كرونيك جديدة بعنوان🌹القدر🌹

2⃣0⃣

الحلقة 20:
كانت تحلم ... كان حلم جميل كانت هي و لؤي مي فلحظة ولا كابوس دخلت فيه امها و طفلة كانت ضاربتها بظهرها و كان شعرها طويييل كانت فدوامة افكار. . فطنت غير بالتلفون وهو يصوني .. الوقت باش تنوض .. محطتش فبالها الحلم و حبت توجد رحها بزربة و مديرش الروطار .
. دخلت دارت دوش نقااات رويحتها هههه خرجت جبدت شعرها الله الله لبست جيب ميني نواغ مع شوميز غوج لبست فوقهم pull نواغ فيه فراشات غوج شافت مع روحها قريب ردت جات متسواش طول نحاتهم لبست غوب غوج و زادتها صباط و صاك نواغ حطت شوية مايك اااب لبست مونطو قغي يوصل لركبتها غطات الغوب لي كانت على لطاي تعها طلقت شعرها و ديمارات تجري وقت لفطور راح و هي توجد فروحها هبطت تجري و تدعي باش توصل فالوقت ... حكمت مشات الطريق كاملة بحكم معندهاش باش تسلك حق التاكسي . ... عيات و ما قدرتش تزيد تلوح خطوة النفس بدا يتقطع حنجرتها عطشت و بدات توجع فيها شافت مع يدها لقات خاتم كان زاكي شراهولها تبسمت و ستمدت منو القوة تفكرت كيفاش كانو يجريو و يبعدو على قد ما يقدرو يطيحو و ينوضو وحدهم رتحت شوية و زادت كملت الطريق حتى وصلت كانو رجليها يرعشو و صلت لمصنع مي محبش رجل الامن يخليها تدخدل كانت بلا الباج تع العمال هي طلعتلها السخانة و تقلقت
- واش يعني شقيت و جريت باش نوصل فالوقت تجي نتا متخلينيش نفوت ؟ بعد من قدامي هي جات تدخل و رجل الامن حكمها من يدها و رجعها لورا هي مقدرتش تحكم فروحها لقات روحها تخبطت فواحد
- واش كاين هنا
ندى فرحت و دورت لعندو
- انا جيت فالوقت و هو مخلانيش ندخل
- و علاه مخلاكش تدخلي
رجل الامن: معندهاش الوثيقة لي تبينلي راهي عاملة فهاد المصنع و زيد هادي الادارة موش اي واحد يدخلها
- اول حاجة شكون سمحلك تقيسها و واش هاد الطريقة لي تتعامل بيها ... ثاني حاجة راك مطرود منزيدش نشوف خليقتك هنا و نتي ادخلي تخدمي
ندى تشوكات مكانتش تحب الحالة توصل هنا... العبد هداك عندو عايلة
- مي اسمحلي هادي موش غلطتو
- ندى اطلعي تخدمي
- بطلت منخدمش
لؤي تصدم عداك مقالتش بسم الله صبحت بطلت : انعم لالة
- لي سمعت الغلطة موش فينا لزوج هو خدم خدمتو على اكمل وجه و انا لي غالطة يعني موش انا نتا لي مامديتليش الترخيص و لا معلاباليش واش فبلاصة ما تشكرو تزعطو علابالك بلي راه يسترزق من هنا
- يا ربيييي. . المشكل فيا يعني .
###################
فوت & كومونت بليز