_________________________________
انا غست فيه و قعدت نشوف فيه ... اول مرة نشوفو بكوستيم .. هادا وين روماركيت ...
وصلنا جات نونو.. روبلناها حالة .. فالكورتاج .. جبنا العروسة .. هااااايلة .. و هذا وش كنت نتوقعو من ياسين ... شابة بزاف .. ديناها للاصال نزلت نونو قبلنا جيت نحبط حكمني سامي من يدي. ... قعدت نشوف فيه .. مانيش حاباتو يطلقني .. ماقتلوش اطلقني قعدت نشوف فيه .. حبيتو يقرا وش فعينيا .. بعد صمت طويل قالي : لينة ... مانوصيكش! اقعدي فبلاصة بعيدة على الرجال نتي و نونو .. و تولهي تنوضي تشطحي رجليك نكسرهملك ... فهمتي !؟ ..
- و دوكا وش دخلو فيا هذا !؟ يا طليقي رانا وقعنا ورقة الطلاق ... علاش آك اديرلي هكدا .. يعني أك تغير عليا !؟ ... يعني تحبني و انا مفهمتش ... مانيش عارفة ليسونسال ضحكتلو و قتلو : حااضر ..
باين فيه ماكانش يستناها مني باسكو كنت توجوغ نقولو (وش دخلك ) كي قتلو هكداك طلقني ضحك و قالي : جيتي شااابة ليوم .. امسحي الغوج .. تولي نتي ميس موند ..
- جماعة !! سمعتوه وش قال !؟ قالي جيتي شابة ولا أني نحلم !؟ حبي قالي شابة !؟ و تبسملي !. نحببببببك . نعشقققك ... علاش أني مستبعدة حبو ليا !! بالاك يحبني .. المهم روحي للعرس و بلعي .. شفت فيه مسحت الغوج بيدي و ضحكتلو و خرجت ... رحت لقيتهم مروبلينها بالشطيح ... و مع الرجال تانيت .... لوهلة تخيلت روحي ففرنسا .. الراي برك فيقني ... رحت حكمت بلاصة بعيدة .. تبينلي مقعد وين يقعد سامي .. قعدت مع نونو ... جيت نطلع راسي لقيت الطويلة تشطح .... يا نهار اسود حتى الشطيح تعرف ... تشطح مصيبة .. اي واحد يشوفها يقعد يشوف فيها ... كانا لابسة روبا قصيييرة ... هاد الطفلة علابالها بلي راو كاين رجال يشوفو فيها ولا وشنو !؟ ... جيت نشو فسامي لقيتو مع صحابو .. كامل يشوفو فيها .. تبا .. ففف كو خير قعدنا انا و نتا فاللوطوموبيل حتى خلاص العرس ... جابولنا لماكلة طحت ناكل كليت كليت ... الناس رجعو يشطحو و انا مازلت ناكل .. كي شبعت . أو بالأحرى حشمت على عرضي ... طلعت راسي نحوس عليه ... مالقيتوش رحت نفر.كس عيه ... ياريتني مارحتش .. لقيتو و يا.ريتني مالقيتوش .. كانو وحدهم فبلاصة فارغة .. كانو قرااب ... باستو ... و هو متحركش و مامنعهاش .. لالا.... لالا .... لالا حركت راسي يمين و شمال .. .. حبيت نفيق من هاد الكابوس .... راهم قرااب من بعض بزاف ... يحكو و يضحكو ... باستو .. و هو .. نورمال
تبا ... تبا لك مشاعري .... تبا لك عشقي ... تبا لك لينة ... تبا لك سامي.. تبا لمعرفتي بك .. تبا لحبي لك ... ليتك مت ولم أرك في هده الصورة .. آه منك أيها الخائن كدت أصدق أنني أعني لك شيئا ... أيها الوغد ... أيها الحقير أكرهك و أكره كل شيئ فيك .....
كنت رح ندخل مي لالا مانيش حابة يشوف دموعي على جالو ... مايستاهلش ... دار راسي قريب دخت ... مي لالا كملت نمشي .. و دخلت بين النسا و الرجال كان السكات .. مانيش عارفة كيفاش ولا. علاش مي بديت نشطح .. ماكش حابني نشطح !؟ ... داكوغ دوكا نشطح .. ماكش حابني نمكيج !؟ دوكا نمكيج .. ماكش حاب الرجال يشوفو طليقتك !؟ دوكا يشوفوها ...شطحت شطحت ... شطحت و انا مانيش نسمع مامپا فالغنية ... كنت دايخة .. و انا نشطح هكداك حسيت بيد جبدتني ... يد سامي!؟ ... لالا. كون جا سامي راو مزير عليه و راو يعيط .. فتحت عينيا وشفت لقيتو حسام و لقيت روحي خارج لاصال ...
أنت تقرأ
لم_أؤمن_بالحب_فعشقته 😍{DZ}
Ficción Generalإنّ الرّاحة التي يحسّ بها المرء عند الشّعور بالأمان مع شخص ما... هي تلك الرّاحة التي لا يمكن التّعبير عنها بدقّة... ولا يمكن وزنها بالأفكار، ولا التّعبير عنها بالكلمات... إنّها فيض ينساب من النّفس منهمراً منساباً من الأفكار والكلمات. سامي & لينا😍💔
