقعتی فینا ربنا یرفعنا منو بس
طلعت قعدتا مع دیل شویة ودخلتا غرفتی امی بقت تدخل وتمرق رامی سأل الحاصل شنو فی شنو زی ال م مظبوطین کدا
امی قالت لیو ماف شئ
اختصرت الموضوع ودخلت المطبخ المغرب جا وابوی جا راجع ومعاو مصطفی ورامی کان ف غرفتو امی قالت لیو ف شنو الحصل شنو ابوی قال لیها مصطفی واثق من کلامو واحمد دا کذاب وانا بصدق بتی وبصدق مصطفی امی قالت لیو الکلام دا م زمنو یدوب ناس رامی رجعو لو عرف ح تکون مشکلة ف نص کلامنا دا خالتو خیریة جات وبقت تجوط رامی وملاذ طلعو قالت لی امی دی جات مالا م یکون ولدک لقاها زی بتک رجمتنا رجم وب کلمتا دی ساطت البیت وجاطتو المهم انا جیت اقول لیکم انو احمد بکرا مسافر وقال م برمی الطلاق ع ریناد یعنی زی م خانتو ح یأدبا کدا بس ویعلقا سنة سنتین راسا ینضف بعدین یطلقا امی بقت تبکی وابوی قال لیها من شارعی دا وبمشی لیو اخو راجلک کضاب وانا واقف مع بتی لمن تنول حقا ونحمد ربنا جات منکم رامی بقی یقول ف شنو المهم حکو لیو ای شئ حصل وانا قلت لمن ابوی وقف معای اذن رامی ح یقف بس ردت فعلو فاجأتنی اای ضربنی کف ضربنی قدام کل القاعدین ورماح اخوی قال لیو اضربا تانی اضربا واطرد الکلب دا من بیتنا وقصدو مصطفی رامی قال لی مصطفی بسببک دا الحصل م کان تکلمنی لو عایزا م یاهو انا عشان راجل لمن بقیت ع اختک جیتکم ب الباب ملاذ قالت لی رامی والله العظیم مصطفی عایز ریناد وبسنة ربنا ورسولنا وعایزا من وهی ف الاساس عایزا بس ماف زول عارف ولا هی زاتا عارفة والله م کان برفع عینو بعاین لیها وخالتو خیریة اتصلت ل عمو عبداللطیف م بعرف القالتو لیو
ملاذ قالت لی ابوی لمن مصطفی کلمنی وکان عایز یتقدم ل ریناد الیوم التانی ناس احمد جو واتقدمو وریناد وافقت ومصطفی م اعترض طریقا وقبل بکسرت قلبو وکان واقف من اول العرس لنهایتو معاکم لو فی نیتو شئ شین وخیانة م کان عمل کدا وفی نص کلاما رامی قاطعا ب الکلام وقال لیها انتی زاتک مشترکة مع اخوک فسدتو سمعتنا قدام الناس ی مصطفی یاخ عیب علیک وفی حقک یاخ م کان تجی منک کدا خالتو سوسن جات داخلة وبقت تعزی وب علی انا من العین الصابتنا دی لا عروس اتهنت لا عریس ارتاح بعدا جو ناس عمو عبداللطیف وبتو واحمد احمد بقی یتکلم وعاد نفس الاسطوانة ل رامی اخوی ومصطفی قال لی رامی مدام سمعتو یبقی تانی م عندی کلام انا  البتحکم بیو علی قبلانو منک ومصطفی قال کدا عشان واثق ف نفسو وانو اصلآ دا موضوع واضح کیف تکذبنا ننحنا وتصدق احمد احمد جاب حبوب وقال لی ابوی انت مدام واقف مع بتک اسألها لی کانت بتبلع دیل ولو م عندا علاقة وموضوع م کان بتاخد مانع عشان م تحمل منی
دی قصة تانیة وجریمة کعبة هنا انا ادخلتا وبقیت ابکی واضرب ف احمد قلت لی ابوی والله العظیم واعدم شبابی انا مظلومة واحمد الکان بخلط لی الحاجات دی فی العصیر وهو الکلمنی بکدا واسی عندو دفتر کاتب فیو عن مرتو فتشو ح تلقو ی مناسک وربی انا مظلومة ومصطفی اصلآ استسلم لانو م قادر یستوعب الکلام وملاذ قالت لیم والله لو م القسمة مصطفی کان یمشی لی ریناد بس حکمة ربنا رامی بقی جایط وم فاهم شئ انا ابوی بس الوقف معای وخالتی وامی متهولات ف الشئ دا احمد قال ح یعلقنی ویسافر ح یعاقبنی علی شئ اخترعو من راسو وشوه بیو سمعتی طیب ذنبی شنو انا ای زول ماسک سیرتی رماح رامی امی خالاتی ناس مناسک ووو بکیت لمن اتقرشتا احمد قال لی رامی شوف ودخالتک فی شریط الحفلة حقتنا کان ببکی عدیل لو م عندو شئ م کان ببکی ملاذ قالت لیو بکی عشان ارجل منک بکی عشان حقو ضاع قدامو وهو عشان اهلو م طالب بیو رامی مسک ملاذ وقال لیها انتی زاتک کذابة ادخلی جو ساقتنی ودخلت خلیت الناس دی حایطة وم مستوعبة شئ
بکیت لمن استفرغت وقعدتا فی المصلایة وشحدتا ربی کان انا مظلومة ومرجومة حقی یظهر وانا راضیة بحکمو
‏ صحیت وانا فاقدة الامل البیت کان صانی وای زول بنظر لی ب نظرة م مفهومة تحسر انکسار لا قادرین یقیفو معای لا قادرین یجیبو حقی
الموضوع بقی حلقة مقفولة
یوم واتنین وتلاتة ماف ای شئ جدید وانا بدعی طول اللیل البیت الکان کلو ضحک بقی زی مقبرة الاموات
‏#