كرونيك جديدة بعنوان🌹القدر🌹

1⃣0⃣

الحلقة10
غمضت عينيها و عاودت حلتهم و لهنا قلبها حستو راح يخرج من بلاصتو لسانها تعقد ...
ندى: .......
الطفل: راكي مليحة !
ندى: اااه هيه ... مليحة مليحة ...
الطفل: مليح ... و طلقها و جا ماشي حتى حسها كيما مالت على الحيط و تتعافر باش تمشي. بلا محكى معاها هزها و دخلها لصال كانت فارغة : عندك مرض !
ندى : لا لا مليحة ... و اسمحلي كيما تخبطت فيك متولهتش ليك
الطفل: عيطي لمعارفك يوصلوك
ندى: هوما لي وصلوني هاد الحالة
الطفل: انعم
ندى: انسى .. تقدر تروح باين فيك مزروب مغسي
الطفل راح بلا ميحكي حتى كلمة ... ندى تشوكات شغل كانت ثقل عليه ... و صل الباب من بعد دار شاف معاها : انا و نتي موالفين نتلقاو من قبل!
ندى: ندى متعرفش اشكال كيفك
الطفل: صح لؤي ماهوش من الطبقة تاعك
نهى: سلام عليكم .... اوووه شكون هنا ...
ندى: نهى ارواحي
نهى: معرفتيهش عليا؟
ندى:....
لؤي: انا لؤي متشرفين ... مي ندى محكتليش عليك !
نهى: امم انا نهى لي كنت معاها نهار تخبطت فيها و كنت معاها كيف لقات مفاتحك و تلفونك
ندى: زيدي احكي زيدي تولهي لتسكتي
لؤي: ههههههه
نهى: تقوليليش محكيتيلوش و انا جيت كيف الفحلة
لؤي: علاه كذبتي!
ندى: وعلاه نبقى نحكي فحكاية فارغة ... نهى هيا نروحو نقراو رانا روطار
نهى: اااوه محال ندخل عند هداك البروف ادخلي وحدك و نا نستناك هنا و قعدت فالصال
ندى مزادت حتى كلمة و خرجت لؤي لحقها
لؤي: مغسي .. مغسي كيف عاونتيني فالدار ندى: بلا مزية
لؤي : ههه مي راكي طيري يا جدك دخلتي من جهة متخطرش على البال
ندى: انا وصلت سلام
لؤي:سلام
مشى لؤي و بقى يتفكر فعينيها كيف كان يعيط ... الخوف لي شافو فعينيها عليه و تفكر حنية يديها لي كانت على وجهو توله مع روحو لقا يديه على خدودو و يتمتع بلمستها تبسم و مشى يستنى فشخص مواعدو ! مي لي تصادف بيه فسدلو الهدوء لي كان فيه اييه الطفلة لي كان حاطها ملاك .. حبها .. خاف عليها من كلش كان يمدلها اي حاجة فخاطرها ... كانت معنقة فواحد و يتهامسو غاضتو روحو .. كيفاش تخدع .. كيفاش لعبت بمشاعرو .. فلول كان حاب يروح يعطيها طريحة من بعد حكم روحو و خرج لبرا و قعد فجنان يريح فراسو ... و كل ما يغمض عينو يجيو فبالو عنين ندى ترجعلو بسمة مفهمش علاش المهم يرتاح بيهم
************************
فوت & كومونت بليز