كرونيك جديدة بعنوان🌹القدر🌹

1⃣

الحلقة1
الشتاء افضل فصل عند ندى .... تبقى تتفرج فالطبيعة و ترسم كل صباح .... هاد طبيعتها ملي كان فعمرها 5 سنين مع الوقت طورت يدها و بالمثابرة رجعت من افضل الرسمات مي هدا يعتبر سر هدا لي يريحها حتى امها مهيش عارفة بهاد الموهبة من غير حبيبها زاكي تحكيلو كلش و كل صباح تروح عندو تحكيلو اي شيء يصرالها ..... قاعدة ترسم و تسمع فالغناية المفضلة ليها نزلت القلم و شافت مع اللوحة تبسمت و ناضت حلت البالكون خرجت فهاديك المطر و هزت راسها لسماء خذات نفس كبير و رجعت دخلت توجد روحها باش تخرج دارت دوش نشفت شعرها لبست قشها مع شوية مايك اب و خرجت لقات ماماها في وجها
ندى : اااوه مدام سلمى ؛نضتي ديريلي لفطور ههه طولتي اليوم موش كيف عادتك
مدام سلمى (امها): لوكتاش رايحة تبقاي جايحة مفيك حتى فايدة جبتك و ندمت .. وين رايحة اسمعي .. ندى نحكي معاك..
اييه هدا هو روتين ندى امها ديما تبهدلها و باباها تتلقاه بالصدفة خرجت ندى مشات لطموبيل و قصدت لفاك فطريقها هزت صاحبتها لنتيم نهى كيف اختها يحكيو كلش لبعضهم تقريبا عايشين نفس الجو العائلي فطريقهم نهى عندت باش تنزل تشري حاجة تاكلها
نهى: حبي .. حبسي قدام هديك الريسطو حا نموت جوع
ندى : يبنتى واش راح تاكلي ... صندويتش على صباح ربي
نهى : الله غالب ليوم خرجت قبل متمدلي ماما فطوري ههه ... و الله حالا شوفي هاد المرة باينة قدها قد حالها بصح ولدها لي معاها متهلية فيه شوفي كيفاش فرحان ... ولا مرة حسيت هاد الشعور ... هههه انساي بديت نطعز فالهدرة .... حبسي و مكلاه ديري روحك بريستيج ... يا ختي انا نفطر بواش نحب اوك !
ندى : اوك اوك ... معناها جيبيلي معاك
نهى: والله ادا جعتي اهبطي و اشري وحدك
ندى : بفف كون حتى كليتي تبهديلة ماماك كون راكي قافلة فمك هههه
نهى : ههه كون راهي شبعتني الدهر كامل
هبطو و مشاو لهديك الريسطو وصلو لباب سمعو عياط ناضو يضحكو في زوج
ندى : كاين لي كيفنا ... لازم البنة تع التبهديل فنهار العبد
نهى : اسكتي او خارج ... يزيد يسمعنا نضحكو و يضربنا
خرج واحد كان مهبط فراسو و ميت ضحك تخبط فندى هز راسو جا راح يهدر مقدرش و طلق ضحكتو نهى حكمت في ندى : يا ربي هدا عبد ! يهبل
الطفل : اسمحيلي متولهتش هههه اسمحيلي لازم نروح و راح يجري
ندى : تبسمت دارت لعند نهى لي داخت من الزين لي راه فات و هي مزالها مركزة معاه...
نكمل 💟💟
.... يا بنتي نوضي او رااااح
نهى: (ساكتة)
ندى : على زهري نروح نشري و نجيك ابقاي هنا بفففف
ندى فطريقها تشوف فراجل يحكي فالتلفون : انا خلاص كرهت منو هدا كامل بسبت دلالك لا خدمة لا قراية .... ندى طاحتلها دمعة سخونة من خدها خرجت تجري بلا متحكي كلمة مع نهى ... نهى كيف شافت مع عنيها فهمتها و محبت تحكي والو محاولتش حتى تبعها ..... ركبت ندى فالطموبيل و راحت طول عند حبيبها زاكي وصلت لعندو راحت تجري حطت يدها على تراب قبرو و بدات تبكي : علاه علاه رحت و خليتني ! علابالك بلي راني نموت بالشوية راهم يقتلو فيا راهم يدبحو فيا بالشوية ..... زاكي حبيبي الدار بلابيك جهنم خويا توحشتك ... ريحتك صوتك ضحكتك ملامحك تمهبيلك .. تعبت تعبت بلا بيك ههههههه نتا راك هنا و نا نلحق فالهم ليك انسا حبيبي مي والله نرتاح كيف نجي نحكيلك تعرف واش خلاني نجي ليك ههه وحد الراجل كيف بابا و وحد الطفل كيف حالتك ليوم رحت مع نهى.........

******************
فوت & كومونت بليز