حب بعد الزواج

Part 5 وجع الماضي

هبطو لمرأب منين كامل سيارات لقاو صندوق كبير مربوط بذبلة شافت مع جدها وقالت = جدي هاذي ليا . جد حسن = وي باينة ليك

اجبدي برك شط الذبلة وبعدي . دارت نادين كيما قالها جدها . واووب تلقا موطو كحلة فيها خطوط غوز تهبل فوطو

. نادين فرحت وعنقت جدها وقالتلو=ميرسي جدو ميرسيي تهبل. امير تشوكا قالها = تعرفي تسوقي لموطو . نادين=اييه نعلمك .

امير بضحكة = انا كنت نركبها كي كان عمري 17 سنة . جدو حسن = اييه يابني هيا كانت تتسابق بيها كي كان عمرها15 سنة . امير دور ليها مشوكي . نادين = اييه خسارة ملاابساش سروال فلعشية نخرج بيها لمهم ميرسيييي جدو . جد حسن= لمهم عجبتك بنتي حاجة متغلى عليك . جات رزان تجري قالت = واش نادين تعلميني . ناديين لاااه انا ننساك نتي حمارة كنت نعلمك كي كنا فل 15 سنة مي نتي عندك زهايمر تكوني نسيتي كلشي . رزا ن =اييه وش ندير حتى امير مكانش يحب يعلمني . نادين = منبعد نروحو للساحل ونعلمك لتم . رزان=اووك هيا دوك توخرنا . امير= قدامي امشو-.- رحتي تجيبي بورتابل قعدتي شهر . ركبو فطوموبيل طريق كامل وهوما غير غنا وتمهبيل وصلو لمحل تاع لفساتين يهبل رزان شرات 2 فساتين و نادين شرات صواريات لمهم خلصو ورجع لدار . نادين لبست تريكو بيض قصير سروال بلونوي وصباطة اديداس بيضة وطلقت شعرها (فوطو)

راحت هبطت لمرأب تاع سيارات جبدت لموطو ركبتها وراحت بيها للساحل باش تتفرج تحب تشوف لبحر وتسمع لموج لي يهدنها . كانت قاعدة حتى لقات طفلة صغيرة جات تجري ليها . الطفلة وهي تبكي=شفتي ماما ملقيتهاش شفتيها .نادين = كيفاش مدايرة ماماك حبيبتي وين شفتيها اخر مرة .هي كانت تهدر حتى لقات مرة جات وظهرت ماماها . شافت معاها نادين قالتلها مش نتي صحبت ماما حياة . اييه بنتي صحيتي . (وهي كانت تكره نادين مناه معندهاش والديها تقول عليها مش متربية ). دات بنتها وراحت . نادين شافت بلي بنتها طاحتلها اللعبة تاعها راحت باه تردهالها سمعت صحبت خالتها حياة تهدر=بنتي متزيديش تهدري معا هادي الطفلة راهي مش مليحة مش مربية معندهاش والديها راهي تاع الشارع . نادين تصدمت من هدرة لمرا . راحت ليها مدتلها لعبت بنتها وقالتلها= صح والديا ماتو صح انا يتيمة اما عمري مكنت تاع شارع وعمرك مارايحة تفهمي وبالنسبة لتربية انا راني مربية وعارفة قيمتي ونتي هدري واش تحبي . خلااتها وراحت ركبت فلموطو وطارت للدار (وكان فيها غير امير وختو رزان لأن ام رزان وبوها وجدهم راحو يشوفو التجهيزات تاع الاوثال لي يديرو فيه لعرس ) فتحت الباب دخلت وخبطتها كانت رزان وامير في الصلون تخلعو منها مسلمتش عليهم وطلعت تجري لبيتها قفلها بالمفتاح امير ورزان طلعو موراها سمعوها تعيط =وش ذنبي وش ذنبي انا لي معنديش والديا وش ذنبي لي قتلولي والديا وهي تخبط فدنيا وتكسر وش ذنبي انا لي كل منغمض عينيا تجيني صورتهم وهوما ميتين قدامي وش ذنبي انا لي 13 سنة وانا نحلم بيهم فليل كيفاه تقتلو كيفاش طاحت امي قدام عيني وماقدرت ندير والو وش ذنبي . رزان وامير يعيطو قدام الباب باش تفتح حتى سمعو مراية تكسرت والحالة سكتت . امير خبط الباب بكتفو .نادين هزت زجاجة ورايحة تقطع شرايينها فجأة حل امير الباب شافت معاه واووب تلقى روحها مكانش . امير راح هزاها وراحو مع رزان للأوبيتال دخلوها للغرفة وراح ليها الطبيب . امير ورزان يسناو برا وهوما متقلقين على نادين حتى يلقاو طبيب خرج راحو يجرو لعندو . امير = طبيب كيفاش حالتها. الطبيب = راهي لااباس اما صرالها انهيار عصبي لاازمها تكون مرتاحة وتوفرولها الراحة وتبعدوها على المشاكل ومتقلقوهاش ودرك انا نحطلها سسارتافيكا تاع دوا . رزان= نقدرو نحرجوها ليوم . طبيب= ايه يخلص سيروم وتقدر تخرج .

راح امير شرا دوا ورجع كملو الاوراق و خرجو نادين .رجعو للدار لقاو جدهم وام رزان وفؤاد (بابات رزان) يستناو فيهم تقلقو عليهم سوغتو كي شافو بيت نادين . دخل امير نادين لبيتها وهبط حكالهم واش صرا وقالهم باش ميقلقوهاش .

فلعشيةفطنت نادين وراسها يوجع راحت دوشت باهتخفف على روحها ولبست سروال كحل تريكو بيض وفيستا كحلة وحكمة شعرها طمطومة وسابتشعرات وهبطت لقاتهم على الطابلة . نادينبصوت مبحاح = مس لخير عليكم . جد حسن=مس لخير بنتي قلقتينا عليك . نادين = مكانوالو جدي راهي تصرالي خطرة على خطرة معلش . امير = اني جبتلك دوا لي وصا عليه طبيبباه تشربيه . نادين = اخخ دوا تاع لمهابل اداك منشربوش -.- يردك متعرفش نهار منالليل . امير = اييه هوا يقلك شربيه فليلي قبل مترقدي ونتي تشربيه فالنهار.نادين=مدخلكش واكتا نشربو -.- . أمير =هيه تشربيه معناتها تشربيه بسيف عليك و لاانا نعرف كيفاه نشربهولك . 

......................................... 

سوري طولت باه زدت حطيت مي مناه ملقيتش بزاف مشاهدة دوك وصلت لل 100 مشاهدة مقبولة عليها كملت 

و حطيتهم طواااال