________________________________
شاف فيه سامي قالو : مازالها صغيرة ...ماناش قابلين ...
امير : وش رايك الحاجة !؟ ...
سامي : صافي كي شغل ماسمعتش !؟ ... كي قتلك ماكاش صافي ماكاش ..
انا : ماكش پاپا للي يضربني ... ولا ماما لي ماتت ... ولا پاپا عماد ربي يرحمو .. ألوغ مادخلش روحك ..
قعدو يشوفو فياا ..و سامي فهم قصدي ... شاف فطاطا و قال : راكي قابلة تتزوج بيه يما ! .. و نتا قابل تتزوج من وحدة مطلقة !؟ ...
ناض من پلاصتو و قال : انا نروح عييتوني ....
جا ليا حكمني من يدي و قال : و ندي حاجتي معاي ...
كركرني معاه للوطوموبيل .. قعدت نندب و نعيط لأمير مي كي شفت فيه لقيتو يضحك . .. ففف وغد .
كي ركبني و قفللي السبتة ركحت روحي و قلت : مانيش حاجتك ... افهم راني لأمير ..
سامي : نتي تحبيني و انا نعشقك ... علاش نتي لأمير !؟ ...
وشنوو !؟ ... تعششقني ؟! ... صح وش راني نسمع !؟ ... هاد الخروف يعشقني !؟ ....
انا : نحب امير ... خلاصو البنات جيت عندي انا !؟ .. مانيش سماح ولا اسيل فهمت ..
سامي : اكزاكتمون علابيها نتي ديالي ..
انا : سامي علابالك وشنو !؟ ... حبطني ... نسيت وش قتلي مقبيل !؟ .... كاش انسان يقول لوحدة يحبها متسوايش !؟ ... يقولها ماكيش متربية !؟ ... يعايرها بماضي معندها فيه حتى ذنب !؟ ماعندكش قلب يحب .. عندك قلب يكره قلب يجرح فمخلوقة عشقاتو .. فوحدة عايشة على جالتو... فغبية طايحة فيه .. يعرف يحبطلها دموعها ... يخونها .. يكرهها ..
قعدنا ساكتين شوي من بعد حكملي يدي و قاللي :: علابالك علاش نجرحك !؟ ... پاسكو حابك تكوني ليا وحدي ... أناني الله غالب :/ .. نحبك ليا مي نتي ماكيش حاسة وش نحس كي تحكي مع امير ، حسام ، وليد و ياسين ... نحب نقتلك .. مي منقدرش ألوغ نجرحك ....
انا : ههه مانييش حاسة بيك .... عندك الحق .. وش نحس كي توقف مع اسيل و انا نتفرج !؟ ... كي تحكملك يدك و انا مانضحكش مامپا معاك ... كي تبوسك سماح ... و انا مازالني نتفرج .. وش نحس !؟ .. قولي !؟ ..
كي خلصت بديت نبكي ... حبس لوطوموبيل و شاف فيا .
سامي : راكي مسامحتيني على العداب لي عدبتهولك !؟ .... مسامحتيني على الكف لي ضربتو !؟ ... على كلشي لي قلتهولك !؟ ...
انا : لالا ..
سامي : نحبك ... من لا يحب عشقكي يا حمقااء .. من تاب عن الحب مند خرج من بطن امه .... أحبك يا غبية .
انا : من لم تؤمن بالحب عشقتك ... يا خروف ..
سامي : تشفاي نهار جيتي طلبتي الزواج مني !؟ ... اليوم ثورتي .. تتزوجي بيا !؟ ...
أنت تقرأ
لم_أؤمن_بالحب_فعشقته 😍{DZ}
Художественная прозаإنّ الرّاحة التي يحسّ بها المرء عند الشّعور بالأمان مع شخص ما... هي تلك الرّاحة التي لا يمكن التّعبير عنها بدقّة... ولا يمكن وزنها بالأفكار، ولا التّعبير عنها بالكلمات... إنّها فيض ينساب من النّفس منهمراً منساباً من الأفكار والكلمات. سامي & لينا😍💔
