عثمان..الحمد الله صبولي اكل واكلت وحجيت وي حسن الامور شلون صايره شغل بيت
أثناء حديثنه دخلت امي سلمت عليها وبست رأسها وايدها كلش مشتاق لامي جنت مخنوك من سالفه عذراء بس اول ما شفت امي ارتاحيت
...هلاا بوليدي حبيبي شلونك ليش ما كلت النه انت جاي جان سوينلك ذاك الاكل
...يمه الحمد الله والشكر اكلت نعمه من الله
ده احجي وي امي بقينه بس احنه لان مرت حسن راحت لأهلها حسن يوصلها
...يمه عثمان جنك مو ع بعضك شبيك
..ذبيت حسره بكد ذاك الي هستوه اشتم هوا بعد مده طويله
يمه كلبي تعبني
..سم الله شبي يمه وحطيت ايدي ع كلبي بصدمه
...يمه مابيه شي شبيج جفلتيني
يمه الحب عذب وليدج
..يمه منو هيه اخطبه الك يوم سعيد اشوفك معرس
...هيه من بغداد تعرفين اهل بغداد مو مثلنه هنا المراه مالتنه تعادل 10 زلم هناك
....كوم كوم لا بارك الله بيك يعني هسه احنه نعجب
...ضحكت يمه اني عجبتني بنت بغداد بس هيه ما عاجبها ديرتنه
...عشتوو هيه لاكيه مثل ولايتنه حتى تعجبها لهل صخيله
...ضحكت والله يا يمه لازم تتاقلم وي العيشه مالتنه شو تخبل ناس كلوبهم طيبه
...عثمان شو كمت كمت تتبغدد علينه وتحجي بالوو والده وتتاقلم
..شا اسوي طبع الحجي مالتهم ودراسه وهناك اذا كلت جاا يعيبون بس اني ارزلهم رزاله غسل ولبس
.............................................................
زينب رجعت وي عمتي من الدكتور جان عثمان موجود سلمت وصعدت لان ميته تعب لكيت علي نايم حبيب كلبي كاعد انزع الجبه وافتح الكنتور
شفته كده
...اسفه حبيبي اخاف كعدتك
..لا عادي اصلا جنت راح اكعد وتعاي اكلج انتي وين جنتي بدون ما دكوللي
...رحت وي عمتي للدكتور خطيه مفاصلها كتلها اكعد علي يوصلناكالت اصلا لا دكوليه انتي قابل ويامن رايحه غير ويايه اسفه حبيبي والله بس عمتي
شوو هذه صار عصبي وكاام من الجربايه تقرب الي
..شوفي هل مره لخاطر امي راح اسكت بس المره الثانيه شوفين شي ما يعجبج افتهمتي
...ايي حبيبي افتهمت كافي لا تتعصب
....انتي شكو اتعصب ما اتعصب شكو انتي
..دنكت راسي نزلن دموعي امسح بيهن
وهوه طلع
اكول لييش يعني قابل بس اني اغلط جنت مراهقة وماعرف اتصرف وهوه يتصرف تصرف مو حلو ويايه عبالك عدوته مو زوجته
اووف ياربي صبرني وهديه عليه
............................................
حوراء..رحت للمدرسه ورجعنا اني وصديقتي رفل كل عاده الولد الي مو.مودبين يحجون حجي أدب سزز طيب همه مايفكرون انو يصير با أخواتهم يقبلوها عليهم المهم مشيت بطريقي بس هل مرا صار شي مختلف شفت شخص احس لمس كلبي شلون هطول المطر ع الزرع هيج صار حالي مثل نسمه هواء اجتي اليه مثل جكه ابره صحتني وشفته واول شاب دخل كلبي ماعرف ليش هذه الشخص بالذات ليش مو غير ولد ليش كلبي كعد وفز وحس با احساس للإعجاب او الحب اله اني ماعرف شي.عن الحب من صديقاتي بالمدرسه والمسلسلات انو يحبون بعض. تمنيت اشوفه مره الثانيه تمنيت ربي يقسمه قسمتي ويصير نصيبي يعني هيج الحب من نظره وحده تحبينه شعور كولش حلو هوه باوعلي اني باوعت بس شويه ودنكت راسي خوفا ع سمعتي بس تمنيت بوقتها احجي ويا وما اهتم لاحد مواصفاته جماله هيبته طويل صدره عريض عنده لحيه شعره مو كولش طويل وجه مقسم تقسم متحدد حواجبه حاده عيونه بس مبين مو من العماره عبالك بغدادي لان لابس بنطلون جينز وقميص اسود
دخلت للبيت سلمت ع ماما صعدت ودعيت ربي اشوفه مره الثانيه نزلت اتغديت غسلت الامواعين ورحت نمت 😴
...........................................................
عثمان ..هلا يمه صباح الخير راح اروح اليوم للبغداد
..يا يمه بعد وكت ع روحتك.شني السالفه ما شفناك
...والله دوام لو بيدي ابقه انشاءالله مابقه شي سنه وحده واخلص من وتكابلون وجهي
....والله زين نكابل وجهك النوراني
....ههههههه يمه وين نوراني شوو اسمراني
....يمه تخبل صاير هاي هيج بغداد تحلي الواحد
....اي يمه تخلي الواحد حلو ذبيت حسره تذكرت عذراء)
....جا خلي اروح لبغداد بلكت شوينه اصير حليوه.
...هاا حجيه شلج بهل سوالف اكعدي وسكتي
دخلت رسل كالت الي من رخصتك عثمان بس اريدك شويه
....هاا رسل تعالي احجي
رحنه الحديقه اترخصنه من امي لان هم تريد تصلي
...هاا رسيوه احجي شعندج حبيبتي
..شوف حسن ضرب مرته راشدي وكايل الها روحي للاهلج وهيه تبجي كلت الها روحي واني احجي وي عثمان أخلي يجيب حسن ويجيبوج
بس كتلها لا دكولين.لاهلج ما يصير
....اووف من احسن ليش ضربها
..دكول سمعته يحجي وي ابنيه
..وهيه شعليها مو عنده شغل وشغله يتطلب يحجي وي نساء بالعمل
...اني بعد ادري المهم هسه شدكول
...اي نروح لعد اليوم ماروح لبغداد
...هااا انشاء الله
...................................................*****
للحكايه بقيه
أنت تقرأ
هل يكفي للمحاربه
ChickLitها انا احارب الدنيا وحدي هل انتم معي ام ضدي فتاة تحارب التقاليد والعادات لتصبح ما تريد وبكامل حريتها
