ام احمد/لا يمه براحتكم هاي نور هسه تنزل يمي
احمد/هااا هسه حليتهه يلله كعدي وخل نسولف.....................
منار/احمد ليش تزوجتني مو حرام عليك نفترض مصار اي شي من الي صار ويايه اني شنو ذنبي
احمد/مفهمت
منار/عرفت سبب زواجك مني كتى تضوج حبيبتك مثل ماهي تزوجت وعافتك
واني الغبيه عبالي ساعدتني لان شويه اكو مشاعر بكلبك الي
احمد/منو كلج نور موو
منار/نور لو غيرهه شيفرق اهم شي اني عرفت
احمد/منار مااجذب عليج واكلج مو صحيح كلامج
بس اني من وكفت وياج بمرضج ابد مفكرت بنفسي ولا انتقام منهه لا ابد والله
منار/يعني صحيح تزوجت علمود تضوجهه
احمد/جنت مقهور بوقتهه بس هسه طلعتهه من بالي وكرهتهه
وانت يا منار حسيت بشي تجاهج بس بسوالفج تكسرين هذا الشي
تدرين الحد الان ضايج ومقهور منج عل سوويتي من رحتي ال نور وامي عرفت
منار/بس انت مخليتني افهمك شي اني رحت ال نور مو اشكيلهه ردتهه تساعدني جنت اعرف انت تريد تتقربلي بس مااعرف شلون اكولك اني موافقه بس هي فهمت غلط اثاري جانت تقصد على حبيبتك بذاك اليوم
احمد انت دمرتني هسه اني شنو ذنبي اذا جنت تريد تضوج وحده ليش تستغلني
احمد/اني مستغليتج بشي
ماكو بنيه بالدنيا كولهه تحب انو تبقى ويه رجال يستغلهه حتى يضوج وحده ثانيه
جنت احجي واحمد ساكت اجذب اذا كلت دموعي مينزلن جنت ضايعه ماكو اي حل الي لا اكدر ابقه ولا اكدر اطلع طلعتي تضرني وتضر اهلي
احمد/منار اكيد اذا كتلج هسه اكو مشاعر بداخلي الج مستحيل تصدكين
منار/اكيد مو غبيه الهاي الدرجه
احمد/بس اني احس شي تجاهج مع العلم مصار هواي من عرفتج بس اذا اني جوه وانت ماكو عيوني تدور عليج
ومن ادعد وحدي من جنتي مريضه جان ماكو شي بعقلي غير اخلصج من الي انت بي
ومن انت نايمه بصفي احس روحي تريد تنام بحضنج
اني مااكولج احبج لان اني مااعرف اذا احبج او لا
بس الي اعرفه تنو اني باي مكان انت بعقلي
تدرين سنه اني وياهه اول مره اطول ويه بنيه علاقه فكرت اتزوجهه وجنه متفقين فجأه خابرتني وكالت اليوم خطوبتي ولتزعل مني وحاول تنساني
اكثر من وجعي عليهه انوجعت على كرامتي
اعرف اني غلطت جنت عبالي من اتزوج ارد اعتباري واوصللهه اني مظايج عليج فكرت بس بنفسي وبكرامتي مفكرت يجوز اظلم بنيه ويايه
أنت تقرأ
الوهم (مكتمله)
Diversosقصه حقيقيه ١٠٠./. من الهم الى الوهم فتاة مراهقه تتعرض لانتقادات كثيره ..... تختار لنفسها حياة مثلما تريد لكن هل هذه الحياة حيقيقيه ام من ........... هل ستبقى نعمه ام تتحول ل نقمه..........
