فصليه

11

تعبت من البجي رحت سبحت ومشطت ورتبت نفسي سمعت امي تصيحلي نزلت واني مبين عليه باجيه
الام ...... ها يمه شموسه بيج شي
شمس ..... لا بس راسي جاي يوجعني
الام ..... تخذيلج حبايه مال راس وخلي نلم لبيت عزمت بيت عمج حته تصحلي فرصه احطي وياهم عله بتهم مريم وهم ذيب يشوفهه وتشوفه
شمس .... بيهه لخير
رحت للمطبخ اريد بس الزم دمعتي ماكدرت ذيب شغيرك عليه لخاطر الله انته مو تحبني شبسرعه فكرت بغيري سويت غده ونضفت لبيت وصعدت لبست ثوب جوزي وحجاب ونزلت
اجه لخطار وجانت مريم وياهم لابسه احمر باحمر جنهه حصبه وعدهه رجلين واجه ذيب سلم عليهم وكعد يمهم يشاقه ويضحك ومامهتملي وهيه عجبهه لوضع هم كعدت يمه
رحت للمطبخ وصحت عله امي
الام ..... ها شموسه ها يمه شكو
شمس ..... رجعتي خبر لهاي لعالم
الام ........ لا ولج نسيت هسه اخابرهم
شمس ...... اي لحمد لله كليلهم خل يجون يخطبون
الام ....... ها شغير رايج
شمس ........ احسن حته ترتاحون من مسؤليتي وهم يفرغ لبيت لذيب ومرته مااضايقهم
الام ...... ولج شهل حجي هاذ صدك ماتستحين اني اعلمج عليه خلي يرحون لخطار واني اكول لعمج هوه يتصرف وياج لج احنه اهلج وانتي بتنه شنو ترتاحون مني لج حته لو اخذج لرجل راح ابقه امج وماكو ام تمل من بتهه  صبي لغده هسه وبعدين نتحاسب
جاي اصب بل تمن واحس مريم اجتي
مريم ..... اجي اساعدج
شمس ...... لا اشكرج روحي اكعدي اني اصب
دخل ذيب وصاح ...... مريومه عيوني بله زحمه كلاص مي من ايدج اريد
مريم......  تدلل عيوني
شمس ...... نار بكلبي محد يطفيهه ذبيت حركتي بلشغل
شمس ...... عفيه مريم اطلعي من لمطبخ اذا مامحتاجه شي اريد اكمل براحتي
مريم ...... اوي عيني مو صوجج ردت اساعدج
شمس ... مشكوره عيني ماانتعبج
طلعت كملت لصب ودزيته كعدنه ناكل وامي تسولف ملتهيه ويه امهه وابوي مااكل طلع هوه وابو مريم وبقه ذيب ومريم يسولفون عله ايام لدراسه ويضحكون ماكدرت كمت من الاكل ...دايمه نشالله
الام .. ها ليش يمه مااكلتي
شمس ... مااشتهي شو نسدت نفسي خل اروح اسوي جاي
ذيب ...... لا انتي ارتاحي ليوم لجاي مريومه تسوي
مريم ...... صار من عيوني
شمس ....... براحتكم رايحه لغرفتي عفيه مريم اغسلي لماعين وياج انتي مو غريبه
صعدت سبحت وردت انام ماكدرت
حسيت بلخطار راحو
نزلت لكيت لاماعين مامغسوله غسلتهن واني ادردم عليهه
الام...... ها شو تحجين ويه روحج شجاج
شمس ....... مو هاي لعوبه كتلهه اغسلي لماعين اكلت وكامت جنهه ولاسمعتني من ثول ليثولهه
يمه ختولي مبينه خايسه
الام ...... جا شسوي يمه غير ذيب يريدهه
شمس ...... اي حته مو حلوه شعاجبه بيهه هاي لجنهه صخل سوري
الام ...... ههههههههههه ماعاب حلكج
نضفت لبيت وصعدت لاكيت ذيب مبدل ونازل فرحان
شمس ...... ذيب
ذيب ....... كولي بت عمي محتاجه شي
شمس....... سلامتك بس اريدك بموضوع
ذيب ...... من ارجع لان مستعجل اجيبلج شي وياي
شمس ...... سلامتك عيني
طلع بقيت الوب شلون ارجع ذيب الي خسرته مره ويه تماره هل مره ماريد اخسره لازم الكالي حل اتصلت بميعاد وكعدت اسولفلهه عل صار
ميعاد ..... ولج تبقين عوبه انتي
شمس ..... عفيه ميعاد ماريد رزاله اريد نصيحه
ميعاد ....... ههههه ماشي يل حبابه اسمعي ونفذي
شمس ...... اسمع
ميعاد ........ كومي اسبحي وبدلي ثوب بي اغراء مو تلبسينه جنه جفن كلشي ماطالع منج
شمس ..... شنو يعني هوه ثوب
ميعاد ..... مو كلتلج مطفيه ماتصدكين يعني بي دلعه مخصر اي شي فتحات لو اكلج انتي ماادبرينهه جايه اني للبيت اشوف امي وجيبلج ملابس
انتضرتهه لحد مااجتي سلمت عله امهه وصعدنه فوك جابتلي ثوب بنفسجي بي فتحات برجله ودلع تخبلت كاقبلت
