حلال ممنوع
بارت ١٣
نورا ناصر
خله المخدة على راسه .واباوع لصدره تنفس بقوة . اني نار وتطلع مني شون يحكرني لعد المن جابني من اهلي جان بقيت يم امي احسن ..
كعدت بصفه واكعد بي كتله جمال جمال ..
كال هااااا بانزعاج وشمر المخده وكعت بالكاع ..
جفلت ووكف على رجليه هو كعد كال خييير مكعدتني شتردين ..
فاتن .. اريد اتواصل ويا معتز يشوفلي حل اني تعبت كلش وداحس نفسي ثكيلة عليك اكيد هو يمتلك الحل الي يخلصنا من هالمعمعه ..
مد ايده عليه وكمشني خلاني عنده راسي جوه عكسه واكتافي على افخاذه مثل الطفل من يخلو بالحظن وايده اللخ على حلكي .. وعيونه بعيوني ..
كال بعصبية بطه بطه بعد مااسمع الج صوت مفهووم تره تصرفاتج متنطاق ..
ظليت اهز براسي واطلع صوت من جوه ايده امم اممم
وخر ايده وبعدني منه دفعني من ظهري للسرير ورجع مدد نفسه كال ترة طوختيها بطه ..
تره اني هم الي طاقة تحمل وهم يجي يوم تخلص
يعني تروحين لاهلج امي تسالني عنج اكوللها فوك نصعد فوك منشوفج اني بهالحالة شنو اسوي ظليت اغطيلج ..
فاتن .. ارتبكت كتله واني اشر بايديه بنفي
هذا مو موضوعنا جمال ..
صاح بعصبية فااااتن اسكتين لووو شلووون ..
اني خفت منه بس بقيت صامدة كتله شسوووي مثلا ..
نزل من السرير بسرعه .. قفل الباب وشمر المفتاح فوك الكنتور ..
خفت منه بقيت اراقبه .. يباوعلي ويتوعد
متخليني اناام موو اني اعلمج ..
راح اعاقبج عن كل خبال سويتي ..
ظل يبحوش بالمجرات ..
اخر شي طلع مكص .. كتله يمه جمال راح تقتلني بهالليل ..
ضحك كال لا راح احضر المكص هسه واقتلج الصبح اذو تعالي تعالي وياشر بيديه ..
صحت يمممه صعدت فوك السرير وبقيت واكفه
عليه .. اجه بسرعه صعد يمي
نزلت من الصفحه الثانية
لزمني من كلبيتي .. خفت تنشك واستحي
استسلمت ..
ضغط على كتفي كعدني بالكاع
لزم ضفيرتي عرفت يريد يكصهاا خليت ايديه على راسي ..
كتله لااا عفيه معتز يحب شعري طوويل ...
حسيته جر حسرة كلش قووية
ترك ضفيرتي وركع المكص بالارض بكل ماعنده من قووة ..
خليت ايدي على اذاني من الخوف وصوت ركعة المكص جانت عاليه ..
باوعتله مد ايده لفوك الكنتور اخذ المفتاح
وراح ديفتح الباب ويريد يطلع ..
ركضت وراه بسرعه..
لزمته من ايده كتله لتطلع والله اني مراح احاجيك راح اخيط حلكي ..
دفعني لجوة الغرفه وسد الباب من بره وراح
اني بقيت الوم بروحي
بس من صدك تعبت وجان لازم نحجي نحل وضعنا اشو طولت السالفة واحنا لا للسما ولا للكاع ..
