كش ملك

chapter "1"

ظلام دامس يلف المكان..مغلف ــدوء حـــذر ينذر بعاصفة هــوجــاء تدمر بلا هــوادة..
تحت الأرض..في أسفل مبنى الفيلا حيث رائحة الإنتقام المحمله بشماتة النصر.. من بين عيون شقت طريقها بذكاء ومكر
..
يــدور في الغــرفة الواســعــة المــظلــمة ذهابا وإيابا كالأشباح..لا يراه أحــد ولكنه يرى
الجميع..لا يعرفه أحد ولكنه يعرف ما بداخل الكل..
يعرف ويفهم ويستنتج ويخطط وينفذ بلا تــردد ..قراره نــافذ لا رجعة فيه..
تلكـ محطته الأخيــره التي رسمها بدقة وحرفية شديدة منقطعة النظير .. حيث دار به قطار الحياة دورة كامله في كل
صوب وإتجاه ..لم يشأ أن يكن من ركابه بل أراد أن يكون قائده ومحرك من فيه ..فطــاف بــه على
الجميع...وحــانت النهــاية..اية المطاف

في ركن من أركان الغرفة الواســعــة أسند ظهره على الحائط واضعا كلتا يديه في جيبيه ينظر إلى غنيمته المقيده
إلى كرسي في منتصف الغرفة بتشفي شديد ونظرة انتصار شقت طريقها لعينيها فتجسدت أمامها رغم الظلام الدامس
..أخرج قداحته من جيبه أخذ يعبث ا.. يشعلها ثم يطفها دوء وبإنتظام ..كأنه يجسد أمامها ضربات قلبها المتتالية..!

ــ:"" إيــه رأيــك فيا ..عجبتك؟ ""
بتنهيدة عميقة نطقها وبإبتسامة واسعة لم ترها في الظلام ولكنها سمعتها في صوته..

صمتت..سكنت..هدأت..هي أذكى من التهور في موقف كهذا تعرف جيدا مكانة من أمامها ذلك الشخص الهلامي
الذي لم يعرف عنه سوى أعماله وفقط ..حاولت من صوته أن تتعرف عليه..من أنت يامن حاربك الكل وهزمتهم..
يامن تعرف أسرار الكل واستخدمتها لتدميرهم؟
أشعل سيجارته وهو يقول بشماته:

ــ: ""إيه يا جلالة الملكة..ساكته ليه؟ ""

ــ: ""إنت مين .. وريني وشك ""

ــ: ""هتشوفيه .. زي ما بيقولوا لقد هرمنا من أجل هذه اللحظة.. بس إنتي صعبانه عليا مش عايز أصدمك.. يعني
خلي الصدمات وحده وحده .. ندردش شويه وخلي الفقره الأخيره إنك تشوفي وشي ..بس متقلقيش .. إنتي الوحيدة
من الضحايا اللي هتنالي شرف معرفة أسراري..وده طبعا عشان إنتي أغلى وحده فيهم ""

أجابته بقوه وحزم:
ــ"": آخر حاجه ممكن تفكر فيها إني أترجاك تسيبني ""

رد عليها بضحكة ساخرة قائلا:
ــ: ""ومين قالك إني مستني كده..تؤ تؤ خالص..يا جلالة الملكه أنا كان عندي ليستة أسماء ..أو ليستة الملوك ..كل
ملك فيهم كنت مزاكره كويس ..فاهم كل حركه عملها وبيعملها وهيعملها..ومتهيألي إنتي عارفه ده كويس..ولا
الشغل معايا معلمكيش تفكيري؟؟ ""

ــ:"" الكل كان بيحاربك وواقف في وشك ومحاصرك.. وكنت كل مره بتهزم الكل وتنتصر..كلنا كلنا بنخطط عشان
نوصلك.. وإنت لوحدك كنت بتوصلنا كلنا واحد واحد..هزمتنا كلنا..عملت كده إزاي ""

ــ:"" دي شهاده أعتز بيها..بس أنا ماليش فضل في كده..الفضل كله ليكوا إنتوا..لشبكة الموت بتاعتكوا.. ""

ــ:"" أنا كان نفسي أقابلك من زمان.. حتى لو هموت بس كان عندي فضول رهيب إني أعرفك وأفهمك..أفهم اللغز
الكبير وراك..أفهم الغموض اللي محاوط بيه نفسك
ــ: عارف..بس اللي إنتي متعرفيهوش بأه إن دي نقطة ضعفك اللي فهمتها كويس.. وإستغلتها صح..ذكائك
ميستهانش بيه ..بس لما بتحسي إن في أذكى منك بتبقي عايزه تعرفيه وتفهميه عشان تطلعيله أخطاء تثبتي بيها لنفسك
إن مفيش أذكى منك..صح كلامي ""

ــ: ""وإنت من إمتى كنت غلط..؟ متيجي ندخل في المفيد ""
ــ: ""لسه..في ضيوف هيجولنا دلوقتي..لازمهم برضو يعرفوا المفيد ""

ــ: ""مش فاهمه""

ــ: ""أصل أنا حقاني أوي ..يعني ميخلصنيش أخد حقي لوحدي..في ناس كتير أوي ليهم حق برضو فيكي..إحنا هنبدأ
من الأول..من أول الحكاية ومن بداية الفيلم..هنرجع فلاش باك..اعتبري نفسك بتحكي مذكراتك. ""
وإستطرد بلهجة ساخرة:
ــ:"" يــا...جلالة الملكة ""

غادر الغرفة وتركها تتخبط بين أمواج أفكارها المتلاطمة..وماهي إلا دقائق حتى وصل الجميع وفُتح باب الغرفة الواسعة
ودخل الضيوف جميعهم ..وأُغلق الباب خلفهم..
جاء صوته من أحد أركان الغرفة المظلمة وهو يفتح أحد الأبواب ليدخل ثم يغلقه قائلا:
ــ: كده بقى نبدأ نحكي كواليس الفيلم ومتهيألي دلوقتي من حقي جدا أقول لجلالة الملكة..
كـــــــــــش مـــــلــــــــك.
وإنطلقت رصاصة..!!