انحبك يا كبيدتي

البارت الثالث

انا. يا روحي خلاص هدا واحد رخيص و حثالة و ما يعرفش قيمة الحب 💔
و الله ما يستاهل ذرة حب من الاول اني قلتلك ان مش متطمنة واضح عليه من شكله 💔
رسل. قولولي شنو نديير نحبه يا نااس نحبه 💔
رتاج. (هدي وحدة جريئة و قوية و ماتحبش تشوف حد ضعيف 😂 و تقول ع الحب انه حجات تافهة😂) يلا يلا بلا دموع خليك قوية مش بنت اللي تبكي على خاطر ولد يلا امسحيهم الدموع هادو وما نبيش نشوفهم مرة تانية و فوتيه الحب يتعب راهو و الله انه تافه 😑
انا. اسكتي انت شنو تعرفي منه الحب أسئلي مجرب آآآه وخلاص
رسل. 😢😢😢
رتاج. تي هيااا عااد شوطيه تييرو و فوتيه اللي جابه يجيب غيره 😉
انا. بيني وبينكم يا بنات مش عارفة شنو عجبك فيه وهو الخشم ميترو تقول موزة 😂
رتاج. لا و الشعر تقول ليفة متع الصحون 😂
انا. و صوته مالا ووووه 😂
رتاج. راايح اسمر زي سوداني حوازتنا 😂
رسل. معاش تقولو عليه هكي اه 😣
انا. جبهته زي الصونية 😂
رتاج. درية وحق ربي قريب انت اطول منه 😂
رسل. تي اسكتوا ضحكتوني يا مصايب 😂😂
انا. ايوة خلينا نشوفوا الضحكة ديمة 😉
رتاج. 😂😂😂
رسل. وووووه طابور يا بنات
انا. وووه
رتاج. قريتوا في النحو
انا. كأن حد صب عليا مية مسقعة. حييي علياااا نسيييته
رسل. امتى انت مش ناسية 😂😂
رتاج. هيا هيا ياهمي قعمزي بحداي تو نسميلك
انا. نعليا ❤❤
رتاج. يللي مانقدر بعدك عليا 😘
انا. نجك ليا وخلاص 😍
رسل. انت شكله طلقوا عليك الروايات الشرقاوية اللي تقري فيهم 😒
انا. شكله 😂
استاد من بعيد. تييي هيااا انت وياها من غادي استعجلي 😤
رتاج. مبرده ومبرد دمه النفاخ هدا 😑

