______________________________
___________5 اشهر ___________
انا : أمير ... مانيش موجدة روحي مانيش مستعدة ... ايلا اك حاب تكون مليح فحياتك متقربش بزاف. ..
أمير : انساي .. قولي إيه و نعيشك احلى عيشة ...
أنا : أمير قتلك لالا الزواج فكرة بعيدة من راسي ...
أمير : ايه كان لازم نعرف ... مازلتي تحبيه .. مازال فعقلك .. فقلبك ... راهو ساكن فيك... نينا عيشي حياتك اكي صغيرة ... تسعطاش سنة !! ...
أنا : اووووف ... دوكا كل دقيقة تجبدلي عليه !؟ كل يوم تحكيلي عليه !! ... كيفاش رح ننساه هذا و انا راني فففف ... من الاول قتلك ماكنش أمل ..
أمير : و هو يعشقك !؟ يحبك كيما تحبيه !؟ .
انا : ففف ... وش رح نقلك ربي يهديك.
و رحت للبيرو و كملت نخدم ... اييه بطلت الجامعة .. رجعت نخدم فالشاريكة ديال بابا لي ولات ديالي .
سامي ، طاطا و رونة موليتش نحكي معاهم بعدت بعدت حتى قطعتهم كامل ... مقدرتش ننساه مي فبالي عشقو راح .... فبالي مبقيتش نعشق جدو ..
-ايه هاذاك اليوم كان راسي يوجع آلوغ رجعت للدار ( دار تاع بابا ربي يرحمو ) .....فطريقي و كيما كل ما تعدي سمانة .. نروح نشوف دار جدي .. لي عديت فيها ايام مع سام و مع بابا (فارغة و انا عندي المفاتح ) ... كنت نشوف فيها هنا كان حاكمني سامي و يعيط عليا ... هنا تاني باسني سامي ... هنا .. خلاني بابا .. و انا نشوف و نتفكر سمعت واحد جاي ... اوو سي كيي !! ..
انا : اوو ياسين ..
ياسين وليد عمو يشوف فيا مشوكي
قال : آو مكنش منها لينا !؟ وش جابك.. هنا !؟ توحشناكي .
انا : أ.أ.أ فف .. جيت ندي حوايج نحتاجهم خلاص اني رايحة .. ( مفهمتش وش جابو هنا هذا .. خرجت نجري)
جيت خارجة من البيت منين الباب دورت باش نخرج مي خبطت فيه ... بلا مشفت جيست جا راسي فصدرو حسيت بنبضو بعضلاتو ... بطولو .. بالنفس تاعو ...خمس شهورا سمانتين ، يوم و خمس سوايع مشفتوش ... بديت نترعد قلبي بدا يخبط شفت فيه ... هو.. علاش قلبي راه يخبط !؟ .. علاش مازالني نتكهرب!؟ علاش مازالني نعشقو !؟
راهو قدامي ... توحشتوو انا بديت ندخل فبعضي.
انا : س . س . س . (و حركت راسي كي شغل راني فمنام ... مي مانيش حابة نفيق منو )
سامي : سامي ^^ نسيتي اسمي !؟
(كيفاش ننسا اسمك و انا مين نحكم ستيلو نكتب غير اسمك *سامي*)
انا : لالا .. أآآ.. راني .. اني... جيت .. اسمك ... أأأأأنا رايحا سمحولي على الديرونجمون ...
أنت تقرأ
لم_أؤمن_بالحب_فعشقته 😍{DZ}
قصص عامةإنّ الرّاحة التي يحسّ بها المرء عند الشّعور بالأمان مع شخص ما... هي تلك الرّاحة التي لا يمكن التّعبير عنها بدقّة... ولا يمكن وزنها بالأفكار، ولا التّعبير عنها بالكلمات... إنّها فيض ينساب من النّفس منهمراً منساباً من الأفكار والكلمات. سامي & لينا😍💔
