انحبك يا كبيدتي

البارت السادس

محمد. انت مؤمنة بقضاء الله وبقدره 😭😖👌
اني. شنو في منو 😨😲😥
محمد. آرين ياآساور😥
اني دموعي في عيوني. خيرها آرين 😢
محمد. دمعته نزلت وبحرقة قال. عندها خبيث في الدماغ يا آساور ... سرطان 💔
اني من الصدمة ماعاش قدرت نتكلم نشوفله وعيوني دموع 😭
اني. مممحمد تحكي جد انت 😭
محمد دموعه ينزلو . ياريت كنت نبصر عليك وياريت لو يكون حلم لكن ....
هدا واقع يا آساور 😭😧😢
اني. لالالالا مستحيل اختي لاا آااارين
وبدين نبكي و نشهق
😭😭
ولع محمد السيارة ومشينا للعيادة
وصلنا
نزلنا وخشينا لقينا ماما وبابا و سراج و سارة مقعمزين في الممر ماما تبكي وتعيط و بابا
مقعمز ويبكي بااصوت و سراج مقعمز لوطة و متكي راسه عالحيط وعيونه حمر و دموع و سارة مقعمزة وضاماته وتبكي
تصدقوا اول مرة نشوف بابا وسراج يبكوا 😭
والله واعرة راجل بهيبته وتنزل دموعه ويبكي
محمد بحكم انه صغير وجوه حلو معانا كنت عادي نشوف فيه يبكي وهوا اصلا عادي يبكي قدامنا لكن سرااج .ّ.
كانت دمعته واعرة ومستحيل يبكي قدامنا
لكن الله غالب ......... قضاء وقدر 😭👌
مشيت بخطوات مهزوزة واني نتحسر غلى حال اختي و حال باقي عيلتي ونتأمل فيهم واحد واحد مستحيل هادي تكون عيلتي
اني ودوب ما نتكلم. وينها 😢
اشرلي سراج على دار بجنبه
قلت بسم الله وخشيت
وياريتني ماخشيت 😭😢
شفت منضر غنري ماننساه في حياتي
اختي غاليتي حبي وروحي مقعمزة ع السرير وضامة رجلاها و حاطة راسها بينهم و شعرها طايح على كتافهة وتبكي وتشهق بالصوت ّ.  😭😢
مستحيل هادي تكون اختي ياربي لااااا 😭
مهما حكيت و مهما وصفت الوجع اللي داخلي لما شفت اختي بهالمنضر هدا
ياربي ماتورينيش يوم فاها يارب
ياربي مانقدرش نعيش من غيرها يارب
مع كل شهقة تشهقها كأنه موس يقطع في قلبي تقطيع 😭
اول مرة نشوف اختي منهارة لهدرجة 😢😩😖
ياااااااااارب 👌
خشيت بالشوية و قفت قدام السرير وبصوت هااادي ويادوب طالع.  آرين
آرين قامت عيونها فيا و كانوا حمر هلبا 😢😩😖
آرين. آسااااور 😭😭
جيتها نجري ضميتها .... اختي حبيبتي تبكي في حضني مش قادرة نستوعب الموضوع  😢😩😖😭👌
آرين تبكي . ك كنت في المدرسة يا آساور عادي جدا نضحك مع صاحباتي وجوي حلو فجأة حسيت بدوخة وراسي وجعني وطحت من طولي وماعاش حسيت بشي الا لما نضت واني في العيادة و محمد و سراج وماما وبابا كلهم ياآساور .... كلهم يبكوا قلتلهم خيركم ماحد جاوبني وماما ضامتني وتبكي
حسيت بشعور اخيييي وبديت نبكي و نعاود نسأل فيهم ماحد جاوبني
بعدين خش الدكتور و قاللهم اطلعوا وخلونا بروحنا ..
طلعوا كلهم وجي الدكتور قعمز جنبي ع الكرسي
وقال. آرين لو ربي ابتلانا بشي و قدره لينا مستحيل نقدروا نعاندوه  و نهربوا منه و نغيروه لان لو ربي قدر علبنا شي حيكون لانه يحبنا و بيختبرنا و بيشوف قدرة صبرنا 💔👌
آرين اني مانبيش نطول عليك و حنقولك لكن ردي بالك تيأسي من الحياة آرين انتي ..... مريضة بخبيث في الدماغ
تعرفي يا آسو لما قالهالي ظلمت في عيوني و معاش حسيت بشئ  و فقدت اعصابي وبديت نبكي ونعيط لين جتتي الممرضة وعطتني إبرة
احلامي اللي بنيتها و فكرت فاها كل شي حيضيع مني يا اسو كل شي
عمري ضاااع مازلت صغيرة علااش ياربي علاااش (و بدت تبكي )
اني نبكي معاها. وحدي ربك و خلي املك بالله كبير يا وخيتي ردي بالك تيأسي ردي بالك
💔💔💔💔
قعدت تبكي لين رقدت و اني طلعت برا
لقيت محمد مهناش
سراج. شن جوها 💔
اني. قعدت تبكي لين رقدت 😢
ماما تنهدت
وبابا حاط يديه على راسه
اني. وين محمد
سارة.طلع برا في الجنان
اني. خليني نطلع نشوفه
طلعت لقيت محمد يتكلم في التلفون و مقعمز على كرسي في الجنان
قعمزت جنبه.
محمد. حااارة يا رؤوف حااارة اختي راهي .💔
اني لما سمعت كلمة رؤوف ركزت اكتر .👌
محمد. اي والله هدا قضاء وقدر لكن نشهد بربي واعرة
..............................
محمد. ماشي صحيت يا برو و منور يا صاحبي 👍❤
..............................
محمد. تفضل تعالى تشرفنا .
............. ................
محمد. باهي يا زفت باهي غير بحداي اختي كان هدا راهو قلتلك كلمة سكتاتك .😂👌
......................
محمد. ماشي سلام و منور ياقدر مرة تانية
.............
محمد.  سلام
سكر محمد التلفون .
وشافلي
اني. منو هدا
محمد. صاحبي
اني. صاحبك منو 😕
محمد ضربني على راسي بالشوية وضحك.  ياسر من القصقصة يا ام لسان 😂
اني. غير هيا وراس حبي 😶😊
محمد ضحك. هههههههه صاحبي رؤوف جاي بعدين
اني. وشنو كنت تحكي معاه 😕
محمد. تي ياااسر 😂
اني. غير هيااا وراس حمود هيا
محمد. هدا صاحبي راس وكل ما نتضايق ولا حاجة نحكيله وهوا مايقصرش  يواسيني ويفهم مني و يكونلي سند 👌❤👍
اني. اهاااا
محمد. هيا نروحوا للحوش غيري حوايج المدرسة وتعالي
اني. تمام خليني نخش نقوللهم ونجي
خشيت قلتلهم وطلعت لمحمد ومشينا
بدلت حوايجي و طلعنا.
مشينا للعيادة .
خشينا وقعمزنا بحداهم شوية
جي الدكتور
كلنا وقفنا
الدكتور. بنقوللكم للأسف الخبيث اللي في دماغ آرين متقدم هلبا و كبير وبصراحة مش عارفة كيف ماحسيتوش بيه لان ليه 3. سنين و هي اول وحدة نشوفها يوصل معاها المرض هدا  هكي و تحملت كل هالسنين و نقولهالكم وبكل اسف مرض آرين مستحيل يشفى و نسبة الشفاء 2% 😧😥😩💔