فصليه

4

ابتعدت منه ولخجل كاتلني طلعت بسرعه من امطبخ وجهي احمر اول مره بحياتي اصير بهيجي موقف طلعت رحت سلمت عله امه وابو وخواته وشفت تماره تنضرلي نضرات انتصار كوه سيطرت عله عيوني شفت ذيب طلع من لمطبخ رحت كملت شغلي  اريد بس التهي منهم بس ماكدرت لان صوت لضحك مالهم ترس لبيت اجتي ميعاد اخت ذيب انتبهتلي
ميعاد .... شمس شبيج منو محاجيج
شمس .... حضنت ميعاد ولكيتهه فرصه بجيت لحد ماتعبت
ميعاد .... يله ارتاحيتي هسه سولفيلي شصاير بيج وليش هيجي ذبلانه
شمس ..... ميعاد اني اريد اطلع ليوم ليوم ذيب يريد يخطب تماره ومااتحمل عفيه طلعيني منا
ميعاد .... منو كلج ذيب ياخذ تماره
شمس .... هوه ذيب بنفسه كلي من تجون يفتح لموضوع وياكم
ميعاد .... سهله يذب علاجك عندي حضري نفسج ترحين وياي سبوع لبيتي
شمس .... خاف ذيب مايقبل
ميعاد .... معليج عوفي لشغله عليه اغسلي وجهج ورتبي نفسج وطلعي اضحكي لتبينين نفسج ضايجه تفرحين هاي لحيه تماره
شمس ..... ماشي
غسلت وجهي وعدلت حجابي ( للعلم ذيب ابد ماشايفني بدون حجاب) .طلعت شفت ذيب كاعد يم تماره ويضحكون ومامهتم لوجودي ..
الاب ... بعد ابوج عاشت ايدج بويه مبين الاكل طيب
شمس .... الف عافيه
تماره .... بحقد تحجي لاعفيه شنو هاذ الاكل هسه اني شاكل اف كله دهون واني مسويه رشاقه
الام ..... يمه هاذ لموجود احمدي ربج وشكري اكلي هسه ورجعي عله رشاقتج بعدين تره اكل شموسه بنيتي مايتفوت ..
اجتمعو عل سفره وياكلون
ذيب ..... خالي ابو مهدي  بويه  مادامكم مجتمعين اريد افاتحكم بموضوع اني اريد اخطب تماره عله سنت الله ورسوله واتمنه توافقون
عفتهم يحجون ورحت للمطبخ لان جعت صبيت اكل واكلت وخليت لجاي عله لنار جان اسمع صرخه
طلعت اريد افتهم شصاير لكيت ميعاد واكعه من لدرج وتبجي من رجلهه انخبصنه بيهه اخوتهه ولمتهم عليهه وامهه وابوهه نخبص لبيت ليروح يجيب مي وليشيلهه وليفركهه اله
لحمد لله عدت بسلامه بس ميعاد برجلهه وجع متكدر تحركهه
بعد مااطمن عله اخته  طلع ذيب يوصل تماره واهلهه
ميعاد ...... يمه اني راح اخذ شمس وياي لبيتنه مااكدر علبيت ولجهال
لام ....... كولي لذيب يمه وكليلهه اذا تقبل
الام ...... يمه ميعاد اخوج يريد يخطب تماره وهاي اكلت راسه لازكتله وين ومايروح تروح ويا وكدامنه ماتستحي ماخذه راحتهه
ميعاد .... اي يمه ادري وهاي لمسكينه شنو مصيرهه تبقه بنضره لخدامه هيه هم بشر حته اهلهه من ذبوهه عدنه محد حاول يسئل عليهه
الام ..... اي ولله يمه شايله همهه وماشفنه منهه بس لخير
ميعاد ..... يمه راح اخذهه مادام ذيب طلع يوصل ابو مهدي ومن يسئلج كليله اخذتهه ميعاد تساعدهه بلبيت خليني اكوم اكول لشمس لدافنه نفسهه بلشغل تحضر نفسهه حته نروح
الام ..... ولج ورجلج شلون تكومين
ميعاد ..... ههههههه يمه مابيه شي هاذ شوفي هاذ فلم حته اكدر اطلع شمس منا
الام ..... ولجن ولله ولا ينكدر عليجن يلنسوان امشي  ولي مني يلمخبوله اخذي لبت وروحي رتبيهه وعلميهه شلون تتصرف هاج هاذ لمفتاح مال لقاصه اخذي لتردينه اشتريلهه ملابس وخلي تذب لاسود وخذيهه للصالون
ميعاد ... هاذ لراح يصير يايمه شمس تعالي نروح
شمس ..... يمه اروح ويا ميعاد
ام ذيب .... اي يمه روحي
شمس .... وذيب شلون خاف ميقبل
الام ...... معليج بي روحي اني احاجي
=
حضرت نفسي لبست لعبايه ولحجاب وطلعت اول مره اطلع منهم من دخلته لحد هسه صارلي خمس اشهر ماشايفه لشارع عبالك سجن جنت بي
شمس ... شلون صارت رجلج
ميعاد .... شبيج يلمطفيه كلشي مابيه ردتلي حجه اطلعج بيهه
شمس ..... ههههههههه واني صدكت ولج ولله محد يكدرلج
ميعاد ...... باوعي شمس من هسه اكلج اذا ماراح تسمعين كلامي راح تخسرين وراح تبقه حياتج هيجي لازم تخلين هدف بحياتج .
