فامسكت مني بالهاتف وسالتها نادية مين يامني ؟؟؟!
مني : ده سيد ممكن ارد عليه الاول ياماما.
الام : ردي يابنتي .. والله سيد ده صعبان عليا.
مني : " الو"عامل اي ياسيد؟؟؟
سيد : الحمد لله يامني .. طمنيني اي الجديد عندك..؟؟؟
مني : بابا طلب مني كل الهدايا اللي قدمتها لي علشان يرجعها لك . حتي ماما معايا ..
سيد بحزن : لا يامني .. حتي لو ما حصلش نصيب ديه هدايا مني لكي .انتي متعرفيش غلاوتك عندي. وكل ده مش فيمتك يامني .
فاشارت نادية لمني بان تعطيها الهاتف.
سيد ماما عايزة تكلمك...واعطت مني الهاتف لامها.
الام : ايوة يابني ..اي اخبارك طمني عليك.
صمت سيد قليلا وتنهد ثم قال : الحمد لله يامرات عمي .. يرضيكي كده يامرات عمي ؟؟
الام : لا يا بني . والله ما يرضي حد .لكن هعمل اي مش بايدي
ياسيد ..
سيد : طيب والحل يامرات عمي ؟؟ صدقني انا بحب مني ..
الام : والله يابني مش عارفه اقولك اي .عمك طلب مني اخد كل الهدايا اللي قدمتها لمني علشان هيرجعها لك...
سيد : لا يامرات عمي انا هتصل به ده هدايا لمني حتي لو محصلش نصيب ..
الام : طيب يابني ربنا يقدم اللي فيه الخير .
وانهت المكالمة معه . واعطت الموبايل لمني وخرجت ...
وبعد خروج الام من غرفة مني قامت مني بالاتصال باحمد..
"الو"
احمد : ايوة ياغالية . طمنيني عليكي.
مني : الحمد لله .. انا بخير
احمد بشوق : هشوفك ياغالية ؟
مني : صعب يااحمد حقك عليا .. الجو متكهرب عندنا. الامور تهدي بس .
احمد : اوك يامني .. المهم انك بخير..
مني : تمام الحمد لله .. واستطردت قائلة: أحمد ممكن طلب ؟؟؟
احمد : اكيد طلباتك كلها أوامر ..
مني : النتيجة بكرة ينفع تجيبها انت وطمني .؟
أحمد : من غير ما تقولي يامني ..كنت هعمل كده .. رغم اني واثق من نجاحك.....
مني بقلق : يارب يااحمد ...
احمد : طمني خير ان شاء الله ياغالية. ....مني ....
مني : نعم يااحمد ...
احمد بتوسل : حاولي اشوفك لو ليا خاطر ..
مني : هحاول يااحمد حاضر ..اسفة يااحمد هقفل وهكلمك تاني ..
