كرونيك جديدة بعنوان🌹القدر🌹

1⃣1⃣

الحلقة 11
ندى دخلت لصال:سلام عليكم ! معليش ندخل؟
البروف:تفضلي و بقا يشوف لجيهة الباب
ندى:مغسي
دخلت تقرا و مرة على مرة تتوله لبروف يشوف فيها و لا يشوف جيهة الباب كملت الحصة و الطلاب خرجو ندى بقات قاعدة و تصور فالدروس لي ناقصينها حتى لقات البروف قعد بحداها
ندى:اااه استاذ
بروف: عندك مدة مجيتيش
ندى :وي كانو عندي ظروف
بروف: ااه اوك. .. مي لازم تركزي .. قربو الامتحانات
ندى:اييه انشاء الله
بروف: و نهى!
ندى: ااااه وشبيها!
بروف : علاه مجاتش ليوم ! ياك موش مريضة .. عندها مشاكل .. تحتاج مساعدة ... نعاونها مكاش مشكل
ندى: هههه لا. راهي مليحة و قاعدة تجي تقرى كل يوم مي كيف مصرات حكاية البارح حشمت و مقدرتش تدخل تقرا عندك
بروف: اممم ههههه اااه نطلبك منك طلب !
ندى:اتفضل
- حاب رقم تلفونها
- علاه !
-باش نحكي معاها و نحيلها الخوف هههه و يبقا ضميري مرتاح
- ههه ضميرك يرتاح! اييه قادر .. اوك نمدلك
مدلها التلفون كتبت فيه الرقم
-مغسي ندى... مدابيك تخلي هاد الحكاية بينتنا
-كون مهني (ندى فهمت البروف لي كان كل ما ينطق اسم نهى عنيه يولو قلوبا ! و من جيهة خلاف حبت تسخل الدعوة عليه و على دبدوبتها نهى بلاك هاد العبد راح يخرجها من الحياة لي راهي فيخا و تتهنا من امها )
خرج البروف طول و هو فرحان و زاهي حتى لقا تلفون يصوني
- الو واش حوالك
- واش يا ولد هتلر ... نسيتني كيف باباك هههه
- اوووه و الله ليك وحشة خويا الزين وينك !
- راني فالجنان وين تقري
- هممم معناها كاين جديد
- هههه وين علابالك
- نتا تجيني غير كيف يتعمر قلبك
- عيب عليك انا راه الوحش لي جابني ليك
-ههه اني جايك
راح البروف باش يتلقى بخوه و لي هو لؤي .. اييه وي لؤي خوه تع البروف لي يقري نهى وندى وصل البروف لعند لؤي سلمو عل دى بعضاهم و قعدو
- لؤي و الله ليك وحشة ... حسب ااشوفة ماكش مليح
- ههه لهاد الدرجة
- هيا احكي ... و كيما تخلص نحكي لخويا حاجة جديدة عليا و منها ندي الخبرة من عندك تعرف خوك زرق ف امورات الحب ههه
- هه و الله منقدر نعاونك بسك نا و تغدرت ... تعرف بلي نجلاء قبلت بشايب جا خطبها من عند دارهم و هي مخبرتنيش حتى و وصلولي هدرة بلي راهي مع واحد ضل فالسهريات معاه فلول مامنتش قلت ناس خدمتهم يكدبو ههه
- اهيه و كيفاش درت ... مخلي الماء يمشي تحتك
- كنت ساهر مع زاكي فالبار تع العادة حتى شفتها جاية و لابسةكنت ساهر مع زاكي فالبار تع العادة حتى شفتها جاية و لابسة من غير ادووم ههه كانت اوسخ وحدة شفتها فحياتي .. فهديك اللجظة راحتلها الحشمة راح كلش
- متخممش فيها تتمناك لي خير منها
-ههه مجاتش فهاديك غاضتني لي لعبت بيا ... كانت تغيضني و بففف
- واش راح نقول لخويا ربي هناك منها و حبك تبعد عليها ... مي يا الخامج مكش راح تكير و تحبس من البار
- والله عندي مدة مرحتلوش و راك تعرف وليت مربوط مع المصنع لي نخمم فيه
- اييه حاجة مليحة
- ارواح نتا و فهمها لهتلر
- اووه يا ولظي جيت لعندي انا راه يشوف فيا بطال كيف راني استاذ
- هههه معليش ... احكيلي شكون هادي
- علمن تحكي
- بدينا السماطة
- ههههه خلاص ... هادي ابسط وحدة شفتها فالدنيا ... تحب تضحك مي عنيها باينسن فيها التعب و الهم .. مي هي متبينش و ديما تغطي دمعتها بضحكودة و تكبرها ... كلش فيها مليح ...
- اوووه خويا طايح على اللخر
- ههههه والله على اللخر. ... تعرف البارح .. تعرفت بالمكر تعها و بانت مهبولة هههه لبارح دخلت روطار لا سلام لا كلام
- حبس حبس واش اسمها
-نهى .. اممم شباب ... واش بديت تغير من ضرك. ني خوك
- ههه نكمل نحكي قلتلك دخلت روطار و ..

بلا منوصيكم جام للحلقات😘😘