........يتبع #البارت8:
........: سلام رباب نسيت نقولك ياك أنا عاونتك جا وقتك تعاونيني ولا لا
فهد : هذا صوتك صح ، وائل
وائل : شكون معاية 😱😱وين راها رباب ؟!!
فهد : ياوحد ** واش راك باغي منها أهدر .
وائل كوبالوا في وجهوا
فهد : ألوا ....****
وقاس تيليفون كسروا
رباب داوها لسبيطار و حالتها كانت خطيرة بزاف
جيهان : دكتور كيفاه راها
دكتور : حالتها خطيرة بزاف مي حنا نديروا لي علينا .
جيهان حكمها البكى رغم كل لي داراتوا فيها حنت عليها و غاضتها يماها لي هي عجوز كبيرة ما عندها غير رباب فهذي دنيا .
كان ناقصها الدم باش دير عملية ايا تبرعتلها جيهان لخطرش عندهم نفس زمرة الدم و دارولها العملية لكن للأسف كان موتها خير من حياتها تشوه وجها و تعوقت من يديها و رجليها و ما ولاتش تقدر تهدر كي شافتها جيهان هكذاك سبقتها دمعة أما أم رباب نصدمت و داخت ديراكتوموا للكومة ، ما هدرناش على فهد سمع بالخبر و جا يشوفها مام هو نصدم كي شاف حالتها مي لي صدموا كثر كيفاه راهي تعامل جيهان رباب بعد كل لي داراتوا فيها .
ما حبتش تهدر معاه و لا تقيموا و عيا فيها كليوم يترجا أنها تسامحوا مي هي رفضت بقى شحال من يوم و هو يجري وراها كي الكلب حشاكم مي هي ماهي دايرتلوا حتى قيمة
بعد ما خرجت رباب داتها جيهان معاها باش تهتم فيها بعد ما يماها دخلت للكومة ، خرجت دراهم لي خباتهم من سنين الورث لي خلاهولها باباها و قررت تمدوا لرباب باش دير العملية فالخارج يمكن تبرا ، فهد شدها في يدها بعد ماراحت هي طل على يمات رباب
جيهان بعدت يدها : ما تمسنيش بعد يدك و دورت وجها .
فهد : جاتك صعيبة تسمحيلي أنا و هي لي مرمداتك ...
قاطعاتوا جيهان : و انت جاتك بساهلة تتخلا عليا و تهينلي كرامتي عزة نفسي أقوى من أني نرجعلك
فهد : فكري مليح جيهان ،
و دار و مشا في طريقوا ، هي بدات تبكي كل ما تتفكر يحكمها البكى تنجرح من جديد هذاك الجرح ما بغاش يبرا و هذيك التبهديلة لي صراتلها ما قدرتش تنساها ، حورية شافت كل واش صرا بيناتهم و كيفاه كان فهد يترجا فيها أيا قررت تخبرها لعلى وعسى يحن قلبها
حورية: بنتي حابة نخبرك بوحد الحاجة
جيهان : أنعم عمتي واش كاين خير ان شاء اللّٰه
حورية : هذاك واسموا نسيت
جيهان : فهد واش بيه ؟؟؟!!
حورية :والوا بصحي كان ديما يسقسي عليك و هو جابك لسبيطار كما طحتي و دا معاه جهاد و قالي ما نخبركش
جيهان : 😭😭😭 كرهت كلش عمتي مانيش قادرة نسامحوا كل ما نشوفوا نتفكر واش صرالي من قبل .
حورية : على بالي قلبك حنين و مع الوقت تسامحيه
جيهان حبطت راسها و بقات غايسة في رباب و هي تشوف في يماها و تبكي فاتوا أيام la famille ديال فهد نخلعوا كي سمعوا بالخبر و واش دارت رباب لصحبتها و شافوا جيهان كيفاه كانت تعاملها رغم كل هذاك شي .
____________________
رباب دارت العملية بعد معانات كبيرة بعد عام ملي ماتت يماها و تعوقت هي ، تكفلت بيها هي و بنتها رهف غير جيهان ، نجحت العملية و رجعت رباب تمشي من جديد رجعت تهدر و هذا كلوا بقدرة ربي إن اللّٰه على كل شيء قدير ، بعد هذي الحادثة رباب تبدلت كليا ولات تصلي و تابت لربي لبست الحجاب و ما ولاتش تفوت يوم ما تفوتش على دار الأيتام لعلى و عسى تكفر على ذنبها ، على بالي راكم تخمموا في جيهان إذا سامحت فهد ولا لا تابعونا في البارت الأخير و تعرفوا كلش .
************************
واش رايكم حابينها تسامحه ولا لا ..................يتبع.
😍😍😍😍😘😘😘😘
فوت& كومونت
