#حكاية_ندم 2ζ
#الكاتبة_Nada
ظلينه ننتظر يجون ويطلع الخبر جذب..كلبنه مثل النار عليه وامي مصدومه وكاعده ما حجت ولا كلمة....
علئ صوت السيارة طلعنه كلنه نركض شفت اخويه غير اخويه يلطم والدشداشه مشكوكه ومكابل التابوت الي مغطه بالعلم العراقي ويصيح
صافي ـ 😢راح صديقي راح الحنين راح اخويه راح بويه راح...
ندم ـ فقدت رحت اركض ع التابوت بدون حجاب بدون عبايه تهسترت ما احس الا وجماعت اخوي لزموني ودخلوني جوه....
امي تخربطت وزوجة اخويه فقدت ما اعرف شصار بعد...غلقو علينه الباب وظلو بس اخوتي وابويه خارج البيت يم التابوت.....
*بعدها دخل والدي هو ويبجي يكول....
ابو ندم ـ راح اندخل التابوت للبيت والباجر الصبح ندفنه بس ممنوع اسمع احد يعيط ويصرخ لان مو زين عليه....
ندم ـ محد جاوب كله تبجي...باوعت ع الباب طبو اخوتي وفوك جتفهم شايلين التابوت دخلو للصاله امي من شافت التابوت كامت ع حيله ووراحت حظنت التابوت وتحجي ويا وتعاتبه... وزوجته مصدومه ابد ما حجت ولا لطمت ولا بجت 14 سنه يحبه وتظل بس 10 اشهر وياها ويروح هيج مثل الماي صعبه حيل بالنسبه اله...
اجيت اتقرب ع التابوت جسمي كله يرجف خوف ورعب حطيت راسي ع التابوت وظليت ابجي بعدها كمت توضيت وظليت اقرٲ يم راسه قران وادعيله .....
فتحت الدنيه وصار الصبح والعالم نكلبت علينه كله سمعت بالخبر جانت الصدمه مو بس النه للعشيره كله محد صدك هذا الشاب الي بعدها بعمر الورد يموت......
الساعه 7:30 شالو التابوت وودعنه اخويه من طلع من البيت طلعت روحنه ويا.....
وكله كامت تصيح وراها
.....الله وياك الله وياك محالل وموهوب....
*نصبو الجادر للزلم يم بابنه والنسوان بالبيت....بعد مرور ساعات والعالم تروح وتجي وناس تبقه ع الغدها وناس تروح...
اجت جيرانه تعزينه بهذا المصاب وكالت خبر خبلنه
......اني سمعت بالراديو ابنكم اسير وما ميت
*كانت الناس بالسر تسمع اذاعه ايران ويطلعون الاسرئ يسلمون ويعرفون ع نفسهم
ام ندم ـ عيوني صدك تحجين يعني ابني سلام ما ميت
......وداعت جهالي وحق هذا القران سلام حجه وسمعته بٲذني
ندم ـ امي تخبلت واحنه هم....اخذت امي تسٲلهم كلهم
ام ندم ـ كولولي انتم شفتو الجثه بعيونكم
ندم ـ الكل كال اي بس ما اله اوصاف لان بلهور والهور ايران قبل فترة ذابين بي كيمياوي فلجثه متخربه....
أنت تقرأ
حكاية ندم 🌿
Historical Fiction#حكاية_ندم 🌿 ستُشقيك الحياة، أكثر مما تظُن وأعمق مما تتخيل. ستأخذ منك مالم تتوقع أنه في يومٍ ما سيُسلب منك...... ستُحِب من لم تتخيل للحظة واحدة أن بين ملايين من البشر هذا المختلف كثيراً عنك، سيمتلك قلبك كله وجميعه.... ستجبرك الحياة على العيش في مكا...
