انحبك يا كبيدتي

البارت الرابع

آهلا آسفة على التأخير بجد ماكانش عندي نت و حنعوضكم انشاء الله ❤
                                                                                                                   
انا. انه الحب يا سادة 😂😂
فرح. ووووه اسكتوا يا بنات و الله انوض الروح راه 😢
آرين. كلام الحق وجاع 😉
سارة. والله انتم الاتنين تكابروا هو يحبك و انت تحبيه و مش راضيين تعترفوا لبعض كاشفينكم رانا 😂
انا. فرووح قوليله و خلاص خليك جريئة و هو مش ح يردك خوي و نعرفه يحبك يموت فيك ❤
فرح. شنو انتو خشيتوا في الموضوع تقول ليا سنين نحبه 😒..... من قال اني مانحباااش محمد افهموها ما ن ح ب اااش 😩
انا. فوتاها على سوادين 😑
آرين. خلاص بكيفك 😶
المهم قعدنا نهدرزوا و فات الوقت و روحت فرح
انا. هيا هيا كل وحدة تساوي حاجة
سارة. انا عليا غسل الماعين
آرين انا تو ندخل الحاجات
انا. و انا تو نكنس الفيراندا (السقيفة او مانعرفش شنو تقولولها انتو 😂)
ضمينا كل شي وخشينا بنرقدوا
خشيت دارنا انا وخواتي
خديت دوش سخون و بدلت حوايجي و مشطت شعري و جففته و رقدت (عليك راحة نفسية 😂 )
                                                                                                               
