قعدنا نتونس بعد شربنا القهوه ، قال لي انتي الكبيره! قلت ليهو لالا عندي اختي اكبر مني متزوجه و ربة منزل بس 😂💔و انا و ملاك و ابوي متزوج مره تانيه جايبه سامي و ساجد قال لي يعني ساجد اخر العنقود ! قلتا ليهو ايووه 💔 قال لي ليه ما عالجتوهو ! لمن حالتو إتأخرت كده ؟ قلتا ليهو ظروف ابوي و شغلو على قدرنا و العمليه غاليه شديد 45 مليون قال لي و رفضو يعملوها ليهو ! قلت ليهو ايوه الا بي مبلغ مكتمل قبل العمليه حتى يفتحو ملف لساجد ، قال لي لاحول ولا قوة الا بالله ، هسي لميتو كم طيب! قلت ليهو 29 تقريباً ، قال لي سندس الولد ده ما ح ينتظر لحدي ما تتمو الباقي بالتقطيع كده، اخوك لازم يعملها سريع قلت ليهو والله مشينا لكل الجهات المفروض تساعدنا بس ما ساعدونا بي شيء كده يقولوا عليهو ، قال لي طيب اذا انا تميت الباقي ح توافقي! نططتا ليهو عيوني وقلتا ليهو طبعا لا ده كلام شنو ، انا ما حكيت ليك عشان تشفق علي قال لي الجاب سيرة الشفقه منو هسي ! انا قلت ليك اساعدك اعتبريني جهه زي المشيتو ليها قلت ليهو لا انا رافضه و خلاص ، بعرف ادبر اموري كيف قال لي سندس ما تعاندي ساي! انتي عنيده ليه كده ؟ قلت ليهو لا و اقفل الموضوع عشان ما اخد موقف منك ، قال لي اعتبري انو ده مرتب مقدم و انا ما ح اصرفك كم شهر لقدام ! قلت ليهو رياض لا انا ما دايره مساعده ح اتصرف براي ، قال لي كيف؟ وانتي الوحيده الشغاله كويس يمكن في البيت ! قلت ليهو بس خليني وياريت ماتفتح معاي الموضوع ده تاني تمام! عاين لي بصره وقال لي انا ما قلت كده عشان تضايقي قلتا كده عشان ساجد بس ، انتي ماعارفه خطورة المرحله الهو فيها ، قلت ليهو برضو ح اساعدو لكن بقروش تعبي بس ما قروش شفقه من زول قال لي طيب تمام براحتك و سكت ، قلت ليهو قمنا ؟ قال لي كويس يلا قومي .. اليوم داك كان اول يوم احس بوجود راجل في حياتي 💜 نحنا في الطريق اتصل عليهو صحبو زين سلم عليهو وعزمو حنة اختو الكان ناسيها رياض و شايلها من راسو، لمن قفل قلت ليهو و انا بضحك ده زين ! قال لي بتعرفي من وين!! قلتا ليهو ماشفتا يوم جا الوكاله وانا ماعارفاهو صحبك قبليها اتلائمتا معاهو بالتلفون شبكني مابتعرفيني و لمن اجي و كده ، لمن جا و لقيت ناس الوكاله بعرفوهو دخلتا في ضفوري ، قام ضحك قال لي اي اصلو كده دي حركاتو لكن زول ظريف قلت ليهو اي اي ظاهر فيهو 😂😂 قام عاين لي قال لي ما تمدحيهو قدامي قلتا ليهو ليه 😳 قال لي بس كده ، قمتا ابتسمتا بس و سكتا قال لي ما تضاحكي شايفك قلت ليهو خلاص سكتا اها 😂😂💔 فتح المسجل بتاع العربيه اغنيه اشوفك بكره في الموعد 💜 تصور روعة المشهد ، قلت ليهو ياسلااام بتسمع اغاني فيها معاني! قال لي طبعا ياخ بس اتخيلي اني ما بحب الحفلات ! بمشي اخر خمسه دقايق اسلم على العرسان و ابارك و ابقى مارق قلت ليهو ليه! قال لي ما بحب الجووطه ، و تخيلي بعد ده اقرب زول لي جواط ! قلت ليهو اخوك ! قال لي لالا ما عندي اخو كلهم بنات قصدي ليك زين , قلت ليهو اصحاب قدام ؟ ضحك و قال لي قدام دي شويه على الوقت العشناهو سوا ، من الثانوي و قرينا الجامعه سوا ، انا قريت طيران و هو قرا هندسه مدنيه قلت ليهو بالله ! لكن الوقت كلو ما بعض حتى و نحنا بعاد بتلقينا عارفين تفاصيل بعض الا حاجه وحده ! قلت ليهو شنو ؟ قال لي البنات البنعرفهم اي واحد فينا بدس مرتو بعيد 😂😂 قلت ليهو ليه ! قال لي عندنا دي خصوصيه لا هو بسألني دي منو ! و لا أنا ! قلت ليهو ايوا احساس ده شرفك و كده ! قال لي بالضبط , قلت ليهو يعني انت عرفتا بنات كتار؟ قال لي اييييك كتار دي شويه قلتا ليهو بالجد😳 قال لي اي والله ، لكن ما كنت جادي ولا مع اي وحده فيهم ، قلت ليهو ايواا النوع البلعب! قال لي لا والله لكن مافي وحده حسيت انها بتنفع تكون ست بيتي ، قلت ليهو يعني في خوف منك .. قال لي لالا اتطمني , قلت ليهو و ماعندك بنات اهل جاهزات للعرس! قال لي ديل اول ناس مابنفعو معاي, قلت ليهو ليه؟ قال لي مصطنعات .. قلت ليهو والله لكن انت بس شكلك بتهرب من العرس ما اكتر😂😂💔 قال لي شوفي يا سندس يمكن البنت لمن تدخل في علاقه طوالي بجيها احساس انها عايزة الزول ده يكون راجلها و تعرسو و قصتها تنتهي بس ، لكن الراجل لمن يعرف بت بقيس كل الابعاد الممكنه قبل و بعد العرس عشان كده اختيارو للبت و يكونوجادي معاها صعب انتو بتقولوا انهم بلعبوا بالبنات بس لا ما كلهم بعرفوا البنات للضحك و الونسه مرات الواحد بفكر في فلانه دي جديا لكن لما يقرب ممها و يتعمق في معرفتها ممكن يتراجع تفاديا للطلاق بعدين ، صعب الراجل يلقى شخصيه بنت تناسبوا ، عشان كده حب الرجال قوي و صعب و نادر في نفس الوقت يعني كاظم الساهر العايزنوا كلكم ده ما بتلقي بالساهل لانو هو نفسو مابلقى الشخصيه الدخلت راسو و الممكن يعمل اي شي عشلن خاطرها ، عكس البنات الواحده من تعرف واحد خلاص بقى حياتها و دنيتها و فشفاشها عديل 😂😂💔 قلت ليهو ما كل البنات بحبو العلاقات في بنات بشبهو الرجال في الحب زيي انا مثلا ما حصل اديت حبي و اهتمامي لي زول و لا فكرتا اخش في علاقه ما لاني ما جاهزه ليها لكن ما جا الزول البستاهل مني الصبر و الحب العظيم ده ، ابتسم و قال لي بجي ان شاء الله اللحظه ديك عاينتا ليهو وهو سايق جاني احساس اصارحوا و اقول ليهو هو جا لكن بعيييد مني و فرقنا فرق السماء عن الارض ، لحدي ما وصلني البيت و نزلتا و مشى .. اليوم التاني من أحلى يوم مرا علي سجلتا كل تفاصيلوا في كتابي القدييم المقفول بطبله و مفتاح 💕 مشيت الشغل بدري و مروقه رغم انو مافي رياض بس لحظات رياض الأمس كانت كافيه تصبرني اليوم ده كامل ، اشتغلتا و طلعتا من الوكاله مشيت البيت ، بالمساء بشرب في شاي بالبن مع ابوي و مرتو و ساجد و سامي في الحوش جاتني رساله " كوني ما سمعتا صوتك من امس تاني ، اشتقت