"تأملت في الحياة مليا فوجدت فيها شيئا لا حد له و لا نهاية ، شيئاً لا يشترى بالمال ، شيئاً لا تمحوه دموع الخريف ، ولا يميته حزن الشتاء ، شيئا لا توجده بحيرات سويسرا و لا منتزهات إطاليا .....شيئا وليد لحظة تفاهم و ثقة ، شيئا يموت من يبخل به و يحي واهبه .....
......وجدت فيها الحب "
#جبران خليل جبران
#بارت2:
نضت صباح بكري قيس 5 تاع الصباح وجدت الغدا ليما و خبيتوا .
ماما : واش راكي ديري مع صباح ربي ؟؟؟!؟ شحال من مرة قتلك ما تشقيش روحك .
أنا شديت فيها و قلت : يما ما نلقاك ديري والوا حتى نرجع و دوكا روحي تريحي راكي عيانة ، الغدا راح واجد من بعد غير حميه .
يما نزلت دمعة من عينها و عنقتني : ربي يخليك لي بنتي و ما يحرمنيش منك ، بلا بيك كيفاه نعيش .
أنا مسحتلها دمعتها و سلمتلها على راسها : ما تفهمناش هكذا ، دوك نزعف أيا ضحكي .
ماما تبسمت ابتسامة صغيرة 😊😊😊: ربي يوفقك بنتي بنتي
أنا : آمين يا رب ، ماما بالمناسبة اليوم آني رايحة ندي خويا لطبيب
أنا : اللّٰه يسهل حبيبتي ، ربي يعطيك ما تتمناي
أنا : كيما قتلك ريحي روحك
ماما : أنا تهنيت ، غير روحي راه فاتك الوقت
من ثم ركبت في طونوبيلتي و رحنا عندوا و كان هذا أول لقاء 😍😍😍أول مرة حسيت أنوا واحد جذبني بقيت نخزر ليه و في تصروفاتوا كيفاه كان يعامل جهاد بهدوء ويقنعوا ، ما وخرتش عيني عليه حتى دار شاف فيا أنا حشمت هبطت راسي 😳😳😳هو إبتسم إبتسامة صغيرة😇😇😇و كمل خدمتوا ، حسيت تحسن ملحوظ في جهاد و فرحت بزاف بهاذ شي ، وليت كليوم نديه ليه خاصة و جهاد حَبْ دكتور فهد و تفاهم معاه .
فاتوا أيام يوم ورا يوم وهذا يومي الأخير عندوا الهدرة بيناتنا كانت رسمية غير أنا قلبي مقطعني 💔💔💔باسكوا وليت نبغيه .
جهاد : حاب نخرج برا نتنفس ، ماما عييييييت 😷😷😷 " جهاد يقولي ماما باسكوا غير أنا لي نهتم بيه "
أنا : ok يله
جهاد :عمي يله معااااااانا 😊😊😊
فهد : ok .
جهاد شدلي في يدي و شد في يد فهد من جهة تانية أنا حشمت بدا يجري بينا 😂😂😂😂
أنا : ياااااااه مهبول حبس
جهاد : راني فرحاااان بزاف
صد ليا و قالي : نحبك ماما 😍😍😍أنا إبتسمت و من بعد صد لفهد و قالوا : نحبك بابا وبدا يضحك ضحكتوا صفرة فيه ما يكفيه و خرج يجري فهد شاف فيا في نفس الوقت لي شفت فيه أنا حشمت و هبطت راسي😳😳😳ما عرفت نتبع جهاد ولا نقعد واقفة معاه ياااااا حشومتي راح تفضحيني 😱😱
فهد بدا يضحك 😂😂: تعجبيني كي تحشمي
أنا رفعت راسي زعما زعفت هههههههههه لقيتوا مزال يخزر فيا وجهي ولا كي طوماطيشة 🍅🍅🍅
جيت ماشية و مخلياتوا أيا قاطعني في نص طريق
أنا : واش راك باغي مني دكتور ؟؟؟!! ، جهاد الحمد للّٰه راه مليح يعطيك الصحة .
فهد : مي أنا قلبي ماهوش مليح 💘💘😍😍😍
خزرت فيه في الوقت لي تلاقات عيني بعينوا حسيتوا حاب يقولي حاجة واش يحبني لا مستحيل ؟؟؟!! ههههه بصح واش كان يقصد بهذيك الهدرة ؟؟؟؟!!! ................يتبع
********************
فوت & كومونت