شمس ..... شنو لهدف اني تدرين بيه مجرد خدامه وبس خاف احلم حلم ومومن حقي عوفيني يخيتي قانعه بحالي لا انوب ينكسر كلبي
ميعاد ..... عله اساس هسه انتي مامكسور كلبج
شمس ..... بحصره اي ولله خيه مااضم عليج حبيته وهوه ولا معتبرني
ميعاد .... تردينه يحبج
شمس ...... اكيد بس شلون وهوه مايشوفني بسراط المستقيم بنفسه يحركني اني بنضره لفصليه وهوه كلي اول مادخلت لبيتكم لاتحلمين تصيرين اكثر من هيجي
ميعاد ..... بس اسمعي كلامي واني اخلي يموت عليج
شمس .... انشالله
وصلت لبيتهم بيت مرتب وحلو كعدت شويه بلاستقبال
ميعاد ...... يله ولج مشينه
شمس وين......
ميعاد.. نجيبلج شكم حاجه من لسوك ونروح للصالون
يله
رحت للصالون حفيت وفتحت شعري ميشته تخبلت ام لصالون عله طوله وميعاد بقت تصلي عله محمد حته ماانحسد ورحنه للسوك ماقصرت شتشوف اجيبلي حته ملابس نوم جابتلي احسن من هاي لتسمي نفسهه امي
وصلنه لبيتهم لكيت زوجهه بلبيت حيل استحيت منهم بس هوه حباب بشكل ومرح الله يخلي ماحسيت هوه غريب يشاقه ويضحك وجابلنه حلويات وبليل سهرنه عله فلم بس اني عل نص ستاذنت رحت لغرفه عدهم للخطار  انام بيهه
نرجع لذيب
خطبت تماره من اهلهه وحددت لخطوبه لجمعه وليوم ثنين  يعني يادوب الحك اعزم ورتب وضعي
رحت للمضيف جان عدنه فصل تعبت من لهوسه رجعت للبيت لكيته هدوء صعدت لغرفه شمس مالكيتهه
نزلت لامي سئلتهه كالتلي ميعاد اخذتهه لان رجلهه تاذيهه تبقه يمهه يومين
ضجت لان مااخذت اذني من طلعت اتصلت عله تلفونهه مقفول
اتصلت عله تلفون ميعاد دك محد يجاوب دكيت مره ثانيه جاوت
ميعاد .... الو ها خويه شصاير شبيكم
ذيب ..... وين لفصليه
ميعاد ...... خويه عله كيفك نايمه لمسكينه اني خذتهه كوه
ذيب ..... اي من طلعت هاي لحيوانه غير تاخذ اذني شلون تطلع بدون متكلي باجر ترجع للبيت
ميعاد .... خويه عله كيفك شصار اذا بقت يمي تساعدني بلبيت وتدري رجلي تاذيني
ذيب ..... مشكلتجن باجر تجي الصبح الكاهه هنا وذا مافتحت عيوني ولكيتهه بلبيت الدنيه اكلبهه عليجن ولجن طرطور هنا اني تطلع واطب بكيفهه لخاتون
ذيب سديت لتلفون منهه
ودكت تماره
ذيب .... ها تماره شلونج
تماره .... ذيب حبيبي هاي شبيك
ذيب ..... ماكو شي كولي محتاجه شي
تماره ..... اي اريدك تروح وياي نأجر بدله للخطوبه
ذيب ..... كل عقلج تردين اروح وياج اني لشيخ افتر بل سواك عله بدله روحي اخذي امج وروحي واني لصبح امر عليكم اطيج فلوس الايجار ولصالون وشوف شتحتاجن
بقيت احجي وياهه لحد ل1 ونمت
كعدت لصبح غسلت ورتبت نفسي انزل اتريك
دخلت للمطبخ شفت بنيه مطيتني ضهرهه ولشعر دوخني بطوله وجماله ولعطر يسطر ودشداشه مخصره عله جسمهه بقيت مستغرب منو هاي
ذيب .... صباح لخير متعمد حته تندار عليه و اشوف منو هاي
شمس صبح لصبح ورجعت وميعاد علمتني هواي شغلات نزعت لاسود ولبست وردي وخليت شعري مفتوح وهوه نايم مايدري
نضفت بلمطبخ وجاي اطبخ دجاج  سمعت صوت ذيب يصبح
التفتت عليه .... صباح لخير
ذيب ..😦😮😮😮😮 منو انتي
شمس ..... اني لفصليه
ذيب ...... ماعرفت احجي ولاتبهذلت احوالي اول مره اشوفهه بهاذ لجمال  نسيت عصبيتي ونسين شردت بلمطبخ