ليهو شدييد " قعدتا اتبسم و اغمس في البسكويته برا الكبايه. ابوي و رشيده بقوا بعاينو لي ، قالوا لي سندس😳 وين سرحانه انتي ! حتى انتبهتا للبعمل فيهو ، قلت لي ابوي خلاص شربتا كفاي انا ماشه بيتنا عشان الشغل بدري ، ابوي حسى بي ما تمام لكن ما سألني خلاني امشي في الشارع كنت بتبسم و بتضاحك براي لحدي مارياض اتصل علي خليتو ما رديت تاني اتصل و برضو قلتا اتقل شويه تالت مره رديت و انا بفتح في باب الشارع و طوالي على الزقاق البودي للمطبخ و بنبري قعدتا فيهو قلت ليهو اهلييين قال لي يعني ما كنتي ناويه تردي ! قلتا ليهو اي دايراك تشتاق لسه قال لي والله انك مستهبله كبيره ياسندس ، ضحكتا قال لي كنتي بتعملي في شنو ! قلت ليهو كنت مع ساجد و رجعتا البيت ، قال لي ايوا تمام عايز اقول ليك حاجه , قلتا ليهو قول ؟ قال لي اشتقت اشوفك ، خجلتا و سكتا بقيت بقرم في ضفوري😂😂 قال لي سكتي ليه ! قلتا ليهو ماعارفه اقول شنو قال لي ح اعد لحدي تلاته لو ما رديتي ح اقفل الخط واااحد اتنييين تلاا قلتا ليهو اشتقت ليك شديييد ياخ 💕 ده سؤال كمان تسألوا شدييد والله كنت حاسه باليوم كأنوا سنيين ، بعدها انشرحنا في الونسه💜 الشوق الكتييير الكنا حاسين بيهو اللحظه ديك كانوا شوق الدنيا كلو، اتونس معاي ساعتين لحدي ما الرصيد قطع و تاني نزلو و هو زين و انا سوداني ، امن جات الساعه 11 قلت ليهو خليني انوم نعستا و بقيت بثائب قال لي ما تنومي قلتا ليهو ايوااا و لمن اجي متأخره بكره تكتبني انذار و تخصم مني ! قال لي بكره اجزتا ليك خلاص ما تمشي قلت ليهو رياض الشغل شغل ما ممكن اغيب و ما اتحاسب براهم البنات خالقين حساسيات معاي ، قال لي طيب ح اخليك تنومي و امشي الصباح و الضهر ح اجي اسوقك قلت ليهو وين كمان😂 قال لي مكان بس مالك قلت ليهو طيب تصبح على خير وقفلنا ، الصباح قمتا نشييطه و مبسووطه لمن بغني و معنوياتي في السماء ، قلت اعمل تسريحه جديده عملت ضنب حصان في النص و بي الاطراف فاري و لاينر و روج احمر كنت حلوه و انا زاتي عجبتني روحي😂💔 شلتا فستاني اللحمي بتاع الشفون في الشنطه و جكت الجينز النص و طلعتا بعد حلاتي دي ركبتا المواصلات زي زي الناس بعافر فيهم 😂😂 لمن وصلتا و اشتغلتا حسيت كأنو خطيبي جاي يسوقني ، بعد الضهر دقا لي راض قال لي انا بره اطلعي ، قلت ليهو ثواني ، دخلت حمام الوكاله غيرتا بالفستان وطلعتا نيرمين كانت مخلوعه فيني مالي😂💔 قلت ليها معزومه عرس ، طلعتا بره لقيت رياض نازل من العربيه لابس بنطلون جينز و قميص كحلي غاامق 💜 قلت في سري مطقمين نحنا ، مشيت وقفت قدامو و هو سرحان في الساعه قال لي مساء الخير💜 قلت ليهو مساء النور ياخ عاين لي من فوق لي تحت لابسه شبط بتاع ورود بني فاتح قال لي حلاتك خجلتا😊 قال لي قمر بس ما شاء الله، قلتا ليهو رياض خلاص خلينا نمشي ياخ بطل مشاغلاتك دي ، وعايزه اركب قام عارض لي بيدو في وشي