أيظن أني لعبة بيديه ؟
أنا لا أفكر في الرجوع إليه
اليوم عاد كأن شيئا لم يكن
و براءة الأطفال في عينيه
لي يقول لي إني رفيقة دربه
و بأنني الحب الوحيد لديه
#نجاة_صغيرة
_____________________
#بارت8:
بعد ما سمعتْ يما بقات تستشفا فيا و كامل كانوا هكذاك لأنوا واحد ما كان موافق على هذا الزواج بطبيعة الحال أنا ما خبرتهمش بالسبة بقيت مصدوم البنت الوحيدة لي حبيتها في حياتي خانتني كرهت من الهدرة الزايدة كنت حاب نريح أعصابي مي هما كانوا يزيدوا يكملوا عليا قررت نسافر و نبعد عليهم و على هذي البلاد لي جمعتني بيها أيا كي جيت فايت من جهة دراهم شفت جهاد قاعد قدام الباب يبكي و البرد هذاك اليوم كان يقطع خرجت نجري ليه نشوف واش بيه هو غير شافني جا يجري ليا و عنقني و كمل يبكي
أنا : جهاد واش كاين ؟ واش بيك ؟!!
جهاد : عمتي حورية
جهاد بعد عليا و راح يجري لعند وحد العجوز و عنقها .
العجوز : من صبح وأنا نسنى فيك تجي واش بيك وليدي ماشي من عوايدك واش راه صاريلك ؟؟!!!
جهاد : مم..مامااا...ماااما جيه..ان
العجوز : واش بيها ماماك
جهاد زاد فالبكى
أنا : واش بيها جيهان ؟!!! جهاد أهدر .
جهاد : ما حبتش تفتح....عيييت نطبطب مانيش باغي نقعد وحدي ...😭😭😭😭
أنا دقيت الباب مي ما كان حتى ردت فعل ، كسرتها و دخلت نخلعت تقول دخلت لمغارة و هذيك العجوز ماشي قل مني دخلنا لشونبرتها لقيناها طايحة في الأرض مع شفتها تصدمت المارات لي بانوا تحت عينيها و جسمها لي ما بقى فيه والوا هذيك المرى راحت تجري ليها تفيق فيها
العجوز: يا وخضي واش صرالك آبنتي شكوون دارلك هكذا ، شافت فيا ، أنت واش بيك واقف كي صنم امشي ندوها لسبيطار
أنا فقت لروحي و رفدتها و ديناها قلت لهذيك العجوز بلي ما تخبرش جيهان بلي أنا لي جبتها لسبيطار و ما تقوللهاش بلي كامل جيت لعندها ديت معايا جهاد و مشيت يبقى جهاد ما عندوا حتى ذنب فلي دراتوا ختوا .
فاتوا الأيام جهاد كان محروق على ختوا غاضني لأنوا عاش المزيريا من صغروا كنت دايما نسقسي عليها و يخبروني أنها مازالها في غيبوبة ، يما توجور تهبل فيا باش نتزوج و ننسى جيهان و في خاطرها خطبت رباب لي كان تواصلي معاها هذيك الفترة قوي ، رفضت الضربة الأولى و هذا كلوا على جال صحبتها مي من بعد وافقت
رباب : هذا واش قاتلي
انا : من وكتا تعرف وائل و من وقتاش كان تهدر معاه ما خبراتكش
رباب : من مدة كانت دايما تحكيلي عليه مي كنت حاسبتها مجرد علاقة صداقة .
أنا كل من نتفكر قلبي ينقبض و نحس بغمة ما قدرتش ننسى و ماقدرتش نأمن مي كل شي كانت تقولولي رباب على جيهان كان يثبتلي كثر و كثر
مدام هي قدرت تخوني بسهولة même أنا نقدر نبدلها بسهولة تزوجت و la famille ديالي كامل رتاحوا لرباب و فات الوقت حتى جا اليوم لي جات لعندي هذيك العجوز و معاها جيهان كي شفتها نشف قلبي رجعتلي الصدمة الكره الحقد كلش بضربة ما حملتهاش par ce que مانيش حاب نتفكر لپاسي .
بعد ماراحوا من عندي بقيت توجور نسقسي عليها ماشي لأني مهتم بها هذا كلوا على جال جهاد خوها ، علاقتي برباب كانت لاباس بيها و كنا متفاهمين كما يلزم الحال جابت لي بنية سميناها رهف هي لي ملاتلي الدار ، دايما كان يلزم عليا نروح و نسقسي على جيهان هذا بعد مرور عام لأني شفت جهاد و حالتوا كامل مش مليحة ما يقدر يداويها غير ختوا ، هذاك اليوم كمل عليا ڨاع و دمرت كليا ما وليتش نعرف شكون نأمن و شكون ما نأمنش ، رحت لدار و لي نارف طلعولي فتحت الباب حاب نتأكد منها هي حاب نسمع واش تقولي ودخلت فجأة سمعت خبطة مصدرها الكوزينة رحت جهة الصوت
رباب كانت تهدر في تيليفون و طيحت طبسي لي فيه الفاكية زادت للاڤوا تاع تيليفون وحطاتوا فوق البوطاجي
رباب و دايرة في راسها حتى واحد ماهو فدار حبطت تلمد في شي لي طيحاتوا و تهدر بالزور باش يسمعها لي راه يهدر معاها .
.........: سمعت بلي جيهان عرفت بلي انت لي درتيلها سحر واش رايك نعودولها
رباب : ما تقوليش غير برات هذي ماكاش منها
..........: وي برات أنا ثان نخلعت
رباب : هذي المرة نديرلها سحر الموت و نتهنى منها
..........: هههههههههه لحد هذي الدرجة
رباب رفدت ساشي لي لمدت فيها و تيليفون بعد ما نقصتلوا : لا ما عندي صلاح فيها المهم بعدت على فهد و هذا هو هدفي و ما تزيدش تجبد هذا الموضوع داكوغ .
فهد خبط يدوا في الحيط و عينيه ولاو حمورا من زعاف
رباب نصدمت و طاحلها تيليفون من يدها
فهد شدها من شعرها : واش راكي تقولي ماسمعتش زين عاوديلي وهي تولول اااااااااااا : فهد ماك فاهم والوا اصبر نفهمك ...
فهد لاحها كي ليهيه : ما نزيدش نشوف *** يا وحد *** خرجي عليا راكي مطلڨة .
رباب بدات تبكي و زجاج جرحلها يدها راحت تجري خرجت فتحت طونوبيل و بدات تمشي بيها بلا عقل و تبكي حتى جا كاميوا معاكسها كان حارڨ هي ما قدرتش تفريني كانت تمشي بأقصى سرعتها .........آآآهااااااااااااا.
أما فهد قعد فالكوزينة و طاح فالأرض و شد في راسوا كلشي تخلط عليه ما راهوا فاهم والوا ناض و بدا يكسر و هذا شي ماهوش من عوايدوا فجأة سمع تيليفونها يصوني يلي راحت و خلاتوا لقى رقم مجهول فتح عليه .............
**************
فوت & كومونت
