هل يكفي للمحاربه

بارت الاول

بنات شكو شنو هل صياح موو عيب شنو صغار انتن
من الصباحيات الله ناس دكول يالله وانتن تتعاركن الله لا ينطيجن

زينب..عيني مشفتيهن شنو سوين بيه يردن الغده والعشى عليه واني عليه البيت ترضيها يا شيخه

زهراء..يمه منج شكد عياره ليش اجذبين اني ما كلت هيج وهاي رسل شاهده

رسل...اي صحيح عمه ما كالت هيج بس كالت الريوك عليج وكولشي عليه

الشيخه.. رسل كم مرا كتلج لا تتدخلين بينهم هنه جنانين انتي شعليج دافعين لزهراء وبعدين شنو اني غشيمه حتى ما اعرف زهراء شنو هيه راس البلا كوله من وراها وهسه كل وحده ع حسب الجدول ماريد حسجن(صوتكم) يطلع افتهمتن

زينب.. حاضر
زهراء...من عيوني يا جبيره العوائييل
زينب...بكلبي شكد تتلوك كبر أم المشاكل همزين تعرفج ع حقيقتج اروح اسوي الريوك احسن الي

زهراء..اني اعلمها لزينب تصبرلي بكلبي

الشيخه ام علي وعثمان وحسن اكبر واحد حسن مزوج زوجته زهراء عمرها 29 عمر حسن40 وعلي زوجته زينب عمره 26 وزوجته عمرها 18
عثمان الوسطاني عمره 24 مكمل دراسه وبعده يدرس ماجستير بس اخوانه بس خامس علمي وبطلو ميحبون الدراسه عكس عثمان وعثمان ما مزوج بس يحب وحده ويا بالجامعه اسمها عذراء
ابو عثمان متوفي من 3سنوات بحادث سياره وهمه عائلتهم معروفه بالجنوب بس مو شيوخ جانت الهم المشيخه بس أنجزها لعمهم حتى يكفون شرهم
هسه هاي عائله عثمان بعد بيها اشخاص مع مرور الوقت تعرفوهم
.......................................
سلام عليكم يمه شلونج
ام مثنى.. هلا بوليدي شلونك عساك طيب انشاءالله شلونها مرتك
حوراء جنت كاعده اقرا وما انتبهت اجه مثنى
مثنى... بخير يمه بس هاااي شبيها ما تسلم ما تستحي
ام مثنى... حور سلمي يمه شبيج
حوراء... هاا يمه والله نسيت كمت سلمت وجبتله ماي
مثنى... بنات هل وكت ما يجن اله بالعين الحمره
حوراء....اسفين عيني جنه نقرا وما انتبهنه عليك من اجيت من ورا خشمي احجي
مثنى.... لج احجي عدل شنو مو بعينج وصاك ع سنوني
..يمه عوفها بعده جاهله ما تعرف
وبعدين شنو راح اسويلج الدراسه تالي متالي تزوجين
...كول يالله وليدي ترا بعدها صغيره وينها وين الزواج
....شنو صغيره الي بعمرها عدها اثنين جهال
حوراء. سمعت دراسه وزواج طفرت
ماريد اترك دراستي كولش احبها واحسها سند اليه صحيح مجتمعنا الي عايشين بي احنه يرفض الدراسه للابنيه بس اني أريد اوصل واحقق حلمي واصير دكتوره حتى افيد الاهل الي كاعدين هنا والي هواي حالات ماتت لان ماكو مستشفى
اني حوراء عمري 15سنه صف ثالث متوسط
.....................
عثمان..عذراء كم مرا كتلج لا تلبسين بنطلون شني السالفه ماا تفهمين
عذراء.. يا حبيبي شبيك ترا عادي لبسي والله مابي شي حبيبي لا تعصب
عثمان.. شلون تردين ما اعصب ده اكولج عيب لازم تسترين والله وثم والله يا عذراء اذا باجر اجيتي لابسه هل شكل تعرفين شنو اسوي
عذراء... عثمان عفيه كافي ترا احنه عايشين بغداد مو بمناطقكم الهمجيه
عثمان...اهاا احنه الهمج موو رحت من يمها شنو ما تستحي دكول همج ليش همج احنه كل الناس دكول الي مناطق جنوبيه همج ومتخلفين اعتبره اهانه اليه صحيح اكو بعض الناس شوهت سمعتنا ولقبونا بالهمج وركزوا بس ع اللهجه وكالو همج ما انتبهو ع كرمهم طيبتهم  واكو بعض الناس ما دراسه فا حقهم مايعرفون كلشي بس لو تكعد وياهم تلكاهم علماء من كد الشروق الي مروا بيهم وتعلموا من يمهن مو مثل اليد بغداد مع احترامي للزينين هواي يصير اشياء ما يتعلمون من يمهن  واكو عادات وتقاليد بحكم الاجداد وعصرهم يبقون محافضين عليه لانو ميحبون يتجهون لغير مسار

عذراء...اووف هسه شلون والله اني احبه وطلعت مني بلا قصد

سرى..يمعوده شبيج تبجين هسه يجي وباجر تصيرون احلى من العسل
عذراء... عثمان صعب مو بسهوله يرضى
سرى.. لا تكبريها وهيه صغيره انتي ما كلتي شي ترا مجرد همج يعني مو اله تقصدي
عذراء... للحضه فكرت والله صحيح اني ما اقصده بس هوه يفهم هيج شنو اسوي

عثمان مرحله ثالثه ادراه واقتصاد
عذراء مرحله ثانيه ادراه واقتصاد

******************
آلى.هنا انطيتكم شرح بسيط ع الاشخاص الي راح تكون موجوده والي عنده سؤال يسئل واتقبل كولشي من نقد وملاحضات