فتحت على وجه الجثه الاولى ، دقات قلبي تتسارع ، والحمدلله ما كان خالد ، ورحت للجثة الثانيه ، نفس دقات القلب، لكن جاني شعور انه خالد ، قبل ما افتح على وجهه ، شفت الشامه الي في يده ، فتحت على وجهه وياليتني مافتحت ،مات خالد ، راح ابو بنتي ، تحسفت على اني تركته وتركت بنتي، كنت ادري انه يحبني ، بس كنت دائماً اقول وش فايدة الحب بدون الاخلاص، صحيح كان يخوني ويكسر قلبي وفيه عيوب الدنيا، بس كان زوجي ، كانت اخر مره اشوف ملامحه طلعت وبكل خوف رحت ابي اشوف الجثث الباقيه ، دخلت وبسرعه فتحت عنها ، كانت بنت صغيره ملامحه متشوهه من الضرب ، والحمدلله مو بنتي ،دخلت على الجثة الثانيه، وفتحت عنها ونفس الشي مو بنتي، يالله مدري ابكي على زوجي الي مات ولا على بنتي الي ما ادري وينها ، بلغت الشرطة بكل شي من البدايه لنهاية ، قوات الشرطة ماقصرو وانتشرو في كل مكان يبحثون عن بنتي ، مر اسبوع ومافي خبر عن بنتي ،ماعرف اذا بنتي عايشه ولا ميته ، ضميري يعذبني بشكل كبير، كرهت نفسي شلون قدرت اترك بنتي ، دق رقم غريب علي.
-
-
تالين: الو، مين معي؟
الشخص المجهول:انا بقولك كم كلمة واقفل.
تالين : طيب انت مين؟
الشخص المجهول: قولي لخالد يوصل الي معه بسرعه عطيته فرصه جديدة.
-
-
قفل الخط ،ماعطاني فرصه اقول له انه توفى ،دق واحد من الشرطه قال تالين محمد ، ممكن تتفضلين لقسم الشرطة؟
-
-
كتابة :(@fxon99)
