رحت لقسم الشرطة ، دخلوني في غرفة ، ثلاث رجال موجودين فيها ، كلمني الاول وكان صوته نفس الي كلمني ، رفعت عيوني لقيته نفس الشخص الغريب الي جاني بالحلم والي شفته مع بنتي ، معقوله صدفة! ، نظراته حاده جداً، لدرجة ماقدرت احط عيني بعينه ، له هيبه بشكل غير طبيعي ، سألني عن امي الي ماشفتها ، سألني اسئلة اي طفل ممكن يجاوب عنها ، بس انا ماكنت طفلة عادية ، انا الطفلة اليتيمه الي كبرت بسرعه وتعلمت بسرعه بدون اي احد حولها ، شلون يسألني عن شي ماشفته ولا عشته؟ ، كمل في اسئلته الغريبة عن امي ، بعدها سألني عن خالد ، ووصل الاسئلة لموت خالد ، خفت على المجرمين من نظراته وكلامه الحاد ، طلعت من الغرفة بدون اي فايدة تذكر ، كلامه بدا يلعب بعقلي، بديت افكر بأمي، هل هي عايشه ولا ميته ، ليش تركتني اذا عايشه ، مو اول مره افكر كذا بس ذي المره اقتنعت اني خايفة من الاجابة ، خايفة بقوة بعد ، اتصل رقم غريب للمرة الثانية .
-
-
-
تالين: الو، مين معي؟
الشخص المجهول: راحت الفرصة على زوجك ، الحين دورك.
-
-
-
قفل الخط مرة ثانيه بدون مايسمع اي كلمة مني ، وراحت الايام وبنتي بعيدة عن حضني ، وجع موت زوجي ،ووجع بنتي الي مادري وينها، صرت اسمع صوتها في البيت ، صرت اتخيلها فوق سريري نايمة ، رن جرس البيت ، الباب ينطق بقوة ، فتحته لقيت صندوق احمر ، خذته ، وخفت افتحه ، حسيت اني اذا فتحته بفتح باب مظلم ، سمعت صوت جوال في البيت .
.
-
كتابة:(@fxon99)