صباحا
جتنا ماما تنوض فينا
ماما. يا بنااااات نوضوا وقت على قرايتكم
انا \ سارة \ آرين. 😴😴😴😴
ماما. بنااات العازة و القهرة نوووضي انت وياها
انا \ سارة \ آرين. 😴😴😴😴
ماما.  سرااااااج يا سرااااااج
سراج جي يجري.  نعم يام شن فيه خيرك
ماما. زودلهم زود ما بوش ينوضوا
سراج. نوووضي انت وياااها
و جي يحرك فينا.
انا نضت مخلوعة و شعري طايش وحالتي حالة 😂. نعم هااا
سارة. 😴😴
آرين ناضت. صباااااااااح الخييييييير (تتاوب 😂)
سراج جي قرص سارة
سارة ناضت مخلوعة تعيط. يماااااااو (😂😂😂)
انا \ آرين \ سراج \ ماما . 😂😂😂😂😂😂
سارة. احيييي يا بايخ هكي الواحد يوعي 😒
سراج ضحك وبعدين قال لماما. اني طالع بنسخن السيارة
وبعدين لفلنا حني.  خمسة ماتكونوش في السيارة محلاه منضركم وانتو غايبين 😂
انا. و محلاه منضر مفتاح سيارتك فوق الرف ومش قادر تاخده 😉
سراج. 😑😑😑 وطلع
المهم غيرنا حوايجنا و فطرنا وطلعنا
قعمزت سارة من قدام و انا و آرين من تالي
ربع ساعة و وصلنا ل التانوية
سراج. في المرواح اطلعي فيسع انت وياها مش نقعد نستنا 😒
انا. Ok
سراج. ونزلوا  روسكم لوطة وانتو خاشين 😑
آرين. تي باااهي
سارة. هيا انزلي انت وياها عطلت ع المحاضرة تو الدكتور ما خلينيش نخش 😩
نزلت انا وآرين هيا مشت لصاحباتها و اني لصاحباتي
انا. صباح الخير 😊
رتاج. صباح النور ❤
رسل. نورات 💕
انا. شج
رتاج. تموم
رسل. من ربي بخير 😞
انا. الحمد لله على كل حال 😊
رتاج. ايييه وانت شن جوك
انا. بخير
رسل. بنات شوفوا رؤوف ولد ابلة الكيمياء  كيف من بكري يشوفلنا (ماتستغربوش لأن ثانويتنا مختلطة 😊 ...... و رؤوف هدا ولد ابلة الكيمياء متاعنا يجيب في امه ويقعد يهدرز مع شباب ثالثة تانوي ❤هو مواليد 97 بنات الثانوية كلهم بموتوا فيه و منهم انا 😂 ..... مواصفاته ابيض هلبا وعنده لحية خفيفة طويل و عنده كتاف و شخصيته حلوة ❤❤❤)
حني ركزنا عليه لقيناه يشوفلي انااااا 😱😱😱😱
البنات شافولي
وانا مصدومة 😨
انا. ببببنات م م مممستحييل هو يشوفلي انا يعني مممم ت ت تييي كيييف 😰😰😰
رتاج. سعدووودك يا اسو 😍
رسل. شدوني يا بنات بندوخ 😘
انا. وووووووه خشيييييي 😘😍😘😍😘😍❤❤❤❤
رتاج. اسو سا وي وشاحك وخريه 😍
انا. ققولولي توا شن ندير 😓
رسل. خليك رزينة و ماتشوفيلاش هلبا الراجل يحب المراة الرزينة 👌
رتاج. اها صح يا اسو 👌
انا. باهي خلاص ماعاش بنشوفله 😖
شوية وروح رؤوف
انا. ووووه روح يا بنات 😩
رتاج. تو سيوره يجي مرة تانية 😊
انا. مش مصدقة 😂
رسل. صدقي صدقي 😂
الاستاد.  طابور انت وياها هي تعالوا 😑
انا. وووووواااااااك
رتاج. هيا هيا 😞
فاتت حصة ورا حصة
وجي المرواح
طلعت بالروح ندور في آرين قالولي صاحباتها انها مرضت وجاها سراج روح باها
على طول طلعت تلفوني و اتصلت بماما.
طوط طوط طوط طو
انا. الو
ماما. ايوة ها
انا.  خيرها ارين
ماما. روحت مريضة حني توا باها في العيادة
انا. هييييي خيرها شدن فاها
ماما. اهو نديرولها في تحاليل
انا. باهي باهي .... واني من بيروح بيا 😰
ماما. روحي مع صاحباتك الحوش مصكر
انا. صاحباتي كلهم قراب يروحوا على رجليهم
ماما. عااادي روحي معاهم
انا. باهي تمام باي
ماما. باي 
انا مشيت ل البنات
انا. بنات آرين مريضة رفعوها للعيادة
رسل.   حيييي خيرها
رتاج. حيي
انا. مش عارفة .... اليوم بنروح مع وحدة فيكم
رتاج و رسل. اناااا
انا. 😂😂😂 الابعد بنروح معاها
رسل. اني 😂😂
رتاج. وااااك
انا. خلاص نمشوا مع بعض ok؟
رتاج و رسل. Ok
انا. هيااا باه
طلعنا على رجلينا
وحني في نص الطريق في  جنبنا سيارة مضلمة تمشي بالشوية
انا.  بنااااات 😨
رتاج. ارزني ارزني فوتيهم مفرخ
رسل. خايفة اني يا بنات
وانفتح روشن السيارة طلع فيها رؤوووف 😱
رؤوف.  آساور
انا وقفت 😱.
رتاج.  من وين تعرف اسمها
رؤوف. نعرفها عز المعرفة ... وغمز بعينه 😉
رتاج و رسل 😍 دايبين فيه
رؤوف. نحبك   قداش ليا ومش قادر نقولك. .... تعرفي شن معناها نحبك يعني نموت فيك وما نشوفش في غيرك و الله العظيم
انت صح حتقولي هدا عيل ويبي يلعب بس وكيف هكي اعترفلي في الطريق وووو
لكن بنقولك حاجة وحدة وحطيها في راسك ان رؤوف علي ال......... يحبك !!!!
انا عندي رقمك قداش ليه و مش قادر نتصل بيك نبيك تعرفي قبل
انا. 😱.
رؤوف. بروا توا قدامي و بعدين بنتصل بيك ردي تمام؟
رتاج و رسل بصوت واحد. تمااام
رؤوف ضحك ضحكة على جنب😏 وقال.  هيا قدامي
مشينا قدامه وانا مصدومة 😱😱😱 قصدي كيف هكي كله في يوم واحد بسرعة بسرعة قللي نحبك
بصراااحة ابداااع 😣
                                                                                         
يتبع

                                                   
تصويت +كومنت
طلب 😊
           
نحبكم ❤