قال لي انتي فيك حاجه بتخلي الزول يتسحر بيك طوالي💜 من ياتو دنيا انتي ، خليتيني امبارح ما انوم الليل كل ما اغمض صورت ضحكتك كانت بتجيني قمتا من سريري فتحتا التلفون وبقيت بعاين في صورك قلتا ليهو صوري 😳 قال لي ايوه صورك حقتي انا ، قلت ليهو وريني ليها قال لي ابييت قلتا ليهو رياض 😒 قال لي مش قلتي نتحرك يلا عشان ما نتأخر قلتا ليهو بدلع ريااض عليك الله ضحك و حاكاني عليك الله ، قلتا ليهو وريني بس عايزة اشوف قال لي طيب بس بشرط قلت ليهو اها شنو ؟ قال لي تقولي لي حبيبي رياض بي زوق و ادب ، عاينتا ليهو 😳 رياض😳 ضحك و قال لي اركبي طيب مافي صور ، ركبتا بعد الطلب بتاعو ده اتوترتا مشينا مطعم بتاع سمك 💜 بعد اكلنا و انتهينا قعدنا شويه في العربيه كان المغرب على وشك خلاص ، قلت ليهو خلاص نرجع عشان ما أتأخر على البيت ، فتحتا شنطتي أتأكد مفتاح البيت معاي و أنا منزله راسي بفتش في المفتاح كان بعاين لي و انا بفتش و افتش ، قرب مني حسيت بيهو قرب لمن أنفو هبشت فروتي كان عايز يشم ريحة راسي ، طبعا اتخلعتا و رجعتا لي ورا طوالي و رميت الشنطه قال لي مالك خفتي ! قلت ليهو قربتا مني ليه ! سكت و قبل على شباكو قلت ليهو رياض 😳 للحظه فهمتو غلط عايز يساعد ساجد و قرب مني تاني ، قلتا ليهو رياض! قايلني ممكن اغلط معاك ؟ اتلفت مخلوع 😳 قال لي تغلطي! يابت انا غلطتا معاك ؟ قلت ليهو كنت ناوي و طوالي صريت و زعلتا قال لي سندس ! انتي قايلاني النوع ال كده ؟؛ قلت ليهو احتمال ! ولد عز وسيم و غنيان و كل السبل متاحه ليك عادي ممكن تفكر اني وحده ضعيفه و حاعمل ليك الدايرو ! قال لي سندس ؟ قلتا ليهو بلا سندس بلا زفت ، نزلتا من العربيه شلت شنطتي و مشيت وقفتا و هو ولاا كضب دور عربيتو و فااات خلاني زعلت زعل منو 😒😒 اليوم داك ما خليت نبذه ما قلتها فيهو ، رجعت البيت زهجانه ماشه بتكلم براي في الشارع انا اساسا شكلي حلمتا شديد واحد زيو ح يعاين لي بي ياتو زاويه مثلا ! وقفتا عاينتا لي بيتنا مساافه قبل ما ادخلو و قلت انا مستحيل اكون لرياض احسن ابعد منو من هسي ، يومين هو عامل زعلان وما عبرني اشتقت ليهو بس ما قدرتا ارسل ولا اتصل ، لحدي اليوم التالت كان مفروض يمر وده يومو ، جا الشغل داخل ولااا سلم علي براي بس قال السلام و دخل المكتب قعد دقيقتين و اتصل علي في تلفون المكتب قال لي جيبي لي تقرير الاسبوع جوه ، شلت التقرير و برسميه دقيت ليهو الباب كابتن رياض ممكن ادخل ! قال لي اتفضلي ، كان مصدع برضو و ظاهر من عيونو الحمر 😭 بس ما قدرتا اسالوا قلب التقرير و انا كنت بعاين ليهو بدعك في جيبنو ، ما عارفه الخلاني اتهور شنو اللحظه ديك و قمتا مسكتا يدو البفرك بيها جبينو قلت ليهو ما تضغط على اعصاب عيونك ، ماقال لي حاجه ولا سألني و لا مزل يدي منو عاين لي و غمض عيونو ، قريت ليهو تحصين في جبينو براحه بي يدي و نزلتها هو كان مغمض لمن