زواج للمتعة

١٠

بقیت ف مصیبتی دی ودا صباحی الح ارجع فیو ل اهلی وعایزة اکون فرحانة بس صباحی خرب لی م عرفتا اعمل شئ قفلتا الغرفة علی وم فتحتا الأ الضهر وشی اتورم من البکا مشیت صلیت وجیت غسلتا وشی بمویة باردة وقعدتا احمد جا داخل من شوفتو وقفتا وکنتا خایفة وقرفانة منو قال لی اسمعینی ی ریناد انتی رتبی شنطتک وانا ح اودیک ل اهلک بکرا تاخدی معام کم یوم وترجعی م ردیت لیو
دخلتا بقیت ارص ف شنطتی جا ورای وقرب لی قمتا وضربتو کف قلت لیو دا لانک وسخ وهدفک واحد م بعرف تصرفی صاح او غلط بس اتفشیت شویة ب الکف الضربتو لیو دا
مسکنی من یدی وقال لی م بسألک اسی لکن ح اتفق معاک ح نمشی بیتکم وقدام اهلک تتعاملی عادی وکأنو ماف شئ وحسک عینک تقولی لیهم الحصل دا خلی سر لحدی م نجی ونشوف البحصل شنو عشان م تخربی علی واخرب علیک فهمتی لزانی وطلع
ملاذ اتصلت لی جا وقف یسمع کلامی فصلتا ف ملاذ وقلت لیو انا واضحة م عندی شئ ادسو عشان تتصنت لی لکن انت البتخاف ی دکتور ی محترم قرفتو شدید واتأکدتا جد المظاهر خداعة وکل احلامی اتشتت عندی حاجات ف دولابو فتحتا دولابو ولقیت کورس بتاع حبوب جنب حاجاتی العندو قلت لیو دا شو قال لی دی بخلطا لیک ف جک عصیرنا کل یوم عشان م تحملی منی
لمن قال کدا م ضعفتا ب العکس قویت وقلت لیو انا بحمد ربی انک عملتا کدا لانو الولادة منک دمار للمجتمع قال لی براک جنیتی ع نفسک رمانی ف السریر وبدا یعولقنی وانا بقیت اصرخ واحاول ابعدو منی قلت لیو لو بتحب ولدک ابعد منی فکانی وقام وانا بقیت ابکی بعد روقتا عرفتا انو ولدو ومرتو نقطة ضعغو ومستحیل اتخلی عنم
یعنی انا مجرد وسیلة سعادة لغیری م اکتر
انقهرتا شدید وقلت لیو تصدق انک م راجل وجد بحمد ربی انی م حملتا منک بس م بعفی لیک لو حبوبک البتدینی لیها بدون علمی دی ضرتنی قال لی م بضرک قاطعتو ب الکلام وطلعت
الیوم التانی استحمیت ولبستا توبی وکلمتا امی اننا اتحرکنا علیم ف الشارع قال لی اوعک ی ریناد تفتحی خشمک بشئ والأ م تلومی آلأ نفسک وانا اصلآ شایلة هم جوای م عبرتو ولا ردیت لیو وصلنا بیتنا ولقیت امی وخالاتی منتظراتنی من شفتم مسکتم وقعدتا ابکی
احمد حمر لی واشر لی بعیونو نظام تهدید ویخوفنی قلت لیم اشتقتا لیکم بس کملتا سلامی وابوی ضبح لینا وسلمتا ل اخوانی وقعدنا بعد الفطور الجبنة وجو اسری جمیل مبسوطین بی وم عارفین وجعی ومصیبتی الفینی
ملاذ جات واول م دخلت خالتی اسیا زغردت لیها وکوثر خالتی بقت تقول العروس جات للعروس
ملاذ حضنتنی وسلمت لی سألتم ملاذ مالا
قالو لی دی المفاجأة ‏
ملاذ ورامی اخوک عرسم بعد شهر
قعدتا ف الارض وبکیت سمح لمن استغربو قلت لیم دی فرحة وسألتم متین وکیف الموضوع دا حصل بقو یحکو لی وانو رامی کلم امی وامی سریع کلمت ابوی وابوی زول امسک لی واقطع لیک لا جرجررة لا غیرو
وبخیر وخیرات الموضوع ماشی یتم ویظبط یدوب فرحتا وقلت دا‎ ‎‏ خبر ینسینی وجعی شویة 
سقتا ملاذ ودخلنا غرفتی ی حلیل غرفتی قلت ل احکی ب النقطة والشولة حکت لی ای شئ وانو رامی الراجل ال م بتفوت وانو بعد یومین ح تنزل حبسة وکدا المهم کل التفاصیل دی والونسة ساقتنا وقالت لی احسن انا عوضتا وربنا یعوض مصطفی اخوی
قلت لیها صحی وییییین مصطفی قالت لی قاعد یمشی وین غیر الشغل الدارشو دا ولمحت لی بشئ لمن قلت ل مصطفی مالو طلعت لی من الموضوع وسألتنی عن احمد وشهر العسل والسفرة وم عرفتا احکی لیها شئ غیر شغالة ل کویس تمام مبسوطة انا
قالت لی مالک انتی قایلانی م بعرفک احکی مالک حاساک م طبیعیة
ف نص الکلام دا عبدو اخوی جا نادانا وقال لی رماح شغل شریط حفلة العرس حقک وکلم مشو الصالون یحضرو مشینا ولقیت احمد یضحک ولا ع بالو شئ مع خالاتی ورماح اخوی وکأنو م عامل شئ الخبیث الندل
فتحو السی دی وبقو متابعین وکل م عینی تقع ع مصطفی ود خالتی سوسن بظهر عیونو مدمعة وملاذ بتقول حی انا ع اخوی
قلت ل مالک قالت لی ولا شئ
وحتی ف نظرة لیو کلهم لاحظو لیها واضحة انو ببکی او زی الکان ببکی لانو عیونو متغیرات وملاذ کانت بتحاول تلهینا لمن یعرضو مصطفی حسیت بشئ غریب
‏