مرحبا ...
اسمي شمس يتيمه الاب اعيش ويه امي وزوجهه من فتحت عيوني عله الدنيه لكيت امي متزوجه غير ابويه وماعندي ليحبني ويخاف عليه عمري 17سنه عدي اخوان من امي ثنين بنات سهر وفرح واخ اسمه مهدي مدللين وشيردون يحضر عكسي عشت بحرمان من صغري اشوف امي تهتم لاخوتي ولزوجهه وهاملتني واتمنه كلمه منهه حلوه اخذت لثالث وزوج امي بطلني خلوني للخدمه ومع ذالك ايماني بالله قوي وصبرت وكلت الله يفرجهه الله كاتبلي الاحسن اني من بغداد شكلي حلو شعري طويل لركبي وبيضه وعيوني خضر وطولي وسط جسمي حلو لاسمينه ولاضعيفه
تعلمت عله اكعد من لصبح للخدمه ولكراب ولصايح مال امي عليه وبنات امي بلمدارس وجانن مامهتمات للدراسه مجرد يرحن ويرجعن ومهدي ملتهي بجماعته جماعت لسوء شكو طريق غلط دلو عليه ولمشكله ماكو احد يحاسبه امي مدللته هيه وزوجهه ....
شمس..شسوي غده ليوم .
الام ....سوي فاصوليا هسه يجي ابو مهدي جوعان لتتاخرين ها ورتبي خطيه راح يجي جوعان .
شمس...ليش متكومين وياي تساعديني .
الام..... اووووي روحي انتي سوي هسه سويت اضافيري اخاف عليهن يخربن اريد اروح امكيج بسرعه لبنات هم راح يجن جوعانات من لمدرسه
شمس ..امري لله الواحد لقهار
سويت الاكل ول11ونص دخل مهدي مرعوب ويصيح يكول كتلت واحد شردوني
الام ... عز العزاك ليش ولك شسويت بينه
مهدي ....اهوووو مو وكتج هسه راح يجون يموتوني وين اروح
الام ...... روح روح لبيت خالك راح اتصل بابوك يحلهه لتخاف حبيبي
اتصلت بابو مهدي اجه للبيت واتصل بابنه مهدي عرفت ان الولد راد يعبر لشارع ومهدي ضربه بسيارته .....
راح ابو مهدي وره فتره اجه وتلكته الام وبناته واني واكفه اباب لمطبخ لان ماالي مكان بنصهم مجرد خدامه عدهم ..
الام ....بشر ابو مهدي حليتهه مو مستعده اطيهم ليردو بس ليئذون ابني
ابو مهدي ... خذت عطوه من لناس لجمعه تصير لكعده ولله كريم خل اتصل بعمامي يجتمعون ولله كريم
الطرف لثاني ...
من اهل لبصره
اسمي ذيب شيخ عشيره عدي اخوان تلاثه علي ومحمد وغيث وبنات ثنين متزوجات ساره وميعاد اني الاكبر ومامتزوج متفرغ للعشيره اخوتي متزوجين بس اني وغيث غيث اعتبره ابني احبه حب ابوي لحمد لله الله رازقنه من وسعه عدنه معارض سيارات واراضي وخير من الله ملامحي كأي رجل شرقي عيوني اوساع اسمر مربي لحيه اعصاب نار يوم من لايام راح غيث لبغداد لعرس صديقه واجاني اتصال ان غيث تعرض لحادث ومات هنا مشفت طريقي بعد وحلفت بروحه ان اخذ ثاره اجه ابو لولد اخذ عطوه للجمعه لحد ماخلصت لفاتحه واجه يوم لجمعه انتضرته بفارغ لصبر
وصارت لكعده
طلبت دم لولد وماكو اي حل نشفت دمهم وطلعت ان اريد دم بدم اخذ ثار ابوي بس ناس خيره طببوني للديوان وتفقنه فصليه وميه وخمسين مليون
ولفصليه تجي عكب باجر
ابو مهدي .... ام مهدي تعالي يمره نكسر ضهري
ام مهدي .....بشر شتفقتو
الاب .... فصليه يردون وميه وخمسين مليون من وره دلال ابنج راح اطي بناتي فصليه
ام مهدي ..... لفصليه موجوده شمس المن كاعد يمي كبرت خواتهه يدرسن خطيه يضيع مستقبلهن ونبيع لعدنه ولماعدنه ونسد لفلوس المهم ابني محد يآذي خليني اروح لشمس اكللهه تحضر نفسهه
شمس جنت نايمه بلمطبخ لان اضايق بناتهه خطيه يدرسن اجت الي يسمونهه امي كعدتني
الام ... حضري نفسج باجر اخذج للصالون وجهزج
شمس .... ولمناسبهه شنو نزل عليج وحي بهل ليل شنو
الام .... يردوج فصليه
شمس .... بصدمه ليش اني ليش مو بناتج يرحن
الام ..... عدهن دوام خطيه مستقبلهن يضيع انتي شعدج كاعده مو كافي متحملتج هاذ لعمر كله يمي يله اجه لوقت ترجعين فضلي عليج يله انطمري باجر ورانه ركضه
أنت تقرأ
فصليه
Romantikفتاه منذ لصغر تعاني من مشاكل مع امها وزوج امهه وتذهب فصليه لتعاني اقسي انواع لعذاب
