قصة عن فتاة مات ابها وامها في حادثة رهيبة عندما كانت في عمر ال 7
فتذهب للعيش عند خالتها وعند كبرها ذهبت الى عند جدها فخل سوف يحدث شئ خلف ذلك ام سوف تعيش في راحة
لمهم كاملة مكملة) راحت نادين دخلت دوشت وبدلت قشها لبست سوغفات غوز بب لمهم دك نحط لفوطو .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هبطت لتحت لقات جدها يستنا فيها باش ياكلو كيفكيف لمهم حطولهم لخدم لماكلة وبداو ياكلو .حسن=بنتي بعد سمانة لعرس تاع بنت عمك رزان وراهوم جايين عندنا ليوم فليل مناه لعرس راح يندار هنا . نادين=ياا صح جدو تامن انا توحشتهم وحابة تاني نزها شوي ملي شفتهم كي كان عمري 12 سنة . حسن= تمام بنتي راهوم يجو على 6 .
راحت نادين لبيتها شعلت تيلي وولات تتفرج وصلت 6 سمعت الباب يدق فتحت الخدامة
ونادين هبطت تجري توحشت رزان هوب سوطات عليها عنقتها وباستها لمهم شبعت فيها .ام رزان= بلعقل بلعقل بنتي تزيدي تاكليها. نادين= ايه نكلها وش ندير توحشتها . ام رزان = وحنا نسيتينا واقيلااا نادين= لاه ننساك تاتا . سلمت عليها وزادت سلمت على اب رزان (عمو فؤاد كيما تقولو نادين) نظرة سريعة على رزان (رزان قد نادين عمرها 20 سنة طفلة حلوة بزااف ، شعرها صفر مش طويل ومش قصير نص نص وعينيها زروقة لبحر يهبلو هيا لاضعيفة ولا سمينة كيما جاية مليحة لمهم نرجعو للحكاية) .
سلمو على الجد حسن وراحو قعدو فالصالون حسن=فؤاد بني وينو امير عندي بزاف مشفتوش .فؤاد=راهو يجي غدوا ولا لي بعدو مناه مزالو يريقل فلخدمة باش يقدر يحضر عرس ختو .حسن=خير ما عمل . الخادمة = سيدي العشاء وجد . تمام ميرسي رانا جايين . الخادمة = تمام سيدي . حسن = هيا جماعة تفضلو . كل واحد نعتولو بلاصتو على الطاولة لأن السيد حسن يحب التنظيم وخلاو بلاصة ولد فؤاد فارغة حدا الجد حسن . خلصو لعشا كل واحد نعتولو بيتو وكانت بيت رزان قدام بيت نادين وخوها حدا بيتها مناه حبو يجمعو العايلة في جيها والباقي للضياف لي يجيو فلعرس .اما بيت ام رزان والعم فؤاد فهما فنفس الطاج لي فيها بيت الجد حسن . وصل الليل كامل رقدو غير نادين ورزان قعدو يحكو ويضحكو نادين محبتش ترقد وحدها ساع رقدت معاها رزان .كانت 3 تاع الصباح ناضت نادين مفجوعة تعيط وتبكي تخلعت رزان وفطنت شافت معاها .رزان = نفس الكابوس .نادين وعينيها معمرين بدموع = ايه نفسو . عنقتها رزان وقالتلها= متخافيش راني معاك لااكان حابة نقعدو نحكو نورمال اصلاا طار عليا النوم . ناضت نادين تضحك وقلتلها = ميرسي رزان . قعدو يحكو للصبح كي ولاات 6 تاع صباح ناضو لزوج لبسو سوغفات وخرجوا باش يديرو سبور (نفس الطبايع نفس العقلية تقول تؤام خخ ) . رجعو للدار لقاوهم ناضو صبحو عليهم وراحت كل وحدة لبيتها تدوش وتبدل قشها نادين لبست تريكو كحل ودارت طوماطيشةpul gris مشبك سروال جين مقطع صندالة كحلة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كيما فلفوطو دارت مكياج خفييف وخرجت
اما رزان لبست قمجة بيضة عاقدتها سروال غوز بيبي وصندالة بيضة اما شعرها طالقتو ها لفوطو دارت مكياج سامبل وخرجت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
خرجت كل وحدة من بيتها وهبطو يفطرو معاهم وتفاهمو باش يخرجو يدورو مور لفطور باش يشرو حوايج لأن لعرس تاع رزان قرب .
خرجودارو ضحكو تمهبلو وشراو حوايج وسواريات صبابط سيك مكياج لمهم شراو لحوانت كامل تغداو وجاور وحو للدار . دقت رزان الباب وتسنى فالخدامةتفتحلها الباب واوب تلقاه خوها امير عنقتو قالتلو =زعما تجي غدوا . امير= حبيتنفاجأك . رزان = ااه كاش مجبتلي كادو من فرانسا . امير = تحوسي غير على لي كادونتي . رزان اوموا نستفيد منك . اميربضحكة = واه امير هاذا قاعد غير يرضي ست الحسنوالجمال رزان . نادين= نتوما احكيو فلباب وانا خلوني برا
