Mr. Whatever [To Be Published]

CHAPTER 3

CHAPTER 3

Pagkatapos ng klase ni Blake, excited niyang tinungo ang University Library. Tinawagan niya si Dylan na mauna nalang ito na umuwi dahil may dadaanan pa siya. Nang magtanung ito kung saan siya pupunta, sinabing niyang sa library. Saying that Dylan was shocked was an understatement of the century. Nakalimutan yata nitong huminga sa sagot niya. Kaya naman ipinaliwanag niya dito kung bakit siya pupunta sa library, doon lang ito huminga.

Tumigil si Blake sa labas ng pintuan ng library. Ano kaya ang itsura nito sa loob. In his nineteen years of life, hindi pa siya nakapasok sa isang school library. Maliban nalang sa library ng daddy niya na halos ipikit niya ang mga mata pag pinapapapasok siya sa loob nito.

Pagkapasok ni Blake may humarang sa kanya na isang matandang babae. Sino kaya ang babaeng ‘to? Nakasuot ito ng parang isang security guard? Seriously? Pati ba naman library may guard pa? ano naman ang nanakawin dito? Mga libro na amoy kabaong na sa sobrang tanda?

“Library I.D?” Anito na ikinagulat niya.

I.D? Wala nga siyang pakialam sa student I.D. niya, library I.D. pa kaya? Pfft!  “Transferee ako.” Pagdadahilan niya.

Tiningnan siya nito mula ulo hanggang paa na parang may hinahanap. Ano naman kaya ‘yon? Para naman magdadala siya ng deadly weapon sa loob ng library.

“Ano naman ang gagawin mo sa loob ng library? Sa mukha mo, isa ka sa mga taong walang paki sa mundo.” Sita nito.

Got that right. He dramatically sighed. “May kailangan lang akong hanaping libro.” May kailangan akong makita na  nerd.

“Okay. Pasok, basta sa susunod na babalik ka dito, bring your I.D.”

Para namang tatapak pa siya sa lugar na ‘to? Hmp! Hindi na oy! “Yes, ma’am.”

Kunot ang nuo niya ng mapansing wala siyang makita na nerd. Halos nalibot na niya ang first at second floor pero wala pa rin. Walang katao-tao ang buong library maliban sa babae na humingi sa kanya ng I.D.

“Nagsinungaling ba sa akin si Ania?” He shrugged. Oh, well. Akmang hahakbang na siya pababa ng hagdan papuntang first floor ng may napansin siyang maliit na pintuan na may nakasulat na ‘third floor’.

Hmm. Nandoon kaya ang nerd na yon? Hindi na nag-isip pa si Blake, mabilis niyang tinungo ang pinto at binuksan. Bumungad sa kanya ang isang hagdanan. Dahan-dahang inakyat niya ang hagdanan. Nang nasa puno na siya, bumungad sa kanya ang napakaraming libro na nakalagay sa matataas na shelves. Hindi lang normal na libro, malalaki at malalapad ang mga iyon.

Blake shuddered. God! Hindi niya kakayanin mag-stay sa lugar na ito. It’s creepy. Pakiramdam niya, anytime, gagalaw ‘yong mga libro para atakihin siya. Ipinalibot niya ang tingin sa kabuonan ng third floor. Books and tons of books. Then his eyes stopped at the sight of a woman reading a book.

Siya na kaya ‘yon?

Walang ingay siyang lumapit dito. Napangiti na napapailing-iling siya ng makita kung ano ang binabasa nito.

Law of taxation. Isa iyong malaki at malapad na libro na kahit siguro siya ay hindi kayang buhatin. Kung paano iyon nabuhat nitong si nerd, hindi niya alam. Well, mukhang siya na nga ‘to. Sino ba ang magbabasa ng ganitong kalaki na libro sa oras ng uwian? Malamang, isang nerd na pangit. At nakatulong din sa kanya ang nakahimlay nitong notebook na may nakasulat na ‘owned by Anianette Sandejas.’ sa cover.

He cleared his throat to get her attention. Hindi man lang nito in-acknowledged and presence niya. Hindi niya makita ang mukha nito dahil natatahuban ng mahaba at curly nitong buhok ang mukha nito. He had to give it to her, hindi dry ang buhok nito. It looks smooth and silky.