وصلنا البيت ، لمن نزلتا و شفت البيت انا اتخلعتا بصوره كده😂😂 ما كنت متخيله البيوت البتكون سمحه كده بكونو فيها سودانيين اساسا كنت قايلاها بيوت اجانب ، قال لي اتفضلي عاينتا ليهو قال لي ما تخافي انا ح اقعد معاك وسط اخواتي ادخلي برجلك اليمين ، قمتا اتوكلتا و دخلتا و انا قلبي برجف من جووه الباب بتاع الحديد بدخل للحديقه و مسافه كده حتى باب خشب بدخل للبيت العماره الجميله 😭😭 حتى مزخرفه بره بي بنيان كده كأنوا الصممها هندي 😭💔 ، دخلنا اول شقه كبيييره واااسعه دي حقت امهم دخلني قعدني في الصاله و قعد مواجهني عايز يضحك و ماسك نفسو ، قال لي تعابير وشك كده مالك قلت ليهو انا خايفه قال لي ما تخافي انا و انتي بس الفي البيت اهلي مافي ، وقفتا على حيلي مخلوووعه قلت ليهو نعم 😳 قعد يضحك قال لي يابت يامانصيحه اثبتي بالله مالك ! امي دي انسانه يعني ما وحش بتاكل الناس ، استوب اشغل ليك اغنية تروقك طلع الايفون بتاعو و فتح انغامي و شغل اغنية علمني حبك سيدتي أسوء عاداتي 😂 و بقى بغني بصوتو الشين الاشتر ده 😂💔 قلت ليهو رياض على فكره زدت التوتر علي زياااده بصوتك 😂💔 ضحك و قال لي خلاص قفلتو 😂 جات امو واخواتو المتزوجات و لينا كلهم داخلين ورا بعض ، امو كانت صغيييره شديد و الظاهر عليها بتحب الجيهه و التشبشب عامله شعرها ضنب حصان و من قدام بوف ، لابسه عبايه خليجيه بس جسمها ما سمين و ما نحيف ، وشها جميييل شديد و ما منفوخ زي بقية النسوان😂😂 عامله قلوس و مخططه حواجبها بالبني و كحل و انا ما بعرف ليوم الليله اخطط حواجبي 😂💔 عجبتني شديييد تتشاف مرت رياض مش امو ، و الغريبه اخواتو المتزوجات بتشافوا اكبر من امهم بس برضو سمحات اما لينه ديك نجفه بس😍 شعرها ده طويل عاملاهو بي ميج دهبي ولابسه استرتش اسود و بلوزه رااايقه كط 💜 و عامله روج احمررررر و بتاكل في لبانتها و هي الوحيده الفاتحه زي امها كلهم سمر الباقيين ،، لمن وصلوا انا وقفتا طوالي و رياض برضو امو مدت لي يدها اهلين قلت ليها اهلين و بعدها اخواتو و مشوا اتوزعوا في الكراسي ، الكنبه القعدني فيهها رياض كنت قاعده براي حاسه نفسي في امتحان و العائله كلها قدامي ، عاين لي لمن رفعتا راسي بعيونو يعني مالك متوتره كده ابتسمتا ليهو بس و سكتا ، جات داخله الشغاله قدمت لي عصير انناس طبيعي مخلوط😍😍 الناس ديل راقيين بشكل و جنبو موية صحه و كبايه شفتا فيها وشي😍 من نضافتها ، لمن شفتا المويه براي ابتسمتا اتذكرتا لمن مشينا و عملتا القهوه من المويه العاديه ، ما حسسني انو بشرب موية صحه في البيت ولا عاافا من المويه عشان يحرجني😍 ، عاينتا ليهو بحب كده 💜 بس هو فهم نظرتي غلط المره دي 😂 شال تلفونو و جا قعد جنبي في الكنبه ، امو قاعده تعاين ساي 😒 بي تحت تحت قال لي عشان ماتتوتري انا جنبك و من جهة اهلك كمان 💜 ، احساس الأمان الكنت حاساهو الوقت داك ياااه ما بتعوض ابداً 😍، لينا عاينت لي قالت لي اشربي قلت ليهو حاضر بشرب ، سألتني انتي قريتي في السودان معاي! قلت ليها ايوه قريت حاسوب قالت لي اهاا انا قريت لغات طبعا انتو عشان اخر الجامعه كده و احنا بدايتها منفصلين منكم ، قلت ليها اي المسافه بعيده من مقصورات لي ربيت قالت لي لكن كليتكم فيها حركه كده و بهجه و ناس استايلات كلهم وما بحسسوك شغالين بالقرايه كتير ، رياض قال ليها هييي انتي بتتكلمي مع وحده من اوائل الدفعه قالت لي بجد😳 قال لي ايوه سندس متخرجا بمعدل عاالي و كانت شااطره شديييد ، قالت لي معناها ح تبدعي في مجالك شديييد مدام بتحبيهو ، قلت ليها و انتي مابتحبي مجالك ؟ قالت لي بصره ما كنت ناويه ادخلو لكن الجنبك ده دخلني ليهو 😒✋ عاينتا لي رياض قلت ليهو ليه يا رياض كان تخليها تمشي رغبتها ، ضحك و سكت و برااحه كده قال لي لو كان مشت رغبتها انا كنت ح الاقي رغبتي كيف 💜 خلاني اتبسم تاني زي العويره ، امو دي كانت بتتفحص فيني من تحت لفووق من ملابس و شبط و لوني وشعري و ماخلت شي ما اتفحصتو بعيونها الكبار ديل ، بعدها يادوب فتحت خشمها معاي قالت لي سندس انتي من وين ! قلت ليها من كسلا قالت لي بابا ولا ماما ! قلت ليها ابوي من كسلا و ماما من الخرطوم هنا بس ، قالت لي ايوه و ساكنين وين ! قلت ليها الكلاكله اللفه و سكتا لقيتها منتظره مني وصف البيت وصفتو ليها ، قالت لي عندك اخوات ! قلت ليها بتين و ولدين قالت لي ابوك شغال شنو ! السؤال المحرج ، قلت ليها شغال عامل في مصنع اللحظه ديك لمحتها عاينت لي رياض طوالي و بعدها سكتت ، اختو الكبيره كملت عنها قالت لي امك شغاله! قلت ليها لالا ، و اختك؟ قلت ليها وقفت تعليمها من زمان ، قامت سكتت قالت لي اشربي العصير .. شربتو و بعدها بدو هم يعرفوني و حده راجلها شغال في البنك مدير عام و وحده راجلها شغال مهندس معماري ، حسيت بنفسي الوحيده الصغيره هناك و اهلي صغار قدامهم اتضايقتا من القعده و رياض لاحظ لي ، سألني بي تحت حبيبي! نمشي؟ قلت ليهو اي ، وقفنا سلمت عليهم و قالوا لي نتقابل تاني قلت ليهم ان شاء الله ، طلعنا طوالي ركبنا العربيه .. و انا ساكته رياض قال لي انتي مالك ؟ في حاجه ضايقتك ! قلت ليهو لالا مافي شي بس شكلي مرهقه ، قال لي من شنو ! قلت ليهو مرهقه بس يارياض ، اتكلت في شباكي و غمضتا عيوني ، كنت عايزه ابكي ماعارفه ليه ! بس جاني احساس اني عايزة ابكي عشان كده غمضتا ، رياض شغل المسجل اغنية الليله لاقيتو 💜 قمتا ابتسمتا و انا مغمضه قلت ليهو انا بريدك ، ابتسم و قال لي و أنا بريدك اكتر قومي خلاص خليني اشوف عيونك قلت ليهو لا ابييت ، قرصني في خدي الشمال و انا مغمضه ، ضربتو على يدو زاتها القرصتني و قلت ليهو اقعد ساي ، قال لي اشتقت ليك شدييد فتحتا عيوني و رجعتا اتكلتا في كرسيني و بقيت بعاين ليهو قال لي بتعايني لي مالك ! ، قمتا ختيت يدي في يدو السايق بيها و قلت ليهو رياض انا خايفه اخسرك ، كنا خلاص وصلنا شارع البيت و بقيف لي قدام بنتظرني ادخل و بعدها بدور يرجع ، لمن وقفنا قبل علي من شنو خايفه؟ قلت ليهو مابعرف بس متوتره و خايفه ابتسم وتاني قرصني في خدي اليمين قال لي اي وحده بتتوتر لمن تشوف ام حبيبها اول مره ، افكارك الخاتها دي ابعديها من راسك انا مستحيل اخليك يا سندس و مستحيل ابعد منك ، انتي دنيتي كلها و فرحتي قلت ليهو و منى الفؤاد اذا تمنى ، قام ابتسم تاني و قال لي مدام عارفه اننا بنريد بعض و عايزين بعض خاله الخوف يخش قلبك مالك ! قلت ليهو خلاص خدودي حمرو من القرصه 😒✋ قام نزل يدو و قال لي اروح ليك الاثر! قلت ليهو ما بروح قال لي بروح قلت ليهو ب شنو ، عاين لي كده فهمتو من نظرة الخبث ديك 😂😂 طوالي فتحتا الباب و نزلتا قعد يضحك 😂😂 اشرت ليهو من بعيييد باااي باااي ، و مشيت لحدي ما وصلتا بيتنا بعدها هو مشى ، وصل البيت زاتو و لاقى امو بس قاعده في الصاله في تلفونها بتتكلم جا بعد جنبها رقد في كتفها قال ليها اممممي اها مرت ولدك كيف ! قالت ليهو والله البنت حلوووه و متعلمه ، قال ليها شفتي عيونها حلوه كيف! قالت ليهو كلهااا جمييييله يارياض ، قال ليها اتوقعتك تقولي كده و باسها في خدها و راسها و قال ليها عندي مشوار مع زين بجيكم راجع بعدين قالت ليهو تمام ، طلع و هي شالت تلفونها اتصلت لي صحبتها بقت بتتكلم معاها و تسألها نحنا مفروض بعد ده نستعجل في خطوبة رياض و ياسمين ، صحبتها قالت ليها لو انتي شايفه كده انا ما عندي مانع انا اساسا قبل فتره اتكلمت مع ياسمين بنتي و قلت ليها انو رياض دايرها و شكلها هي من زمان كانت منتظراهو لأنو طواالي وافقت بقيت منتظره الرد منك يا ام رياض قالت ليها و الله انا زاتي كنت منتظراهو يقرر يعرس براهو لكن مدام خلاص بقى جادي في فكرة العرس ح اكلموا طوالي هو يلقى وين احسن من ياسمين زوق و ادب و اخلاق و بت ناس .. قفلت من صحبتها المتفقه معاها من زمااان انها تخطب ياسمين لي رياض .. مشت جمعت بناتها في غرفة لينه و قالت ليهم رايكم شنو في سندس؟ اول وحده ردت اختو الكبيرت قالت ليها والله يا امي هي حلوه و شديد كمان لكن لمن اتكلمت عن اهلها صدمتنا والله ، قالت ليهم اها شفتو اخوكم ملصوق فيها كيف ! قالت ليها لينه انا غايتو وضع اهلها ده ما عجبني ما ممكن رياض عشان عاجباهو يجيب لينا وحده ماعندها اسم ولا ابوها زول معروف و هو كم وحده و وحده من بنات الناس الفوق دايرنو امها قالت ليها يابت بس اصبري علي نهاية اخوكم ياسمين بس ،، خليهم يحلموا ساي بالعرس لا بعرف انو دايرها ولا ح يموت بي وراها اختو التانيه سألتخا ح تعملي شنو يا ماما لكن انتي عارفه رياض ممكن يعاند كيف ! قالت ليها و انا ما ح اصبر لمن يعاند بكره دي بتصرف ، قامت على حيلها و مشت غرفتها .. رياض كان مبسوط اليوم داك الا انا كنت شايله الهم ما قادره انوم بتقلب في السرير و هو طلع مشوارو مع زين و كلموا انو ناوي يخطب قريب زين فرح شديييد بخبر رياض و قال ليهو ح امشي معاك يوم تكون عايز تطلب يدها من ابوها ، حنسو عشان يوريهو البت لكن رياض كان بتعاور معاهو و شغال ليهو مفاجأة بس ... مرا اسبوع من يوم مشينا لي اهلو و مع بداية الاسبوع التاني مافي خبر من اهلو ، الصباح جا🌼 و اي زول في همو انا مشيت الشغل و رياض في المطار و امو ركبت مع سواقها و جات حلتنا ، نزلت من العربيه لقت شافع صغير مسلط و قليل ادب سألتو وين بيت ناس سندس ! قال ليها هدااك ليهو لكن هو ما بيت ناس سندس هو بيت عمو سيد المصنع 😂 اداهم ليهو مجاااني عشان ساجد عيان عايز يموت و هم بلموا القروش ليهو بدل يدفعوها قالت ليهو عندو شنو قال لبها ما عارف مرض اسمو قده