قصة من الواقع العراقي
melad hameed
البارت 11
#حنة_العيد. و#شهگة_النعناع.
ردت افتهم ليش اختلف 😔
مو هوة #گايلي وحلف
ميعيش لحظة بدوني ......
صدگ وترد!
صدگ يبزغ فجر جيتك!
وأسولف يمك وأگعد!
صدگ قداح حبنه المات
يروه ردود ويورد!
ياربي واقع هذا لو حلم... حتى من الصدمة مااگدر، احچي، ولااگدر ابچي لمنو اشكي..
وين اروح ياااربي ساعدني....
ليش هيچ غيث ليش.. معقولة كل هذا الحب سبب تافه يفرقنا..
كسرتني غيث....
شنو اللي سؤيته اني والله حبيتك حتى امي عادتني، بسببك..
وتعوفني على اتفه سبب.... راح صوتي واني ابچي واندب حظي ماحسيت بعد اكو دموع...
حسيت نفسي انتهيت الانسان اللي عايشة لأجله على ابسط الاسباب تركني واني كل ذنب ماعندي...
ذنبي لان تسترت وسكتت.... چان المفروض مااخلي امي تتصل...
(اني كل ظني اللي سواه لأجل الذهب ومشاكل امي وامه..)
اني ابجي واعيط واهلي محد تقربلي من البچي صرت مااشوف شي...
فتحت عيني بالمستشفى احس شي يريد يطلع من اذاني وراسي يريد ينفجر من الحرارة....
اتعس شعور عشته بحياتي.. الظلم... من انسان يظلمك وانت ممسؤي، شي،
چنت اتمنى اكو سبب مقنع يخلي غيث، يتخذ هيچ قرار...
غيث ياريتك موجود يمي حالتي حييل تعبانة...
التفتت بصفي امي گلتلهه خابريلي غيث اموت من دونة...
امي گالت اسكتي استري علينة ابوچ متخبل راح اتعارك وياهم واجة ساكت مفتح حلگة..
اي غير اعرف شكو....
بعد مرور ساعات ماادري بالضبط شگد اهلي سوو الاجراءات حتى اطلع من المستشفى...
طلعنه صعدت بسيارة اسامة اباوع علي ايدية كولهه زرگة من سحب الدم والابر،...
چفوف ايدية تأذيني حتى ردت الزم راسي مگدرت...
بصوت مبحوح... گلتلة اسامة غيث صدگ يريد يطلگني...
اسامة لزك بريك وبقى يسب بغيث... وگال ساعة السودة اللي صار بيهه صديقي واتقدملچ...
اسكتي بلا سيرة غيث...
دموعي نزلت حرگت خدودي... وحلگي يابس... گلتلة اسامة بس انطيني سبب والله ح اتخبل....
گال يگول عنچ مو المرأة الاريدهه متتحملني...
زاد ونيني... ليش مااتحملة ليش شنو اللي سؤيته اني..گال كافي و اسكتي وصلت للبيت...
البيت اظلم...حياتي كلها ظلمة مو بس البيت... غيث چان ملون حياتي..
