قصص من الواقع العراقي
حنة العيد شهگة النعناع 🌸🌸🌸🌸🌸🌸🌸🌸🌸
melad, hameed
بارت 12
#حنة_العيد. #شهگة_النعناع.
وين صرتوا ؟
اشلونكم ؟
مثلما جنتوا بعدكم ..
كَمرة الله وجوهكم ؟
يا حرورة شوغتي ..
ويا جمر شوكَي ،
يا صفنتي بدونكم .
يا فديت عيونكم .
والله لو مو زحمه ...
جان آنشد عليكم ...
حتى اليحسدونكم ،
حتى اليكرهونكم .
هسّه مدري شلونكم .
........ الجو ضباب وبااااردة حييل چنت لابسة كوت اسود ولفاف ازرگ اخذته من غيث.. كل شوية اگولة غيث هل لفاف بي عطرك..
من دنمشي والجو برد .. گلتلة غيث بردانة گال انطيچ جاكيتي گلتلة لا ماريدة اريد اللفاف اللي ع رگبتك..نزعه من رگبته ونطانياه..
امشي وايدي ب ايد غيث.. واضحك لان من احچي يطلع بخار.. غيث يباوعلي صفح... وكل شوية يگولي لچ صوتچ منا العالم...
غمضت عيوني ونزلت دمعة حرگت خدي غمضت ومفتحت عيني بس عالمشهد اشوفه واتذكره بكل وضوح..
رحت عالكنتور دورت عاللفاف لگيته حضنته وحسيته بي شي من غيث .. وبقيت اشهگ وابچي،..
شأنسى ياربي ... هديته اللي بيها اسامينا اللي،مااگدر انزعها من رگبتي..
لو الجهاز اللي جهزناه سوة... كل شي اشتريناه بي ذكرى وكل شي يذكرني بي...
اصعب شعور الخذلان... من انسان تنطي كل طاقتك وتمنحه گلبك وروحك ..
السبب غيث لوتصرفي الخاطىء....
صح اني خطأت بس مو معناها هيچ يتصرف وياية غيث..
رجعت لچربايتي حطيت راسي عالمخدة غمضت عيوني...
وتذكرت كلام بابا من يگولي، اللي ميريدچ ربح لتريدي خسارة..
يارب قوة منك مااريد شي بس اريد انساه.. ومااضعف من اذكر اسمه...
مرت الايام واني حياتي جحيم... مثل الآله بس اشتغل بالبيت عجزت امي وهي تقنعني ارجع للمحاضرات وارجع اداوم.. احس، شي بداخلي انكسر اخاف اواجه العالم احسهه كولهه تعرف بحبي لغيث...
صارت عطلة الاربعين يوم.. اخواتي ديمتحنون اجتي يمي دعاء گالت روحي امتحني انت دخلتي بكلوريا منو يفيدچ لا غيث ولا ام غيث بقت تتوسل... اني بس اباوع بعيوني..