في قلبو يغني قلبو ح يتنفس زي لستك العربيه 😂😂 عاينت للشافع وسخان و فلينتو مشرطه كذاب و ادتو خمسين جنيه و سألتو الجات داخله من بعيد ديك منو قال ليها امهم ، كانت امي لابسه توب عادي قديم لكن نضيف و لافاهاو و شايله صينية خضار عايزة تدخلها بيتنا بعد كشفت للوضع رجعت ركبت مشت بيتها ، في طريقها للبيت اتصلت للوكاله سألتهم عني لمن وصلوا لي التلفون انا قلبي عايز يطير من الخوف سلمت علي و عزمتني غدا انا طبعا عزومتها دخلتني في شك بس قلت ماشي كدي نمشي ، بعد الشغل مشيت ركبتا و مشيت بيتهم وصلتا و دخلتا لقيتها قاعده محضره صفره اكل و منتظراني سلمت علي كويس و قعدنا اول في الصاله و انا لسه ماعارفه سبب العزومه شنو ! ، قالت لي الشغاله الاكل جاهز! قالت ليها ايوه قالت ليها نادي ياسمين من فوق ، قالت لي طبعا ياسمين دي بت صحبتي القريبه مني شديييد قلت ليها ماشاء الله ، جات نازله ياسمين بت جميله و راقيه و استايل تاني قعدت جمبها حضنتها امممي ليه تعبتي نفسك 💜 و انا بعاين ليهم بس بتبلصوا كده في بعض ، قالت ليها حبيبتي انتي بتي ، سلمي على سندس وقفتا سلمتا على ياسمين قالت ليها سندس شغاله في الوكاله مع رياض ، قالت لي اهلين اتشرفنا ، ابتسمتا ليها قالت ليما يلا ح نتغدا و ين البنات! قالت ليها نازلين مشينا قعدنا في الصفره جو اخواتو كلهم و ياسمين وامو و انا قعدنا عشان نتغدا ، قالت ليها سندس دي صحبة رياض شديد عشان كده عزمتها الليله زارتنا مع رياض مره واحده بس لكن ، كان بحكي لينا كتير عنها الفتره الفاتت ، قالت لي يعني لازمانا قعده و اعرف فيها الاستاذ اخبارو شنو 😊 عاينتا لي ياسمين مافاهماها بتقول في شنو و لي امو البتقول اني صحبتو ! ابتسمتا بس و سكتا و كملت اكلي براحه ، قالت امو طبعا يا سندس ام ياسمين دي صحبتي شديييد من زماان قلت ليها الله يديمها قالت لي لينا فتره هسي منتظرين رياض يحدد لينا موضوع الخطوبه طبعا نحنا بنعرف اي شي عن بعض بس ياسمين اصرت تعمال خطوبه ولو لشهر بس هي و رياض ، اللقمه وقفت في حلقي و اتشرقتا بقيت بكح و بكح لمن الشغاله لحقتني بي مويه ، ياسمين قالت لي مالك خير! لينه قالت ليها اتشرقت ، عاينتا لي امو و من نظراتها فهمت اي شي خلاص فهمت سبب العزومه العايزه تزلني بيهو و اي شي وضح لي قمتا على حيلي قالت لي اقعدي مالك قايمه قلتا ليها اتاخرتا و رياض لو مرا لقاني ماف بقول اتسيبتا ياسمين قالت لي الاتقعدي عاينتا ليها عايزة ابكي لكن مسكتا نفسي و اتخارجتا سريع من بيتهم وجريت ركبتا لي بيتنا طوالي طوال الطريق انا ببكي و زعلانه ، لمن وصلتا لقيت و لد جيرانا عثمان قااعد في الارض بلعب بالحجار جا جاري لي بنادي فيني سندس سندس قلت ليهو غور من وشي هسي قال لي ماشفتي جوكم ناس بعربيه قلت ليهو ناس😳 قال لي مره كده لابسه دهب و قعد يوصف لي فيها و حكى لي الحصل بعد انتهى قلت ليهو ايواا فهمتا قال لي ماشه وين اديني عشره 😂 ادتني خمسييين جنيييه😂😂😂 قلت ليهو امشي ياقليل ادب من وشي سريع 😒 ما مربى ده 😒 .. دخلت بيتنا زهجااانه وقافله معاي قعدتا براي في الغرفه ابكي 😭 رياض اتصل كم مره ما رديت عليهو 😭😭💔 كنتا ببكي
يتبع
