البارت13
#حنة_العيد. و#شهگة_النعناع.
قصص من الواقع العراقي
melad hamed
❤💛❤💛❤💛❤💛❤💛❤💛❤💛❤💛
تره المشتاك تالي الليل
يرفس كلب عافيته
يخلص الليل رايح راد
يسأل وين تاليته...
شجاني وكمت
اشوف الدنيا بس لونك
شعفت بيه وكمت
مااعيش من دونك..
الافكار ماخذه مني كل شي گمت على اطراف اصابيعي فتحت جنطة دعاء طلعت تليفونها رجعت لفراشي كتبت رقم غيث واتصلت عليه...
تقريباً الساعة عبرت ال 12.. مرتين اتصلت.. ومجاوب..
كتبت مسج : هلو غيث شلونك اخبارك اني سمر...
اقل من دقيقة واتصل بيه غيث..اني هنا گلبي فز من مكان..
جاوبت واسمع صوتة المبحوح.. اول محچة گال سمرتي ليش هيچ سويتي بيه ليش فهميني.
سمر: اني لو انت غيث انت تصرفت بدون متحسب حساب لأفعالك اعترف اني خطأت بس المفروض تجي تواجهني مو تتصرف واني حتى مااعرف السبب اللي خلاك هيج تسوي المفروض توضحلي... يااعيني انطيني مجال ابررلك..
بقيت اعاتبه...
غيث : والله يا سمرة خليچ بمكاني اني بذاك اليوم عيوني غوشت وگمت مااشوف تريديني اجي اسألج واسمع تبرير منچ..و والله لو واكعه ب ايدي الطلقتين افرغهن براسچ..
مو برجل الولد..
بس الله ستر، وعدت على خير،..
سمر : ياخير، يمعود... اني بعدك مو بخير، 😔
وعلى هل سوالف بيت اعتاب وشوگ.. اباوع للساعة ساعة تلاثة ونص..
سمر: يلا غيث اني اترخص الوقت تأخر ولتتصل على هذا الرقم هذا رقم دعاء..
غيث: وتليفونج شوكت تفتحي مو روحي طلعت واني واگف بشارعكم واكثر، من مرة رحت احجي وي اسامة ويصدني وميقبل يحجي، وياية واتصل بي وميجاوب..
سمر: اي غيث اهلي حييل ماخذين بخاطرهم عليك اللي سؤيته مو قليل...
وتليفوني كسرتة... من يصير عندي فون اني اتصل بيك..
غيث: انت شكد مخبلة التليفون شعليه
سمر : ياريت لو بس عالتليفون حتى شعري گصيته.
غيث: لابربچ.! لا لا سمر كل شي، ولا شعرچ انت عاقلة هسه اللي، صار، مشكلة وتنحل شعرچ ليش كصيتي تخبلتي..
سمر : اي اتخبلت..
طلعت القهر بشعري..
بقى غيث يحچي ويرزل ويجر، حسرات..
غيث: شكد گصيتي منه اصبع اصبعين..
سمر: لا اصبع ولا اصبعين حاليا شعرك اطول من شعري.
غيث : لا يا الله هو الخبال شلون يصير ياربي، صبرك..