# تسريع الاحداث

روحت من المدرسة تعبانة ركبت طول رقدت
نضت مع العصر
انا نعيط من الدروج. ماميتووووو ❤
ماما. قطع لسانك انشاء الله نقصي صوتك😤
انا مشيت بستها. انحبك يا احلى ام في العالم 😘
سارة نازلة من الدروج. اوووووو الحب نازل 😂
انا. ملا شنوووو حتى هيا جوجو الغالية
ماما. 😑😑
محمد خاش من برة. يمااا
ماما. هااا نعم وانت زيك زي اختك في العياط ما يغلبكم حد😒
انا. 😂😂😂
محمد. امي الغالية حبيبتي تعرفي ان اني نحبك 😘
ماما. لخص لخص من الاخير شنو تبي 😏
محمد. خيرك ديما تفهمي صح يا نبع الحنان 😉
ماما. 😒😒
انا. 😂😂
سارة. 😂😂😂
محمد. هو يعني من الاخير هكي نبي فلووس 😊
ماما. اطلع يا حق ربي 😏
سارة. شنو تبيهم 😑
محمد اسكتي انت ما دخلكش ...... ها شنو قلتي يا ام آساور 😍
ماما. باهي قداش تبي
محمد 50 $
ماما. باهي برا ل داري خود من شنطي
محمد باسها. ربي يخليك ليا يا احلى واغلى ام في العالم ❤
وركب بسرعة
انا.ما تقولوليش وين آرين غاطسة
سارة. اييه والله حق
ماما. مشت لصاحبتها عازمتها .
انا بهمس. كان قلتلها اني بنمشي راهي قالت لا 😑
ماما. شن حسك قلتي 😏
انا. لالا شي
سارة. هي اني بندير قهوة من يبي
محمد نازل يتبسم. اني اني ديريلي 😍
سارة. تماام
ماما. محمد برا نوض سراج اونه من بكري راقد روح من الشركة و رقد طوول
محمد. لالا يام فكيني منه ولدك مش ماشيله 😒
انا. تو نمشي اني
ركبت لدار سراج بالشوية وصلت قدام الباب نسمع فيه يهدرز
سراج. ههههههه حتى نموت فيك 😘
........................
سراج. امممم عاادي حتى كانه مش فاضي نفضالك يا روحي❤
...........................
سراج. ماشي تمام نتلاقوا غادي بعد ساعة ok حبيبي 😍
..........................
سراج. نسيتي حاجة صفو 💛
.......................
سراج. نعليااا ع قولت الشراقة نموت في حبك اني 💚
...... . ................
سراج. ماشي باي يا عمري 😘
وسكر الخط
اني خشيت بالشوية و قلتله. حيها حي و اني نقول سراج عاقل و مش متع حب وجو هدا طحت من عيني يا خوي 😑
سراج. تيي اطلعي يا نم من قلك خشي
انا شبحتله شبحة زي هدي 😒
سراج. كان نوضلك تو نوريك كيف الشبحات اهما 😑
انا. الحق فيا اللي جاية بنوضك تاخد قهوة ...... ارقد مرقد جدي رقد ماعاد ناض
وطلعت نجري و سراج وراي 😂😂
مشيت جري ورا ماما.
وسراج وراي.
ماما. تي خييركم تتجاروا وانتم زي الفار و القطوس 😣
سراج. حولي يام خلي نوريهولها كيف شكله جدي 😡😬😠
انا. تعرف مع منو تتعسل و تقول الكلام القنين 😏
سراج. اطلعيلي جاي اطلعي 😡
انا ورا ماما. حقاااا مامي بنقولك حاجة.(و نرقص في حواجبي لسراج 😂😂)
سراج يشبحلي متع سكري فمك 🙅
انا. يا ماما راهوا سراااج 😏
سراج جبدني من ورا ماما ورفعني لداره وسكر الباب 😂
انا. 😒😒😒
سراج. اسكتي اللي سمعتيه انسييه 😡
انا. تؤ تؤ بنقول لماما خلي تعرف ولدها المؤدب شن يطلع منه😂
سراج. باااهي خلاص شن تبي نعطيك باش تسكتي 😒
انا. امممممم نبي شكلاطة 😉
سراج. لالا 😑
انا. بااهي خلي نمشي ننقول لماما. هي تتصرف 😉
سراج. وااااك منك باااهي يهانم من عيوني غير ما تفتحيش فمك بس
انا شديتله خدوده. تسلملي عيونك😍
وطلعت شوية ورجعت دخلت راسي 😂
انا. يا متع صفاااااء 😂
سراج. تي اطلعي خير ما نجيييك 😤
انا طلعت نجري نضحك
مشيت ل الصالة لقيتهم شربوا القهوة وكملوا 😱
