حب بعد الزواج

Part 1 البداية

في ليلة كان هناك مطر غزير رغم انه فصل الصيف

ناضت مخلوعة وفي قلبها غصة من الكابوس. الكابوس لي محبش يخطيها .الكابوس لي راهو مزروع في مخها

فلاش باك للماضي قبل عدة سنوات كي كان عمرها 8 سنوات) )

كان هاذاك النهار المطر قاوي كانت قاعدة مع باباها ومها في الصالون يتفرجو ويضحكو حتى سمعو الباب يطبطب في نص الليل تحيرو شكون

عبد الحق (باباها) = اسمعي طلعيها لفوق للبيت واقفلو الباب.

سمية (امها) = شكون هادا. عبد الحق= روحي برك .

دات سمية بنتها نادين وطلعت .نادين وهيا تبكي = ماما شكون هاذا اني خفت ماما . سمية= متخافيش حبيبتي متخافيش اني معاك وتفكري راني نحبك بزااف انا وباباك .نادين زادت خافت كتر لأن رغم انها صغيرة تعرف النبرة تاع مها كانت كشغل تودع فيها .

فتح عبد الحق الباب لقا راجل مش صغير ومش كبير .عبد الحق= وي مسيو . الراجل =سي عبد الحق ................

نرجعو لسمية وبنتها نادين دخلو للبيت وقفلو لباب وحتى سمعو طلقة مسدس نادين ولات تبكي .سمية = بنتي دخلي تحت السرير ومتتحركيش حتى ولو جا الراجل ودار كاش حاجة اقعدي لتم تعيش بنتي ومتديريش لحس تعيش وتفكري قلبي ديما معاك حبيبتي .

دخلت نادن تحت السرير كيما قالت مها وقعدت تشوف وحاطة يدها على فمها وتبكي باش متديرش لحس كيما وصاتها امها سمية . حتى تلقا الباب تخبط وتحل ويدخل الراجل سمية وقفت قدامو قالتلو جامي تهرب من هاذ الشي لي دير فيه لكان محاسبوكش لعباد يحاسبك ربي سبحانو سمية ولات تشهد في قلبها.اما نادين كانت تحت السرير وتبكي

فجأة هوب تلقى مها طاحت فلرض ودم ملا الارض نادين قفلت عينها وكانت حابة تخرج اما تفكرت مها واش قالتلها وترجاتها ساع تراجعت مخرجتش.

الراجل اذاكا لي معندوش شفقة معندوش رحمة ضحك وخرج .

نادين كي بقات نص ساعة وهيا لتم قالت يكون خرج مناه راه طول ومبانش خرجت . كي خرجت طاحت عينها على مها راحت تجري وتقول ماما تعيشي نوضي متخلينيش وحدي ماما تعيشي ماما معنديش غيركوم تعيشي محبتش مها تنوض تفكرت باباها هبطت تجري فدروج تلقاه عايم فدمو عرفت بلي هوا تاني مات بكات بكات وملقاة متدير تفكرت بلي امها وابوها علموها رقم الطوارئ تاعهم في امريكا (لأن عندهم في امريكا يصراو بزاف حوايج ايبا للأمان علموهولها) ولات تعصر في مخا باه تتفكر وتقول كانو يقولولي واحد واحد وورقم قبلوهوم ياربي وشيا تفكرة بلي تسعة واحد واحد (911) . راحت جرات لتيليفون تاع دار عيطتلهوم جاو فدقيقة وهيا قعدت تقولهم ماما وبابا تعيشو وبيانسور بالانجليزية مناه راهي رغم انها صغير تعرف عربية وانجليزية شوي

My Mam and my dad pleas

كي شافوها صغيرة محبوش يقولها سكتو وهيا غير تبكي وتقول

Mam pleas don't let me pleas I need you mam dad pleas

Don't die pleas

-------------------------------------------------------------------------------------------------------------------------------

متضحكوش عليا لبنات أول مرة ندير كرونيك نتمنى تعجبكم متنساوش تصوتو باه نكملها