ميعاد ...... لج ثوله تردين ذيب يباوعلج
شمس ...... اي لعد شحجي اني من لصبح
ميعاد ...... البسي هاذ وتعالي اشسور شعرج ومكيجلج
كملت ترتيب رحت للمطبخ اسويلهم عشى واسمع ذيب رجع للبيت واني بين مستحيه وبين خايفه
ذيب ..... دخلت للمطبخ شفت ملاكي ليجنن مااهتميت بس بداخلي اريد اروح اكلهه
ذيب ...... شمس عفيه اريد جاي
شمس ..... صار تدلل
صبيتله لجاي ودزيته اله
وصعدت لغرفتي انتضرت كلت بلكت يجي مااجه صارت ب12 بليل نزلت للبيت مالكيته
رحت لغرفته فتحت لباب عليه لكيته نايم بفراشه ويلعب بلتلفون
شمس ...... انته هنا واني كالبه لبيت عليك
ذيب ....... كولي شكو بهل ليل
شمس ...... صدك تريد تخطب بت عمك
ذيب ...... هاذ لشي ميخصج
شمس ...... لا يخصني
ذيب ...... من ياناحيه يخصج
شمس ...... هااا انته ابن عمي وهاي لمسلوعه مو حلوه وخايسه شوفلك غيرهه
ذيب ...... لاحلوه احله منج وهيه لو مااريد
شمس ...... بجيت
ذيب ...... وليش تبجين هسه
شمس ....... لان ماريدك تتزوجهه
ذيب ........ وليش
شمس ....... افهم يااخي افهم لك اني .
ذيب ...... وشبيج انتي
شمس ..... غمضت عيوني قوي ونطقتهه اني احبك ولك احبك
ذيب ...... طفرت من فراشي ولزمتهه من زنودهه عيدي ولج شكلتي ومن فرحتي ماوسعتني لكاع 
شمس ..... بخجل مثل ماكلت
ذيب ...... شمس انجبي مو وكت لمستحه مالج صارلي سنه ونص متاني هاي لكلمه
شمس ..... يعني ماتتزوج
ذيب ..... ولج شلون مااتزوج لج هسه راح اتزوجج
شمس ..... ركضت لغرفتي ولمستحه كاتلني بقيت اكمز بغرفتي ودمعت عيني من لفرحه
دقيقتين وندك باب لغرفه
ذيب .... لج شموستي
شمس ..... ولخدود طماطيه ومدنكه كول عيوني
ذيب .... احبج
شمس .......
ذيب ..... دخلت لغرفتهه وسديت لباب وبستهه من شفتهه وهيه  غطت وجهه بجفوف اديهه من لمستحه
لزمت اديهه يله مشينه
شمس .... وين
ذيب ..... نكول لامي وابوي ونجيب سيد يعقدلنه هسه
شمس ..... عيب شيكولون عليه مااروح وياك
ذيب ...... شلتهه ابين اديه وهيه مغطيه وجهه بصدري من لمستحه ونزلت لكينه امي وابوي كاعدين يشربون جاي اول ماشافتني امي هلهلت نزلتهه ختلت وراي ابوي باركلنه وامي بس تهلهل
كالت لسبوع لجاي عرسكم
ذيب ..... لايمه هواي سوي هاذ لسبوع
الاب ..... هاي هيه لعد هاذ لسبوع
الام ....... لاعيني مانلحك عدنه شغل هواي مااطيكم بتي اذا هيجي مو يمه شموسه
شمس ...... يمه بكيفج انتي لتكولين عليه اني وياج
الام ..... سمعتو ماكو زواج اذا ماتحضرلهه كلشي يله اكول اخذهه
ذيب ...... شوفي شلون راح احضر كلشي
هسه راح نروح نعقد سيد ونعبر للسوك نجيب غرفه
وباجر نسوي لتحاليل حته نروح للمحكمه ولعصر نروح نجيب نيشان وذهب
وعكبه .... نكمل لنواقص
الام ...... ههههههههه خلصهن لمستعجل بسرعه اصبر انته صبرت هاي لفتره كلهه بقه هل اسبوع ماصبرت
ذيب ...... لا اخاف تتراجع عن كلامهه
شمس ..... ذيب صدك ومريم
ذيب . والام ...... هههههههه ماكو اي خطبه ولا نريد لصخل لسوري عله كولتج يطب لبيت 
شمس ...... يعني اتفقتو عليه مو
ذيب ..... اي يله هسه امشي حضري نفسج نعقد سيد
شمس ..... عقدنه وذيب ماكعد راحه بعدهه كل ساعه جاي لغرفتي اله يبوسني ويخليني بحضنه لحد ماصار يوم لعرس وماقصرو جابولي لسوك كله وصار يوم العرس وتزوجنه وعده شهر من زواجنه وصرت حامل بابني مصطفى وزوجي صدك عوضني لحرمان لمريت بي بس زادت غيرتي عليه وهوه من يشوفني اتعارك مايحاجيني ولا يتعارك كبل يجي يبوسني ويحضني وهسه مصطفى عمره 8اشهر وحامل ب جنه

حبايبي خلصت لقصه واتمنه تعجبكم ورائكم يهمني وذا تحبون اكتب ثانيه اكتبولي بلتعليقات واتمنه مااخرتهه عليكم
احبكم