انا. حيييييي شربتوا و اني 😤
سارة. واني تنزلي حاجة من غير اختي 😊 اونه خليتلك في البكرج فوق الرخامة
محمد. اشي اشي كدب عيني عينك انت ماتنزلكش حاااجة من غير اختك .. تي الشكلاطة و البريوش والكيك هداكا اللي نشريلك فيه ونقولك اعطي منه ل آساور وين مشي 😑😒😑
انا. حييييييي صااار هكي ياساارة 😱
باااهي يا اختي بااه واتي نقول سارة احسن اخت عندي باهي باه
صار ماتنزلكش حاجة من غيري 😤
سارة. شنو ربحت توا هكي هي .. مسموم ..
محمد. انت المسمومة يا ام القصر يا درية
سارة. مااااما كلمي ولدك
ماما. تي خلاااص اسكت انت وياها يا قليلين الادب
انا. الا اني ماما ولاه مؤدبة 😊
سارة ومحمد مع بعض. انتيييييييييي 😱
ماما. 😂😂😂😂
سارة ومحمد شبحوا لبعض شوية بعدين انفلقوا ضحك 😂😂😂😂
انا. ماما بالك بدلوهملك هادو في المستشفى 😒 مبردهم
قعدنا نهدرزوا. شوية و محمد طلع وبعده على طول سراج نازل من الدروج لابس و طارح بالجني كله 😂
انا. اووووو سرااج وين ماشي. (ونديرله في شبحات متع شماتة😂 )
سراج شبحلي هكي 😒 وبعدين قال لماما. اني طالع يام ماتبي شي
ماما. لاااااا وين طااالع اقعد باش شوية و تروح ب اختك
سراج. تي يمة قولي ل محمد
سارة. محمد طلع
سراج. كلميه مادخلنيش اني عندي مشوار ضروري
ماما. و وين انشاء الله المشوار هدا
انا كاتمة ضحكتي. بالك موعد 😂
سراج. 😒😒
ماما. المهم اقعد باش تروح بأختك
سراج ركب بغيض
وهو في نص الدروج اني تفجرت ضحك
نزلي يجري و اني نشبحه من هني ونطلع من هني جرييي برااا😂
اني نجري و هو في جرتي 😂 لين شفت بابا كيف خاش كان في حوش عمي
نمشيله نجري ونضمه
بابا. خيركم شن فيه 😕
انا درت روحي نبكي. زودله يا بابا بيضربني 😢
بابا. قعمز يا فرخ على اختك تمد علاها ايدك نكسرهالك ناس تكبر و دير عقل وناس تكبر تهبل 😡
سراج. خش الداخل من دون ولا كلمة 😂
لاقاته ماما. دور برا روح ب اختك
سراج طلع مشي جابها وجي
خش بابا وسراج و اني آرين قعمزنا برا تحكيلي على لمت صاحباتها
و شوية وخشينا حتى حني
فات الوقت و ادن المغرب
ودرنا عشانا و تعشينا ... قعدنا مقعمزين شوية لين طق الباب
مشيت فتحت لقيتها فرح بنت عمي
(هدي اكتر من اختي نحبها ونموت فيها انتيمي
مواليد2002 و مواصفاتها. اطول مني بشوية و بيييضة عيونها سود و شعرها اسود و طويل ل ركبتها و حررررريير و تحب الضحك 😍)
انا. فرووووح شن جوك يا حيوانة 😍
فرح. تمووم حبي وانت
انا. لخير. تفضلي تفضلي خشي
خشت فرح سلمت على العيلة
انا. فوفو نركبوا لداري ولا نقعمزوا في الجنان
فرح. نقعمزو في للجنان خير ولا
انا. باهي هي ..... تجو معانا سرو و رونة
سارة و ارين. تمام
ولعنا الفلاش و فرشنا برا و جبنا حاجات نفوتوا بيهم الوقت
فرح. ووووه شعري حالة حتى الوشاح على راسي مش قادرة نحطه
و نحت الوشاح تساوي في شعرها
هيا فتحاته من هني و يخش محمد من هني
فرح شافاته ماعاش عرفت شنو الدير قلبها يدق و تجمدت
محمد يشوفلها و يبتسم
واني وسارة وارين لاحظنا ان في شي قعدنا نشوفو لبعض وبعدين انفلقنا ضحك 😂😂😂
و مع ضحكتنا فرح. و محمد فاقوا
محمد خش وفرح ساوت شعرها و لبست و شاحها
ارين. ووووووه على خووووي مسكيييين الليلة مش ح يجيه نوم 😂
سارة. ملااا نقولوا مبروووك يا مرت خوووي 😂
فرح ولوا خدودها حمر 😳
انا. هههههههه انه الحب ياسادة 😂😂😂

يتبع #

تحياتي