نزلتها فتح و مسكها قال لي بتريديني! طبعا سؤالو جا في وقت ما كنت متوقعاهو ، سكتا قلتا ليهو فك يدي قال لي بتقدري تفكيها مني براك بس انتي زاتك ما دايره تبعدي ، قرب شويه و هو لسه خاتي يدي في المكتب و ماسكها قال لي الله عالم اني ما فكرتا فيك بالطريقه الأنتي فسرتيها ، اي اتصرفتا غلط لمن قربتا منك لكن كنت مشتاق ليك و ماعارف الخلاني اعمل كده شنو ! انا بريدك ياسندس بريدك شدييد ، ما حسيت بي الشعور ده قبل كده الا معاك انتي ، حاسي انو اول مره احس بي حاجه مميزة زي دي اول مره اكون عايز بنت تكون معاي الوقت كلو ، ساعتها حسيت بيهو جادي شلتا يدي منو و قلت ليهو رياض انا كمان بريدك و دي اول مره يدخل زول حياتي اساسا ، بس زي ما بريدك زي ما شايفه حاجات كتيره انت ما شايفها ، فرق المستوى و الاهل رياض مافي داعي اذكرك بوضعي ، خلينا ننهي الريده دي قبل ما نتعلق ببعض اكتر من كده قال لي انتي لسه ح تتعلقي ! قلت ايهو رياض انسى الموضوع ، طلعتا بره ختيت يدي في قلبي حسيت بخوف غريب اللحظه ديك من شنو ما عارفه 💔 نيرمين لاحظت لي متوتره و ماسألتني مالي ، عدى اسبوع و التاني وراهو و رياض ما اتصل للحظه حسيت انو خلاص شال الفكره من راسو ، بداية الاسبوع التالت رسل لي رساله بالمساء قال لي " عارفه ليه بقيت مابمر على الوكاله ! عشان انتي فيها " قلت ليهو " هي وكالتك و انت حر فيها ممكن اسيبها " قال لي " عنيده كده ليه ! " قلت ليهو " انت البتعاند في حاجه مصيرها معروف " رد لي " منو انتي عشان تحددي القسمه و النصيب! " رديت عليهو " رياض خلاص " قال لي " لا ما من حقك تعلقيني بيك و ببساطه تقولي لي انسى " قلت ليهو " اعمل شنو ؟" قال لي" اذا خايفه من ردت فعل اهلي ، خلينا نكلمهم من هسي! " قلت ليهو "قصدك شنو ؟" دقا لي تلفون رديت عليهو اي ؟ قال لي خليني اعرفك على اهلي قلت ليهو ما حيتقبلوني ، قال لي هم لسه ما شافوك ! قلت ليهو رياض قال لي اسمعيني بس خليني اجمعك بيهم انا بتكلم معاهم و بخليك تقابليهم براك اول ، قلت ليهو مصر يعمي لسه ! قال لي سندس انا ما ح اسيبك بسهوله كده ، اتبسطتا لمن سمعتو قال كده💜 حسيت بي روحي مقيمه ، قلت ليهو طيب تمام و لو اني خايفه من ملاقات امك لكن ما علينا .. كلم امو بي انو داير وحده اسمها سندس و كده و قالت ليهو خلاص نعزمها غدا بعد بكرعه عرفنا عليها ، بيت ناس رياض كان عماره فيها اربعه طوابيق كل طابق لي بنت و هو اخر طابق ، ما كانوا ناس معقدين و لا امو كانت بتختار ليهو ، لمن قال ليهم انو دايرني ما عارضت بالعكس عملوا عزومة الغداء و انا غبتا من الشغل مشيت مع امل اشترينا فستان راقي بااسود وابيض مخطط بالطول ، و اتأنقنتا و اتظبطتا و رياض جا ساقني من بداية شارعنا ، ماشين على بيتهم كانوا منتظرين اخواتو وامو ، ابوهو متوفي جهزوا اي شي و انتظرونا و انا طول الطريق متوتره من المقابله دي 😭😭😭
