حكاية ندم 🌿

حلقه5

🌿🌿🌿بقلمي الكاتبةNada 🌿🌿🌿

#حكاية_ندم 5ζ

ندم ـ انصدمت😨 من كلامه ما اعرف شنو اجاوب...ظليت ساكته وما حجيت

رجعت للخيمه وسولف الامي ع الي صار

ام ندم ـ والله يمه ما اعرف خلي اكول لوالدج وخوانج ونشوف....

ندم ـ راحت امي فتحت الموضوع ويا والدي...
واسمع الهوسه كبت...

ابو ندم ـ شبيه كاولي وزوج بنتي لهذوله البدو... ماعندي عمام واهل وزوج بنتي بالصحراء

ام ندم ـ هاي شبيك حجي هو مجرد حجي صار وكتلك اياها...

ابو ندم ـ هاهيه خلص سدي الموضوع انوب عليه البدو...

ندم ـ انسد الموضوع بنفس الحظه...ثاني يوم من رحت سألتني البنيه وخبرته بلي صار ونسد الموضوع نهائيا..

*مرت الايام وكل يوميه ع نفس الروتين متغير شي بحياتنه...واني اكظي يومي افكر بالانسان الي حبني ليش ما اجه ورايه مو ابن عمه موجود بالمخيم...هو شعجب ماكو واكثر الناس الي حجزوهم ويانه بالمخيم نعرفهم...

ظل تفكيري كله يمه رغم البعد ما تواسيني غير نواعي امي والبواجي علئ فقدان الوطن والعزاز...

*كام العنده اقارب بالمخيم يروح يتفقدهم واحنه من ضمن هاي الناس الي لكت اقاربهم...لكت امي اولاد خالتنه ثنين بالمخيم عوأئلهم باقيين ببيوتهم بس همه شاردين واختهم الارمله هم شاردة هي وبناته الاصغار لان زوجه معدوم وتخاف...

صارو يجون علينه ويكعدون ويا اخوتي....

واحنه كمنه من يجون نلبس فوط كبار لونهم اسود وبيهن شذر مثل الشال بحيث تغطي الراس والاجتاف...اخوي وصه سواق التناكر مالت الماي التجي للمخيم وجابو النه.....

صرنه نستقبل ولد خالتنه بالمخيم...اني ما احب اكعد يمهم من يجون اعتزل عنهم اكظي يومي لو اقرأ قران لو اسمع اخبار لو اطبخ....

صار ابن خالتي حارث يجي يوميه للخيمة مالتنه يكظيه سوالف وشقه ويا كوثر..حسيت بي يحبه ويجي علموده...هو شكله حلو ورجولي.. عمره 24 سنه صاحب طول وجمال...

وبيوم جتي اختهم بالليل تتعلل يمنه...وما جان وياها حارث ستغربت كل مرة يجون سووه شعجب هالمرة وحده....

.....هلا خاله شلونكم البنات شلونهم

....هلا بنيتي الحمدلله بخير...جا شعجب حارث ما اجه...

....ولله ظل بالخيمة

....خير ان شا۽ الله....ندم وج ندم

ندم ـ حسيت جايه ع شي وبحلكه حجي تريد تكوله....اخاف جايه تخطب اختي الاخوة?لا ما ممعقوله

.....يمه ندم مو جاي اصيح عليج وين صافنه

..... ها يمه هيج شردت شويه